1 TIMOTEUS 1:12 - BOWOT BOHUA

¹² Ahku ngohawot torimakasih ahkan Kristus Yesus Tuhan ihto. Io jari nonga koba'as ahkak'ku ahkan mohalu Io, tutang Io ijo ngohu ahku layak ahkan gawi orih,

1 TIMOTEUS 1:12 ပူးပေါင်းရင်းမြစ်များ

MATEUS 20:4

Mahka nuhtui rih io umba iro, ‘Tulak rih ihkam bogawi aang pombulan anggur aik'ku. Ahku ahkan ngupah ihkam umba upah ijo pahtut.’

YOHANES 5:23

Amai nguanoh rih mangat paring ulun mohoromat Anak kolou iro mohoromatoh Amai. Ulun ijo eam mohoromatoh Anak eam ka'a mohoromatoh Amai ijo nyuhu Anak.

KESAH RASUL-RASUL 16:15

Lidia tutang 'cakojolahan ang lohpouoh ponopondus. Uli ponopondus io morawe 'kai, io nuhtui, ‘‘Amat Konduang-konduang komo ahku tu'u-tu'u jari porocaya umba Tuhan Yesus, olai mohcon ang lohpou ehkai.’’ Turus io hojojuan, mangat ihkai kani numbun auh sawotoh.

KESAH RASUL-RASUL 9:15

Tahpi hion Tuhan umba Ananias, ‘‘Tulak ih! Tului Ahku jari ngopili io ahkan mborihta tohou Ahku ahkan uhtus-uhtus ulun bohkon, ijo eam nambit Agama Yahudi tutang ahkan lahca-lahca hawui ahkan ukup Israel ka'a.

KESAH RASUL-RASUL 9:22

Tahpi Saulus sasar ba'as pongarohoh. Tanda-tanda ijo io nyorihtaoh tohou Yesus kodorih moyakinoh ijo Yesus rih Lahca Ponyolamat, nyiring ulun-ulun Yahudi ijo mohcon ang Damaskus eam duon samasino molawan.

1 KORINTUS 15:10

Tahpi tului asin Pohotala ahku monjadi kolou ahku ijo uhuntuh. Tutang eam porocuma Pohotala ngapun ahku. Justru ijo bogawi labih karas tahkan paring rasul ijo bohkonoh. Tahpi orih kotu'uioh, bohkon usaha aik'ku, orih usaha Pohotala ijo ngasi ahku, tutang ijo bogawi hombo-homboh ahku.

1 KORINTUS 3:5

Kotu'ui iai Apolos rih? Tutang iai Paulus rih? Ihkai tihkas dolang pohalu Pohotala, ijo ius niting ihkam ahkan porocaya umba Kristus. Ihkai baya molalus gawi ijo tonyuhu Tuhan ahkan ihkai nyinong behti.

1 KORINTUS 7:25

Huntuh tohou ulun-ulun ijo jaha kawin. Tohou hal orih ahku eam norima poretah ino-inon tahkan Tuhan. Olu kodorih ulun ijo tului norima pononganasi Tuhan pahtut tomorocaya, ahku kani nonga tingak iou.

2 KORINTUS 4:1

Ihkai nguan gawi tuh, tului kosayang ahtoi Pohotala. Orih kotuluioh ihkai eam puhtus asa.

GALATIA 3:26

Tului ihkam porocaya umba Kristus Yesus, mahka ihkam hihco umba Io; tutang bain kotului orih ihkam monjadi anak-anak Pohotala.

GALATIA 3:28

A'ang hal tuh, eam hino anai kobohkon holat ulun Yahudi tutang ulun bohkon Yahudi, holat jihpon tutang ulun morodehka, holat ulunbahkas tutang ulunbawi. Konduang paringoh ihco tului Kristus Yesus.

PILIPI 2:11

Iro paringoh ahkan mongahku ijo Yesus Kristusrih Tuhan; umba kodorih Pohotala, Amai tonohoromatoh.

PILIPI 4:13

Umba kowasa ijo tononga Kristus ahkak'ku, ahku anai koba'as ahkan noharep kokaron kolou koada'an.

KOLOSE 1:25

Pohotala nyuhu ahku monjadi pohalu ukup-Oh, ahkan kogunan'kam. Ahku harus monyapai borihta tahkan Pohotala, koparingoh;

1 TIMOTEUS 1:1

Timoteus, anak'ku ijo sojahti ang luwang Tuhan! Surat tuh tahkan ahku, Paulus, rasul Kristus Yesus ngosan poretah Pohotala, Ponyolamat ihto, tutang ngosan poretah Yesus Kristus koharap ihto. Keleh Pohotala, Amai, tutang Yesus Kristus Tuhan ihto nonga borehkat, pononganasi tutang kosanang ahkan'kam.

1 TIMOTEUS 1:11

Ajaran rih ihto sombangoh ang luwang Kabar Hinut ijo monyiaroh tomorocaya ahkak'ku, yorih Kabar Hinut tahkan Pohotala ijo hajo tutang harus tonara.

1 TIMOTEUS 6:13

Tutang huntuh, ang toharep Pohotala ijo nonga hasong ahkan karo ang'co, tutang ang toharep Kristus Yesus, ijo nonga kosaksian ijo morong ahkan Pontius Pilatus, ahku nyawot tuh tahkanaang ihko.

2 TIMOTEUS 2:2

Ajaran ijo houn jari ihko ngonih tahkan ahku, ang toharep ulun aro, hondakoh rih ihko porocaya iou hawui ulun-ulun ijo duon tonoharap tutang ijo cahkap ngajar ulun bohkon.

2 TIMOTEUS 4:17

Tahpi Tuhan mambai ahku, Io nonga koba'as, nyiring ahku sanggup mborihta paring Kabar Hinut rih, mangat konahan bain paring ulun bohkon Yahudi. Tutang ahku liwus tahkan bohaya popahtoi.

TITUS 1:4

Titus, ihko puna anairih anak'ku, kotului ihko tutang ahku, sama-sama ius porocaya umba Kristus. Ahku moharap, keleh Pohotala, Amai, tutang Kristus Yesus Lahca Ponyolamat ihto, nonga borehkat tutang kosanang ahkan'mu.

PILEMON 1:9

Tahpi tului ahku ngasih Konduang, ahku tihkas nyawot iou. Ahku ihcobehti oko, tutang huntuh rahat tonahan ang luwang sipir kotului Kristus Yesus.