1 TIMOTEUS 1:1 - BOWOT BOHUA

^1-2 Timoteus, anak'ku ijo sojahti ang luwang Tuhan! Surat tuh tahkan ahku, Paulus, rasul Kristus Yesus ngosan poretah Pohotala, Ponyolamat ihto, tutang ngosan poretah Yesus Kristus koharap ihto. Keleh Pohotala, Amai, tutang Yesus Kristus Tuhan ihto nonga borehkat, pononganasi tutang kosanang ahkan'kam.

1 TIMOTEUS 1:1 ပူးပေါင်းရင်းမြစ်များ

LUKAS 1:47

tutang moruak'ku paham kojorihoh, tului Pohotala Ponyolamat'ku.

LUKAS 2:11

Ondou tuh ang lowun Dawid jari konanak Lahca Ponyolamat'mu iorih Kristus, Tuhan.

KESAH RASUL-RASUL 9:15

Tahpi hion Tuhan umba Ananias, ‘‘Tulak ih! Tului Ahku jari ngopili io ahkan mborihta tohou Ahku ahkan uhtus-uhtus ulun bohkon, ijo eam nambit Agama Yahudi tutang ahkan lahca-lahca hawui ahkan ukup Israel ka'a.

RUMA 1:1

Konduang-konduang paring ang Ruma ijo tonokasih Pohotala tutang ijo jari tona'ah Pohotala ahkan monjadi ukup-Aiu. Pohotala jari mitih tutang ngahtang ahku khusus mangat mborihta Kabar Hinut tahkan Pohotala.

1 KORINTUS 1:1

Konduang-konduang ukup Pohotala ang Korintus! Konduang jari tona'ah bain Pohotala ahkan monjadi ukup-Aiu, kobain Konduang ain Yesus Kristus, hombo-homboh paring ulun ang umoh ka'a ijo nyembah Tuhan ihto Yesus Kristus, iorih Tuhan iro tutang Tuhan ihto ka'a. Ahku, Paulus, tutang konduang ihto Sostenes, harap, keleh Pohotala, Amai ihto, tutang Tuhan Yesus Kristus nonga borehkat tutang kosanang komangat ahkan'kam. Ahku nyurat surat tuh, kolou rasul Kristus Yesus, ijo ponotuot bain Pohotala bongoi tutang kobain konohuang-Oh ka'a.

1 KORINTUS 9:17

Jahkaoh ahku nguan gawik orih, ngosan konohuang'ku bongok, mahka ahku tou moharap ahkan dahpot upah. Tahpi ahku mborihta Kabar Hinut rih, puna tului koharusoh. Ahku sonuhu bain Pohotala ahkan nguan orih.

2 KORINTUS 1:1

Konduang-konduang ukup Pohotala ang Korintus, tutang sohopus ukup ain Pohotala ijo anai ang Akhaya. Ahku, Paulus, rasul Kristus Yesus ijo tonotuot tului kohondak Pohotala, hombo-homboh umba konduang ihto Timoteus,

GALATIA 1:1

Konduang-konduang, ukup-ukup ang wilayah Galatia, Ahku Paulus, tutang paring konduang Kristen ijo homboh ahku, moharap, keleh Pohotala, Amai ihto tutang Tuhan Yesus Kristus nonga borehkat tutang kosanang ahkan'kam. Ahku monjadi rasul bohkon umba katuh kolunon ata'ai tului tonotuot bain ulun, molekan bain Yesus Kristus tutang Pohotala Amai ihto, ijo jari mombolum Io hoduli tahkan popahtoi.

GALATIA 1:11

Konduang-konduang harus mongota'an ijo Kabar Hinut ijo ahku mborihtarih rih eam asaroh tahkan kolunon.

KOLOSE 1:27

Ahkan ukup Aiu rih, Pohotala kani ngorinahoh eaminon kopiosoh tutang kohajooh rahasia-Oh rih bagi sohopus ukup kolunon. Rahasia orihrih, iorih: Kristus anai luwang arop'kam, ijorimai ihkam ahkan hawui nginyam kohajon Pohotala.

2 TESALONIKA 2:16

Keleh Tuhan ihto Yesus Kristus bongoi, tutang Pohotala, Amai ihto, nonga ampung tutang koba'as ang ahtoi'kam, mangat ihkam duon bogawi tutang mborihta inon ijo pios. Tului Pohotala ngasi ihto, tutang tului kohinut ahtoi-Oh, Io napa ihto tohtap tabah hawui bokoharap umba ijo hinut.

1 TIMOTEUS 1:12

Ahku ngohawot torimakasih ahkan Kristus Yesus Tuhan ihto. Io jari nonga koba'as ahkak'ku ahkan mohalu Io, tutang Io ijo ngohu ahku layak ahkan gawi orih,

1 TIMOTEUS 2:3

Orihrih ijo pios tutang ngojorih ahtoi Pohotala, Ponyolamat ihto.

1 TIMOTEUS 2:7

Tutang orihrih kotuluioh, ahku tonyuhu tulak nokuh ulun-ulun bohkon Yahudi mangat mborihta ahkan iro borihta tohou koporocaya ijo morong. Ijo ahku monyiaroh tuh anairih morong, ahku eam ngobalik.

1 TIMOTEUS 4:10

Orihrih kotuluioh, ihto kolahi tutang bogawi paham, kotului ihto moharap sotuwioh umba Pohotala ijo bolum; Iorih Ponyolamat paring ulun, kopahtukoh sosino ulun-ulun ijo porocaya.

TITUS 1:3

Ang ohkot ijo kona, Pohotala ngorinah bowot-Oh rih a'ang pohtoh-Oh. Pohtoh orih jari tomorocaya ahkak'ku, tutang ahku mborihtaoh bain poretah Pohotala Ponyolamat ihto.

TITUS 2:10

ata'ai nahkou. Hondakrih iro pokarah ijo iro toturus honong sihkap pios tutang te'et, mangat umba sihkap iro rih, ulun monara ajaran tohou Pohotala, Ponyolamat ihto.

TITUS 2:13

Uhuntuh ihto rahat ngindoi Ondou, ijo ihto paham mohara-harapoh rih; ang Ondou orih rih kolunon ahkan nohto kohajon Yesus Kristus, yorih Pohotala Mahahajo tutang Lahca Ponyolamat ihto.

TITUS 3:4

Tahpi Pohotala, Ponyolamat ihto ngorinah kasih tutang kohinut ahtoi-Oh ahkan ihto.

TITUS 3:6

Pohotala nusuh Roh-Oh ahkan ihto honong poholat Yesus Kristus, Lahca Ponyolamat ihto.

1 PETRUS 1:21

Nguha Iorih ihkam porocaya ahkan Pohotala, ijo jari ngombolum Io hoduli tahkan popahtoi, tutang mopohajooh. Jadi, Pohotalarih ijo ihkam porocayaoh tutang ahkan Pohotalarih ka'a ihkam ngina koharapan.

1 PETRUS 1:3

Olailah ihto norimakasih umba Pohotala, Amai, Tuhan ihto Yesus Kristus! Io paham mongasih ihto, orih kotuluioh Io nonga ahkan ihto pombolum ijo bohua, hawui mombolum hoduli Yesus Kristus tahkan popahtoi. Tuh mononga'kan ihto harapan ijo segah.

2 PETRUS 1:1

Konduang-konduang ijo tu'u-tu'u porocaya kolou ihkai! Yesus Kristus iorih Pohotala, tutang Lahca Ponyolamat ihto, nguandahpot ihto porocaya umba Io, tului Io monguan ijo morong. Surat tuh tahkan Simon Petrus, ijo behti jihpon tutang rasul Yesus Kristus.

1 YOHANES 4:14

Ihkai bongon jari nohto Anak Pohotala, tutang ihkai mongabaroh ijo Yesus rih tonyuhu bain Amai, ahkan monjadi Lahca Ponyolamat kolunon tuh.

YUDAS 1:25

Iorih ihco-ihcooh Pohotala, Ponyolamat ihto nguha Yesus Kristus Tuhan ihto. Iorih Pohotala ijo tonohoromat Hajo, Bokowasa tutang Bopongaroh tahkan jaman houn lomoi nyiring huntuh tutang ahkan turus-jahamoh! Amen.