1 TESALONIKA 5:8 - BOWOT BOHUA

⁸ Tahpi ihto tuh, ulun-ulun ijo barih aang hondou ijo boloang; tului rih tiruk ihto harus boloang. Ihto harus tehtep porocaya umba Tuhan tutang ngasi ulun-ulun bohkon hawoi bokoharap honong yakin, ijo Pohotala ahkan monyolamat ihto. Orihrih sonjata ijo ngolindung ihto a'ang kolahi molawan kopindong.

1 TESALONIKA 5:8 ပူးပေါင်းရင်းမြစ်များ

1 KORINTUS 13:13

Jadi, ahkan wayah tuh, anai tolu hal ijo ihto harus tehtep nguai: porocaya, bokoharap, tutang saling ngasih. Ijo paling boguna tahkan kotolu-tolu ohrih, iorih, pongasih ulun-ulun bohkon.

2 KORINTUS 6:7

homboh hawui mborihta kabar ijo tahkan Pohotala, tutang umba kowasan Pohotala, ihkai ngorinah ijo ihkai tuh anairih jihpon-jihpon Pohotala. Ihkai nambit aang kohondak Pohotala, kolou sanjatan ihkai ahkan nyarang, oluka ahkan mombela arop.

GALATIA 5:5

Tahpi bagi ihkai, ihkai bokoharap, ijo honong pondohop Roh Pohotala tutang hogalang koporocayan ihkai umba Kristus, Pohotala touduonrih ahkan ihkai hokopios umba Io.

EPESUS 6:11

Hapanih paring pokahkas ijo tononga bain Pohotala ahkan'kam, mangat ihkam dahpot tahan molawan siasat-siasat bokolilit ijo paham tahkan Sehtan.

EPESUS 6:23

Keleh Pohotala, Amai, Tutang Tuhan Yesus Kristus, duontou paring ukup ahkan hihco, tutang saling hosita hawui porocaya umba Kristus.

1 TESALONIKA 5:5

Konduang paringoh anairih ulun ijo bolum luwang koloang, ihkam barih aang hondou ijo boloang. Ihto eam ulun ijo bolum luwang kopindong ata'ai ijo barih ang ngolomi ijo pindong.

2 TESALONIKA 2:16

Keleh Tuhan ihto Yesus Kristus bongoi, tutang Pohotala, Amai ihto, nonga ampung tutang koba'as ang ahtoi'kam, mangat ihkam duon bogawi tutang mborihta inon ijo pios. Tului Pohotala ngasi ihto, tutang tului kohinut ahtoi-Oh, Io napa ihto tohtap tabah hawui bokoharap umba ijo hinut.

IBRANI 6:19

Koharap ihto rih, kolou sauh ijo tokelem paham timbon tutang monjadi ponambit ijo segah tutang sanang ahkan pombolum ihto. Koharap rih morutat dindingbenang, Ruang Ijo Mahaborasih ang Lohpou Tuhan ang soruga.

1 PETRUS 1:13

Bain rih, hondakrih ihkam siap sodia. Bojaga iou tutang boharaprih sotuwioh aang borehkat ijo ahkan tononga ahkan'mu aang ohkot Yesus Kristus lombut noin.

1 PETRUS 2:9

Tahpi ihkam anai uhtus ijo tonopili, imam-imam ijo mohalu lahca, uhtus ijo borasih, khusus ahkan Pohotala, ukup Pohotala bongoi. Pohotala mitih ihkam, tutang na'ah ihkam soluka tahkan luwang kopindong, ahkan nyolong nokuh luwang koloang-Oh ijo gomilang honong konohuang, mangat ihkam monyiar kabar tohou karon-gawiu-Oh ijo luar biasa.

1 YOHANES 1:7

Tahpi amat ihto bolum ang luwang koloang, koloukuwoh Pohotala anai ang luwang koloang, mahka ihto bolum heret, rukun ihco sama ijobohkon, tutang dahan Yesus, Anak-Oh muhi ihto tahkan kokaro dusa.