1 TESALONIKA 5:3 - BOWOT BOHUA

³ Amatmira ulun nuhtui: ‘‘Paringoh aman tutang tentram,’’ mahka aang ohkot rih solenga iro ahkan tonopahas korusak tutang eam ihcobehti ka duon lolos. Hal orih ahkan nyolung songola, kolou anyam poros nganak, ijo nopahas ihcobehti bawi ijo ahkan nganak.

1 TESALONIKA 5:3 ပူးပေါင်းရင်းမြစ်များ

MATEUS 23:33

Ihkam ja'at tutang puna uhtus ulun ja'at! Koloukuwoh ka'a ihkam duon monyolamat arop'kam tahkan hukuman ijo ang norahka?

YOHANES 16:21

Amat ihcobehti ulunbawi ijo jonyo kanak, io susah ahtoi, kotului johcok ohkotoh io ngarot. Tahpi kodorih anakoh konanak, ulunbawi rih tolingouoh karotoh, tului kojorihoh bain ihcobehti longa konanakoh nokuh luwang kolunon.

KESAH RASUL-RASUL 13:41

‘Nohtoani pio-piosoh ihkam ulun-ulun ijo jolik ngonja'at injahoh! Ihkam ahkan gagum, turus mahtoi! Tului ang jaman tuh Ahku rahat nguan ang'co ijo ihkam bongom eam ahkan porocayaoh, oluka anai ulun mborihtaoh ahkan'kam.’ ’’

2 TESALONIKA 1:9

Ulun-ulun rih ahkan norima hukum korusak turus-jahamoh todian nokuh ruar tahkan barih Tuhan tutang tahkan kowasai-Oh ijo hajo,

IBRANI 12:23

Ihkam umba ihco puhpungpulou ijo rami – puhpungpulou rih ain anak-anak pongoko ain Pohotala, ijo arai-araioh tonoliting ang luwang soruga. Ihkam lombut noharep Pohotala. Hakim paring ukup kolunon. Ihkam noharep roh-roh, karo ulun-ulun hinut, ijo jari nyolung soporuna.

IBRANI 2:3

Mahihino umba kosolamatan ijo labih hebat tahkan pohtoh-pohtoh rih! Amat ihto eam anai poduli toharep kosolamatan rih, ihto puna botatu eam ahkan luhput tahkan hukuman. Tului Tuhan bongoirih ijo pahtu-pahtukoh mborihta kosolamatan rih, tutang ulun ijo sula-sulak lomoi ngonihoh, jari mombuktioh komorongoh ahkan ihto.

2 PETRUS 2:4

Molehkat-molehkat ijo bodusa ka'a eam Pohotala mohanau liwus tahkan hukum, molekan tongondian ahkan luwang norahka. Iro ponosolong ahkan luwang guha ijo pindong, ahkan tonahan ang anan nyiring Ondou Ponosara.