1 TESALONIKA 4:4 - BOWOT BOHUA

⁴ Nyinong ulunbahkas ang louk ihkam, pahtut ngota'an, koloukuwoh bolum hihco oruhoh, umba cara ijo ngojorih ahtoi Pohotala tutang kolunon.

1 TESALONIKA 4:4 ပူးပေါင်းရင်းမြစ်များ

KESAH RASUL-RASUL 9:15

Tahpi hion Tuhan umba Ananias, ‘‘Tulak ih! Tului Ahku jari ngopili io ahkan mborihta tohou Ahku ahkan uhtus-uhtus ulun bohkon, ijo eam nambit Agama Yahudi tutang ahkan lahca-lahca hawui ahkan ukup Israel ka'a.

RUMA 1:24

Bain tului orih Pohotala mohonau iro konowasa bain kojolik ahtoi'ndo, ahkan nguan ijo bejad, nyiring iro nguan hal-hal ijo kojilok toharep sama arop.

RUMA 12:1

Konduang-konduang! Pohotala ngarinah asioh umba ihto. Orih kotuluioh ahku nyawot honong paham mangat ihkam monyorah arop'kam, kolou ihco porahpah ijo bolum, ijo khusus ahkan Pohotala tutang ijo ngojorih ahtoi-Oh. Sombayang'kam ahkan Pohotala koharusoh kolouorih.

RUMA 6:19

Tului koba'as norima'mu kolourih bolomu, ahku hapa sutu-sutu kojihpon, mangat ihkam labih jeleng nyolembangoh. Lomoi ihkam nyorah arop'kam koparingoh, monjadi jihpon ahkan hal-hal kojilok tutang ijo ja'at, ahkan konohuang-konohuang ijo ja'at. Kodorih ka'a huntuh, hondakrih ihkam monyarahoh arop koparingoh, monjadi jihpon bagi kohondak ain Pohotala, nguan konohuang-konohuang Pohotala ijo khusus.

1 KORINTUS 6:15

Konduang-konduang kota'an ijo behtin'kam anai ramun behtin Kristus. Jadi, inon tou ahku ngomin ihco ramun behtin Kristus, turus monjadioh ramun behtin 'cobehti sundal? Samasino eam!

1 KORINTUS 7:2

Tahpi mangat eam buah tihkos ahkan nguan hal-hal ijo eam pahtut, labih pios nyinong ulun-ulun bahkas anai oruhoh bongoi. Tutang nyinong ulunbawi anai bosaioh bongoi.

1 KORINTUS 7:9

Tahpi amat Konduang eam duon monahan kojolikbolai, Konduang hondakoh kawin. Tului labih pios Konduang kawin tahkanumba kojolikbolai molambun.

2 KORINTUS 4:7

Tahpi ponahtou rohani ijo komok orih, ihkai ngomiuoh ang luwang arop ihkai ijo eam borega tuh, ijo tonapa tahkan tana. Honong kodorih korinah bain kohajon kowasa rih mohcon aang Pohotala tutang eam aang ihkai.

PILIPI 4:8

Laiuoh, Konduang-konduang, nyuangrih tiruk'kam umba hal-hal borega, ijo pahtut tonara, yorih hal-hal ijo morong, ijo tonohoromat, ijo adil, borasih, manih, tutang pios.

IBRANI 13:4

Paring ulun harus nunjuk sikap horomat, toharep pongawin, orih kotuluioh hondakrih bosai-oruh, te'et ihco sama'jobohkon. Ulun ijo kihal tutang ulun ijo hobandung, ahkan tomosara bain Pohotala.

1 PETRUS 3:7

Tutang ihkam ka'a, bosai-bosai, hondakrih bolum honong tuwi umba pongosono toharep oruh'mu, tutang hawui borondong ijo iro anairih barih ijo bolomu. Horaguohrih iro hawui horomat, tului iro hihco umba ihkam, ahkan norima ponongan pombolum ijo sojahti tahkan Pohotala. Nguan ohrih tuh, mangat eam anai ijo mohalang do'ako.