1 TESALONIKA 4:3 - BOWOT BOHUA

³ Tuhrih kohondak Pohotala: Mangat ihkam bolum khusus ahkai-Oh, borasih, ngomahcu kokaro gawi ijo kihal.

1 TESALONIKA 4:3 ပူးပေါင်းရင်းမြစ်များ

MATEUS 12:50

Ulun ijo nguan kohondak Amai-Ku ijo ang soruga, iorih konduang-Ku bahkas, tutang bawi, tutang inai-Ku.”

MATEUS 15:19

Kotului tahkan ahtoi lombut tiruk-tiruk ja'at, ijo kotuluioh ulun munu, hobandung, nguan kihal, nahkou, nonga saksi alik tutang mopitnah injahoh.

MATEUS 5:32

Tahpi huntuh Ahku nuhtui ahkan'kam: ia-iai ijo nulang oruhoh padahar bawi orih eam nyoleweng, kotuluioh oruh rih hobandung, amat oruhoh rih kawin hino. Tutang ia-iai ijo kawin umba ulunbawi ijo tonulang bosaioh rih, io hobandung ka'a.”

MATEUS 7:21

“Eam paring ulun ijo na'ah Ahku, ‘Tuhan, Tuhan’, ahkan nyolung anak uhkup Pohotala, tahpi baya ulun-ulun ijo numbun kohondak Amai-Ku ijo ang soruga.

MARKUS 3:35

Ulun ijo nguanoh konohuang Pohotala, iorih konduang-Ku bahkas konduang-Ku bawi, tutang inai-Ku.’’

YOHANES 4:34

Turus Yesus nuhtui, ‘‘Ukun-Ku anairih numbun kohondak Io ijo nyuhu Ahku, tutang ngo-opahoh gawi ijo tonyorah-Oh ahkak-Ku.

YOHANES 7:17

Ulun ijo kani numbun konohuang Pohotala, ahkan ta'an inon rih ajaran-Ku lombutoh tahkan Pohotala ata'ai tahkan Ahku bongok.

KESAH RASUL-RASUL 15:20

Tahpi ihto harus mitik surat ahkan iro, tutang ningak iro ahkan iro ara kuman ukun ijo pali, ijo jari tonyarah ahkan songiang, ata'ai kuman usin ohcin ijo mahtoi mudar, ata'ai kuman daha. Tutang ka'a ahkan iro ngomahcu aropoh tahkan gawi-gawi ijo eam hobahtek kihal.

KESAH RASUL-RASUL 15:29

ararih kuman ukun ijo jari tonyarahoh ahkan songiangdewa; ara kuman daha, ara kuman usin ohcin ijo mahtoi mudar, tutang ngomahcu arop'kam umba gawi-gawi ijo eam hobahtek. Amat ihkam ngomahcu arop'kam tahkan hal-hal orih, ihkam jari nguanoh ijo morong. Nyiring tuh iou, solamat!’’

KESAH RASUL-RASUL 20:32

Huntuh ahku nyarah ihkam ahkan Pohotala mangat Io ijo monjaga ihkam, tutang mangat ihkam nambit aang kabar pononganasi Pohotala. Pohotala tepun kowasa ahkan ngomba'asoh ihkam, tutang nonga ahkan'mu borehkat-borehkat ijo jari tonahtap-Oh ahkan paring ukup Aiu.

KESAH RASUL-RASUL 26:18

ahkan polenangoh mahtan'ndo, mangat iro soluka tahkan kopindong, tutang nyolong nokuh luwang koloang, mangat iro liwus tahkan kowasan Sehtan, turus konowasa bain Roh Pohotala. Mahka tului porocaya umba-Ku, dusa-dusan iro ahkan tongapun tutang iro ahkan monjadi ukup-ukup Pohotala ijo mihtih.’ ’’

RUMA 1:29

Ahtoi iro tuwi umba paring ijo ja'at, ijo eam morong; tuwi umba kokuhuahtoi; komaram tutang nanyam bohiri; tuwi umba kojolik ahkan munu, hokolahi, ngobula, tutang dandam. Iro rajin nohou ulun bohkon;

RUMA 12:2

Ara umba sipat-sipat kolunon tuh. Nauhoh Pohotala nguan sipatarop'kam monjadi bohua, mangat ihkam hubah. Honong kodorih ihkam sanggup ngota'an konohuang Pohotala – yorih, inon ijo pios tutang ijo ngojorih ahtoi Pohotala tutang ijo soporuna.

RUMA 6:22

Tahpi huntuh ihkam jari konuwatoh tahkan dusa tutang monjadi jihpon Pohotala. Koutungan'mu iorih ijo Konduang bolum khusus ahkan Pohotala tutang hal orih, momuaoh pombolum sojahti tutang kototahiu.

1 KORINTUS 1:30

Pohotala bongoi ijo napa nyiring Konduang hihco umba Kristus Yesus. Nguha Kristus, ihto monjadi horahti. Tutang nguha Io ka'a Pohotala nguan ihto hokopios hoduli umba arop-Oh, monjadi ihto ukup-Aiu ijo khusus tutang ngoliwus ihto.

1 KORINTUS 7:2

Tahpi mangat eam buah tihkos ahkan nguan hal-hal ijo eam pahtut, labih pios nyinong ulun-ulun bahkas anai oruhoh bongoi. Tutang nyinong ulunbawi anai bosaioh bongoi.

2 KORINTUS 12:21

Ahku mihkoh amat-amat aang ohkot ahku lombut noin Pohotala ahkan porandah ahku ang toharep'kam, tutang ahku ahkan nangih tului aro, ang louk ihkam ijo bodusa lomoi, eam hubah tutang eam tondo nguan gawin-gawin iro ijo kihal, kojilok tutang eam pantas.

GALATIA 5:19

Kojolik tobiat kolunon korinah ang karon-gawiu ijo kihal, ja'at tutang eam pahtut;

EPESUS 5:17

A'ai uong, tahpi nolihti inon ijo tongohondak Tuhan.

EPESUS 6:6

A'ai nguan angkodorih tihkas ang ohkot ihkam tonopahjah, tihkas ahkan dahpot tara tahkan ulun. Tahpi hondakrih ihkam nguaioh, kolou jihpon Kristus ijo rahat numbun kohondak Pohotala honong kotuwi ahtoi.

KOLOSE 1:9

Orihrih kotuluioh ihkai turus bodo'a ahkan ihkam, tahkan ihkai ngonih tohou ihkam. Ihkai nyawot umba Pohotala mangat Roh Pohotala nonga ahkan'kam kopihtar tutang kohorahti, nyiring ihkam kota'an hawui soporuna inon konohuang Pohotala.

KOLOSE 3:5

Kotului rih munuoh rih kojolik-kojolik kolunon ijo monderoh arop'kam, kolou kokihal, hal-hal ijo eam sanonoh, kojolikbolai, konohuang ijo ja'at, tutang kokuhu (tului kokuhu anairih kolou umba nyembah dewa).

KOLOSE 4:12

Tahbe tahkan Epafras. Io ka'a tahkan barih'kam. Io jihpon Kristus Yesus ijo toturus bodo'a hawui tehen ahkan ihkam. Io nyawot honong paham ahkan Pohotala, mangat koyahkin'kam monjadi ba'as tutang ihkam moro-morong kolou ulun oko, mangat ihkam hawui soporuna bokehtep umba konohuang Pohotala.

1 TESALONIKA 4:2

Tului ihkam jari kota'an, potunjuk-potunjuk ijo jari ihkai nongaoh ahkan'kam, ngosan kowasan Tuhan Yesus.

1 TESALONIKA 4:4

Nyinong ulunbahkas ang louk ihkam, pahtut ngota'an, koloukuwoh bolum hihco oruhoh, umba cara ijo ngojorih ahtoi Pohotala tutang kolunon.

1 TESALONIKA 5:18

Aang kokaro koada'an, hondakrih ihkam norimakasih, kotului orihrih ijo Pohotala jolik tahkan ihkam, kolou ulun ijo bolum hihco umba Kristus Yesus.

1 TESALONIKA 5:23

Keleh Pohotala bongoi ijo nonga ahkan ihto kosanang, ngonjorian ihkam ulun ijo tu'u-tu'u bolum khusus ahkan Pohotala. Keleh Pohotala monjaga arop'kam poringoh, pios roh, homboruan, oluka behtin'kam, nyiring eam anai cahcatoh ang ohkot Tuhan ihto Yesus Kristus lombut hoduli.

2 TESALONIKA 2:13

Konduang-konduang ijo tonokasih Tuhan! Toturus ihkai harus, ngohawot torimakasih ahkan Pohotala tohou ihkam, tului tahkan pahtuk-Oh Pohotala, jari mitih ihkam ahkan tonyolamat. Hal orih rih nyolung bain inon ijo tonguan Roh Pohotala ang ihkam, ahkan ngonjorian ihkam ukup Pohotala ijo borasih, tutang bain kotului ihkam porocaya umba Kabar ijo morong tahkan Pohotala.

TITUS 2:14

Io jari moporahpah arop-Oh bagi ihto, ahkan momorodehka ihto tahkan kokaro koja'at, tutang ngonjorian ihto ihco ukup ijo morodehka tahkan dusa, tutang ijo monjadi Aiu-Oh iou, hawui ijo rajin nguan ang hinut.

IBRANI 10:36

Ihkam harus sabar, mangat ihkam duon nguan kohondak Pohotala, tutang honong kolourih norima inon jo tonobowot-Oh.

IBRANI 12:16

Jagarih, mangat ara anai ijo bolum kihal ata'ai eam morega hal-hal rohani, kolou ijo konuan bain Esau. Io morahkang hakoh kolou anak ijo oko, tihkas bagi ihco pikan ukun.

IBRANI 13:21

Keleh Pohotala tohasak kosanang orih monyuhkup ihkam umba kokaron ijo hinut ijo ihkam poruluoh ahkan nguan kohondak-Oh. Keleh hawui nguha Yesus Kristus, Pohotala bogawi ang luwang ihto, inon ijo tongojolik-Oh. Hondakrih Kristus tomohoromat turus-jahamoh. Amen.

IBRANI 13:4

Paring ulun harus nunjuk sikap horomat, toharep pongawin, orih kotuluioh hondakrih bosai-oruh, te'et ihco sama'jobohkon. Ulun ijo kihal tutang ulun ijo hobandung, ahkan tomosara bain Pohotala.

1 PETRUS 4:2

Kobain orih, hondakrih ihkam bolum toturusoh ang kolunon tuh, numbun konohuang Pohotala, tutang eam numbun kojolik kolunon.

1 YOHANES 2:17

Kolunon tutang kokaro aang'co ang luwangoh ijo tongojolik bain ulun, rahat dilap. Tahpi ulun ijo numbun konohuang Pohotala, tehtep bolum nyiring turus-jahamoh.

PONGORINAH 21:8

Tahpi ulun ijo pomihkoh, pondoruhaka, ulun bejad, pomunu, ulun ponyundal, ulun ijo hapa ilmu-ilmu gaib, ponyembah songiangdewa, tutang paring pabula, ahkan tonondian nokuh luwang tasik baho tutang sondawa ijo honyelak-honjelou, yorih popahtoi ijo ambal duo.’’

PONGORINAH 22:15

Tahpi ulun-ulun ijo jari nguan hal-hal ijo kojilok, ijo hapa ilmu-ilmu gaib, ulun-ulun rih ijo nguan gawiu-gawiu ijo nyundal, ijo munu, ijo nyembah songiangdewa, tutang ulun-ulun ijo ngobalik, pios umba auh-auh, oluka umba gawiu-gawiu, paring ulun rih unukoh ang luar lowu rih.