1 TESALONIKA 3:5 - BOWOT BOHUA

⁵ Orihrih kotuluioh ahku nyuhu Timoteus, tului ahku jolik sasino ta'an koloukuwoh komiar'kam a'ang porocaya umba Kristus. Ahku mihkoh Sehtan bohasir nihkos ihkam nyiring paring koheka kouyuh ihkai monjadi ngahus.

1 TESALONIKA 3:5 ပူးပေါင်းရင်းမြစ်များ

MATEUS 4:3

Sehtan lombut tutang nuhtui, “Ihko Anak Pohotala, kowa? Nah, nyuhu bahtu-bahtu tuh monjadi luhte.”

KESAH RASUL-RASUL 15:36

Eam tahi pongohino Paulus nuhtui umba Barnabas, ‘‘Has ihto masap huli Konduang-konduang ijo porocaya umba Yesus ang paring lowu-lowu ang amoh ihto jari mborihta auh Tuhan; mangat ihto nohto koloukuwoh koada'an'ndo.’’

1 KORINTUS 7:5

Ararih ngojajong ihco umba ijo bohkon, socara bosai oruh. Tou ahkan pondehan ohkotoh, asar duo-duooh jari sotuju. Honong kodorih nyino-nyinong dahpot bodo'a, hawui eam hokoderoh. Tahpi pongohuli harusrih ihkam hoduli, saling hokodoni secara bosai oruh. Amat eam kolourih, noin ihkam tou numbun bujuk roh ja'at, tului ihkam eam ba'as nahan kojolik bolai.

2 KORINTUS 2:11

Ahku nguan orih mangat Sehtan ara ngomin kosapetoh ahkan ngowasa ihto; tului ihto kota'an, rancana-rancanaoh.

2 KORINTUS 6:1

Tului ihkai bogawi hombo-homboh umba Pohotala, mahka ihkai nyawot hawui tu'u-tu'u, a'ai ihkam mohonou kopios ahtoi Pohotala rih.

GALATIA 2:2

Ahku tulak nokuh Yerusalem, tului Pohotala jari ngorinah ahkak'ku ijo ahku pahtut tulak. Tutang aang ihco puhpung ijo khusus, umba okon-okon ang anan, ahku monarang ijo ahku mborihta Kabar Hinut, ahkan ulun-ulun bohkon Yahudi. Tului ahku eam kani usaha'ku ijo houn, oluka ijo uhuntuh, baya sia-sia.

GALATIA 4:11

Ahku kowatir, ara-ara koheka koujuh'ku, ahkan ihkam nyia-nyia iou.

EPESUS 4:14

Mahka ihto eam monjadi anak-inyam hino ijo kuhtang-kitui tutang hanyu-hanyut konomin ko-anan-ko-ohtoi bain rohusan mahca-mahcam ajar tahkan ulun-ulun ijo lihcik. Iro nyosat ulun umba tihpu muslihat iro.

PILIPI 2:19

Ahku porocaya ijo umba pandohop Tuhan Yesus ahku jeleng dahpot nyuhu Timoteus nokuh ihkam, mangat ahku dahpot tohibur bain borihta tohou ihkam.

1 TESALONIKA 2:1

Konduang-konduang! Ihkam bongon ta'an ijo pasap ihkai nokuh ihkam eam ngohus.

1 TESALONIKA 3:6

Huntuh Timoteus jari buli, tutang jari nyorihta ahkan ihkai borihta kojorih, tohou koloukuwoh amoh ihkam porocaya umba Kristus tutang saling ngasih. Io nyorihta ahkan 'kai, ijo ihkam toturus anaingina kenang-kenangan ijo pios tohou ihkai ang ahtoi'kam. Tutang ihkam jolik hosombang umba ihkai, sama kolou ihkai ka jolik hosombang umba ihkam.