1 TESALONIKA 3:3 - BOWOT BOHUA

³ Honong kodorih eam ihcobehti ka, tahkan ihkam ijo undur aropoh tului karot-karot ihto tuh. Ihkam bongon kota'an ijo karot-karot rih nyolong luwang rancana Pohotala ahkan ihto.

1 TESALONIKA 3:3 ပူးပေါင်းရင်းမြစ်များ

LUKAS 21:12

Tahpi soun paringoh orih nyolung, ihkam ahkan tonawan tutang tonoporos. Ihkam ahkan ponosara ang lohpou-lohpou sombayang tutang ponosolong nokuh luwang sipir. Tutang ihkam ahkan tonyeret nokuh toharep lahca-lahca, tutang pongowasa-pongowasa, kotului ihkam rih murid-Ku.

YOHANES 16:2

Ihkam ahkan tonyoluka tahkan lohpou-lohpou sombayang. Tutang ahkan lombut ohkotoh ijo ulun ijo munu ihkam, ahkan ngohu io mongabdi ahkan Pohotala.

YOHANES 16:33

Paringoh rih Ahku nuhtui, mangat ihkam ngondahpot kosanangkomangat tului hihco umba Ahku. Ang kolunon ihkam ahkan mongarot. Tahpi tabahohrih ahtoi'kam! Ahku jadi mongalah kolunon!’’

KESAH RASUL-RASUL 14:22

Aang lowu-lowu rih iro ngoba'as ahtoi murid-murid Yesus tutang mopingat murid-murid rih porocaya ahkan Yesus, ‘‘Ihto harus aro ngarot houn, punan ihto nginyam kosanangoh Ang Kolunon Bohua Pohotala,’’ kodorih rasul-rasul rih majar murid-murid Yesus ang lowu-lowu rih.

KESAH RASUL-RASUL 2:25

Tohou Yesus tuh Dawid pu'u nuhtui, ‘Ahku nohto Tuhan toturus ang toharep'ku; Io mambaioh ahku, mangat ahku eam tohungge bain inon ka'a.

KESAH RASUL-RASUL 21:11

Io lombut nokuh ihkai, turus ngomin pohtong kahang Paulus. Umba potong kahang rih, io mohtong pa'ai tutang longoi bongoi hawui nuhtui, ‘‘Tuhrih ijo tonuhtui bain Roh Pohotala: Tepun pohtong kahang tuh, ahkan ponohtong koloutuh ang Yerusalem, bain ulun-ulun Yahudi, tutang tonosarah ahkan ulun-ulun bohkon Yahudi.’’

KESAH RASUL-RASUL 21:13

Tahpi ia mutah, ‘‘Inon gunaioh Konduang-konduang nangih koloutuh, nyiring nguan ahtoi'ku lonyuh? Ahku ius sodia eam tihkas baya tonawan ang anan, tahpi ka'a ahkan mahtoi sinoka kotului Tuhan Yesus.’’

KESAH RASUL-RASUL 9:16

Tutang Ahku bongok ahkan ngorinah ahkaioh, paring sorata, ijo harus io nginyam kotului Ahku.’’

RUMA 5:3

Tutang molowi tahkan orih, ihto ka jorih ang luwang kokarot, tului ihto kota'an ijo kokarot rih napa ulun monjadi bokehtep,

1 KORINTUS 15:58

Bain kotului rih, Konduang-konduang ijo tongasih, hondakrih ihkam ba'as tutang tehen. Bogawirih turus ahkan Tuhan honong tu'u-tu'u, bain ihkam ngota'an ijo paring ijo ihkam nguaioh ahkan Tuhan, eam ahkan ngohus!

1 KORINTUS 4:9

Kotului numbun tiruk'ku, ihkai karon-rasul, ius tonapa bain Pohotala, kolou tutunan ang boun ulun tutang bola molehkat. Ihkai kolou ulun-ulun hina ijo tonipa umba hukum mahtoi ang boun ulun aro tutang tonolahap kobain kolunon.

EPESUS 3:13

Kobain rih sawot'ku iorih; a'ai mihkoh tohou inon ijo ahku ngarot tului ihkam, bain paringoh rih anairih ahkan kopios'kam.

PILIPI 1:28

Hondakrih ihkam toturus bohanyi, a'ai mihkoh toharep polawan-polawan'kam. Honong kodorih ihkam ngorinah ijo iro musti ahkan kalah, tutang ihkam ahkan manang, kotului Pohotala bongoi ijo nonga komanangan ahkan'kam.

KOLOSE 1:23

Tahpi kopunai ihkam harus tohtap te'et porocaya tutang tombok tehen aang koporocayan'kam. Ara nyiring ihkam molohkak koharap ijo jari tononga ahkan'kam, kotihka ihkam norima Kabar Hinut tahkan Pohotala. Kabar rih jari tomborihta ahkan nyinong ulun ang hopus kolunon. Tutang ahkan orihrih ka'a ahku Paulus jari monjadi pohalu.

1 TESALONIKA 5:9

Pohotala mitih ihto eam ahkan tonohukum, tahpi ahkan tonyolamat, nguha Tuhan ihto Yesus Kristus.

2 TESALONIKA 1:4

Orihrih kotuluioh ombai ihkai bopander tohou ihkam nyinong tikat ihkai masap ukup-ukup Pohotala. Honong tamam ihkai monyorihta, koloukuwoh ihkam tohtap tehen porocaya umba Kristus, ang parak tonoporos tutang ngarot ijo ihkam nyuruoh.

2 TIMOTEUS 1:8

Kotului orih ara maha'an nonga kosaksian tohou Tuhan ihto, tutang ara ka'a maha'an tohou ahku, ijo tonohukum tului Io. Sobalikoh, hondakrih ihko umba koba'as tahkan Pohotala, umba karot ahkan Kabar Hinut rih.

1 PETRUS 2:21

Bagi orihrih Pohotala jari na'ah ihkam. Bain Kristus bongoi jari mongarot ahkan'kam, tutang umba orih Io nonga ahkan'kam ijo sutu, mangat ihkam nutut lohkui-Oh.

PONGORINAH 2:10

Ara mihkoh umba karot ijo eam tahi hino ihkam harus nyuruoh. Ingat, Sehtan ahkan moposolong ihcokobagi tahkan ihkam, koluwang sipir ahkan mouji ihkam. Ihkam ahkan mongarot sopulu ondou kotahiuoh. Hondakrih ihkam bokehtep umba Ahku nyiring mahtoi, mahka Ahku ahkan nonga ahkan'mu pombolum sojahti tutang kototahiu kolou hadiah komanang.

PONGORINAH 2:13

Ahku ta'an ang umoh ihkam mohcon, io-rih ang unuk sehtan bopododusan. Ihkam te'et umba Ahku. Malah kotihka Antipas, saksi aik-Ku ijo te'et rih, tomunu ang toharep ihkam ang luwang markas Sehtan, ihkam eam ngulim ijo ihkam porocaya umba Ahku.