1 TESALONIKA 3:2 - BOWOT BOHUA

² pondehan ihkai nyuhu konduang ihto Timoteus. Io ihcobehti pohalu Pohotala, ijo bogawi homboh ihkai ahkan momborihta Kabar Hinut tohou Kristus. Ihkai monyuhu Timoteus ahkan'kam, mangat io ngomba'as ihkam tutang juhung ihkam, ahkan labih porocaya hino umba Kristus.

1 TESALONIKA 3:2 ပူးပေါင်းရင်းမြစ်များ

KESAH RASUL-RASUL 16:1

Paulus noturus ponjalanoh nokuh Derbe, ulihino nokuh Listra. Ang anan anai ihcobehti murid Yesus bogare Timoteus, inaioh ihcobehti ulun Yahudi, ijo porocaya umba Yesus; tahpi amaioh ulun Yunani.

KESAH RASUL-RASUL 16:5

Mahka anak-ukup rih tambah ba'as koporocayaoh tutang nyinong ondou turus botambah aro jumbalahoh.

KESAH RASUL-RASUL 18:5

Uliorih Silas tutang Timoteus johcok tahkan Makedonia, Paulus mongguna koparing ohkotoh ahkan mborihta tahkan Pohotala ahkan ulun-ulun Yahudi, ijo Yesus orihrih Lahca Ponyolamat ijo tonobowot bain Pohotala.

RUMA 16:21

Timoteus, jolahak'ku monyapai tabeoh ahkan ihkam. Kodorih ka'a Lukius, Yason tutang Sosipater, Ihcolihting uhtus umba ahku.

1 KORINTUS 3:10

Umba kotoun ijo tononga Pohotala, ahku kolou ahli mangun, hawuiius ngina galang ahkan gedung rih, tutang ulun bohkon mangun gedung ang isun galang rih. Nyinong ulun harus nohtoanioh moro-morong koloukuwoh io mangunoh ang ngosan galang rih.

1 KORINTUS 4:17

Ahkan orihrih ahku jari nyuhu Timoteus masap ihkam. Monjadi murid Kristus, io sama kolou anak'ku bongok ijo ahku ngasioh. Io anak'ku ijo duon tomorocaya. Noin io ahkan mopingat ihkam, tohou cara bolum ijo ahku nihtoioh, ulijari porocaya umba Kristus, iorih cara bolum ijo ahku majaroh ang nyinong ukup, ang umoh ka'a.

2 KORINTUS 1:1

Konduang-konduang ukup Pohotala ang Korintus, tutang sohopus ukup ain Pohotala ijo anai ang Akhaya. Ahku, Paulus, rasul Kristus Yesus ijo tonotuot tului kohondak Pohotala, hombo-homboh umba konduang ihto Timoteus,

2 KORINTUS 1:19

Kotului Yesus Kristus, Anak Pohotala, ijo tomborihta ahkan'kam bain Silas, Timoteus tutang bain ahku bongok, bohkon ulun ‘‘Yo’’ tutang ‘‘Eam’’. Sobalikoh Io monjadi puhtah ‘‘Yo’’, tahkan Pohotala.

2 KORINTUS 2:12

Ang ohkot ahku johcok ang Troas, tutang nohuang ahkan mborihta oh Kabar Hinut tohou Kristus, Tuhan jari nguap jalan ahkak'ku ahkan bogawi ang unuk rih.

2 KORINTUS 2:13

Tahpi ahku eam teneng tului eam hosombang umba konduang ihto Titus ang anai. Mahka ahku poromisi umba ulun-ulun ang anan, turus tulak nokuh Makedonia.

2 KORINTUS 8:23

Tahou Titus, anairih jolahak'ku, ijo bogawi umba ahku, ahkan dohop ihkam. Tutang tohou koduo konduang rih, ijo hihkas homboh io, iro anairih ulun-ulun ijo sonuhu bain ukup-ukup tutang monjadi kotamam bagi Kristus.

PILIPI 1:25

Ahku yahkin ahkan hal orih. Orih kotuluioh ahku ta'an, ahku ahkan tohtap mohcon umba Konduang paringoh; mangat dahpot dohop ihkam nyolung mahi ba'as, tutang mahi sanang a'ang porocaya umba Tuhan.

KOLOSE 1:1

Konduang-konduang ukup Pohotala ang Kolose ijo bokehtep hihco umba Kristus! Kolou Rasul Kristus Yesus – ngosan ponotuot Pohotala – Ahku, Paulus, hombo-homboh umba Konduang ihto Timoteus, bokoharap keleh Pohotala, Amai ihto nonga borehkat tutang kosanang ahkan ihkam.

KOLOSE 1:7

Hal orih tonyapai ahkan Konduang bain Epafras, jolahan ijo ihkai ngasihoh. Io anairih ponggawi Kristus ijo te'et bogawi ahkan kogunan ihto.

KOLOSE 4:12

Tahbe tahkan Epafras. Io ka'a tahkan barih'kam. Io jihpon Kristus Yesus ijo toturus bodo'a hawui tehen ahkan ihkam. Io nyawot honong paham ahkan Pohotala, mangat koyahkin'kam monjadi ba'as tutang ihkam moro-morong kolou ulun oko, mangat ihkam hawui soporuna bokehtep umba konohuang Pohotala.

KOLOSE 4:9

Onesimus ahkan tulak hombo-homboh umba Tikhikus: io ihcobehti tahkan barih ihkam. Io ulun ijo te'et tutang ihkai sita io. Io tutang Tikhikus ahkan mborihta ahkan'kam kakaro-karooh ijo nyolung ang unuk ahku tuh.

1 TESALONIKA 3:13

Honong kodorih Tuhan ahkan ngomba'as ahtoi'kam, nyiring ihkam borasih, tutang eam aro kosalai ang toharep Pohotala, Amai ihto, ang ohkot Tuhan ihto Yesus Kristus lombut homboh paring ulun ijo monjadi Aiu-Oh.

1 TESALONIKA 3:5

Orihrih kotuluioh ahku nyuhu Timoteus, tului ahku jolik sasino ta'an koloukuwoh komiar'kam a'ang porocaya umba Kristus. Ahku mihkoh Sehtan bohasir nihkos ihkam nyiring paring koheka kouyuh ihkai monjadi ngahus.