1 TESALONIKA 2:8 - BOWOT BOHUA

⁸ Tului ngasi nyayang ihkai, ihkai bosodia nonga ahkan'kam, eam iou Kabar Hinut ijo tahkan Pohotala rih, tahpi pombolum ihkai ka'a. Tului ihkai paham ngasi ihkam paring!

1 TESALONIKA 2:8 ပူးပေါင်းရင်းမြစ်များ

LUKAS 7:2

Ang anan anai komandan sorodadu Ruma ijo anai tepun jihpon ijo paham ponokasihoh. Jipoi rih mondam karas nyiring kani palus.

RUMA 1:1

Konduang-konduang paring ang Ruma ijo tonokasih Pohotala tutang ijo jari tona'ah Pohotala ahkan monjadi ukup-Aiu. Pohotala jari mitih tutang ngahtang ahku khusus mangat mborihta Kabar Hinut tahkan Pohotala.

RUMA 10:1

Konduang-konduang! Ahku rindu samasino ahkan uhtus aik'ku dahpot tonyolamatoh. Tutang ahku tu'u-tu'u bodo'a ahkan Pohotala bagi iro.

RUMA 15:29

Amat ahku lombut nokuh ihkam, pasti ahku lombut umba aro borehkat tahkan Kristus ahkan ihkam.

2 KORINTUS 12:15

Tului orih, hawoi sanang ahtoi'ku rela moporahpah kokaro-karonoh ahkan'kam, malahan arop'ku bongok ka. Amat ahku kodorih ngasi ihkam, kuwohrih pahtut ihkam kurang ngasi ahku?

2 KORINTUS 6:1

Tului ihkai bogawi hombo-homboh umba Pohotala, mahka ihkai nyawot hawui tu'u-tu'u, a'ai ihkam mohonou kopios ahtoi Pohotala rih.

GALATIA 4:19

Anak-anak'ku ijo tonokasih! Ahku uhuntuh ngarot hino tului ihkam. Ahku ngarot, kolou ihcobehti inai ngarot ang ohkot nganak anakoh. Ahku ahkan hototurus ngarot, amat sipat-sipat Kristus jaha totanom ang arop'mu!

PILIPI 1:8

Pohotala kota'an ijo ahku tu'u-tu'u rindu sino umba'kam, umba nanyam kasih-mesra tahkan Kristus Yesus bongoi.

PILIPI 2:17

Mihkohtou ahku ahkan tomunu, tutang dahak'ku monjadi kolou porahpah tusuh ang ngosan inon ijo ihkam monyorahoh ahkan Pohotala, kolou tanda ijo ihkam porocaya umba Io. Amat puna orih harus kolourih, ahku norimakasih ngosan hal rih tutang umba jorih homboh ihkam.

PILIPI 2:20

Tihkas Timoteus iou ihco-ihcooh ijo sojiwa umba ahku, tutang tu'u-tu'u niruk kosanang'kam.

PILIPI 4:1

Tului orih, Konduang-konduang'ku ijo tonokasih, kolouorih hondakoh ihkam bolum hawui tu'u-tu'u porocaya umba Tuhan. Ahtoi'ku rindu umba'kam! Ihkam monamam ahku ijo nguan ahku jorih.

KOLOSE 1:28

Kristus orihrih ijo ihkai mborihtaoh ahkan nyinong ulun. Ihkai mepingatoh tutang majar iro paringoh umba kokaro kopihtar. Titun ihkai iorih, mangat nyinong ulun dahpot tongitot ahkan Pohotala, kolou ulun ijo oko a'ang hal-hal rohani, kotului jari hihco umba Kristus.

KOLOSE 1:7

Hal orih tonyapai ahkan Konduang bain Epafras, jolahan ijo ihkai ngasihoh. Io anairih ponggawi Kristus ijo te'et bogawi ahkan kogunan ihto.

KOLOSE 4:12

Tahbe tahkan Epafras. Io ka'a tahkan barih'kam. Io jihpon Kristus Yesus ijo toturus bodo'a hawui tehen ahkan ihkam. Io nyawot honong paham ahkan Pohotala, mangat koyahkin'kam monjadi ba'as tutang ihkam moro-morong kolou ulun oko, mangat ihkam hawui soporuna bokehtep umba konohuang Pohotala.

PILEMON 1:1

Konduang Pilemon, jolahan tutang sobat ihkai! Ahku, Paulus, ihcobehti ulun tohukum kotului Kristus Yesus, homboh umba konduang ihto Timoteus, nyurat surat tuh ahkan'mu,

IBRANI 13:17

Umba rih poretah okon-okon, tutang tunduk umba iro. Kotului iro toturus nohtoani homboruan'kam, tutang iro pahtut nanggung-jawab ahkan Pohotala. Amat ihkam te'et ahkan iro, iro dapot bogawi honong sanang ahtoi; amat eam, mahka iro ahkan bogawi umba poros ahtoi, tutang orih eam nongautung ahkan ihkam.

1 YOHANES 3:16

Umba jalan tuhrih ihto mongota'an cara masi sama arop; Kristus jari monyorah pombolum-Oh bagi ihto. Kobain orih ihto ka'a harus monyorah pombolum ihto bagi konduang-konduang ihto!