1 TESALONIKA 2:6 - BOWOT BOHUA

⁶ Ihkai eam ka'a ngurah jalan, ahkan ngondahpot tara tahkan ulun – pios tahkan ihkam, oluka tahkan ulun bohkon. Komorongoh kolou rasul Kristus, ihkai tou iou nutut aang'co tahkan ihkam.

1 TESALONIKA 2:6 ပူးပေါင်းရင်းမြစ်များ

YOHANES 12:43

Iro labih jolik ngondahpot tara tahkan kolunon, tahkanumba ponorega Pohotala.

YOHANES 5:41

Ahku eam ngurah tara tahkan kolunon.

YOHANES 5:44

Koloukuwoh ihkam dahpot porocaya, amat ihkam ngurah tara tahkan sama arop'kam, tutang eam bousaha ngurah tara tahkan Pohotala ijo Ihco?

YOHANES 7:18

Ulun ijo nonga ajaranoh bongoi, ngurah horomat ahkan aropoh bongoi. Tahpi ulun ijo ngurah horomat bagi Io ijo nyuhuoh, ulun rih bujur, eam aro alik aangoh.

1 KORINTUS 11:9

Ulunbahkas eam hino tonapa ahkan gunan ulunbawi, molekan ulunbawi tonapa kogunan ulunbahkas.

2 KORINTUS 13:10

Orihrih kotuluioh ahku nyurat surat tuh, ang ohkot ahku jaha anai ang tohun ihkam. Honong kodorih, amat ahku lombut noin, eam usah ahku botindak karas toharep'kam, honong hapa kowasa ijo tononga Tuhan ahkak'ku. Kowasa orih tononga ahkan mangun ihkam eam ahkan morusak ihkam.

2 KORINTUS 4:5

Borihta ijo ihkai nyiaroh rih, eam borihta tohou ihkai bongon. Borihta rih anai borihta tohou Yesus Kristus; ijo Io anairih Tuhan; tutang ihkai tuhrih jihpon-jihpon'kam kotului Io.

GALATIA 1:10

Inonrih umba orih topahjah ahku koloujahka moharap tongahku bain kolunon? Samasino eam! Ahku baya moharaprih pongahkuan tahkan Pohotala. Inonkah ahku rahat bousaha ngomin ahtoi ulun, mangat tongojorih ulun? Amat ahku magun nguan kodorih, ahku eam jihpon Kristus.

GALATIA 5:26

Ihto eam tou monjadi bojuhu, tutang saling ngoporos ahtoi, honong hiri ahtoi ihco sama ijo-bohkon.

GALATIA 6:13

Ulun-ulun ijo nutut poroturan sunat ka eam molalus hukum agama. Tahpi iro kani ihkam tonyunat, mangat iro dahpot monamamoh, ijo ihkam te'et umba poroturan rih.

1 TESALONIKA 2:9

Tontu ihkam magun ingat, koloukuwoh kokarasoh ihkai bousaha tutang hokolawan. Hondou ngolomi ihkai bogawi, mangat ihkai eam nyusah ihcobehti ka tahkan ihkam, 'co-ohkot ihkai mborihta Kabar Hinut ijo tahkan Pohotala rih ahkan'kam.

1 TIMOTEUS 5:17

Okon ukup ijo molalus gawiuoh honong pios, pahtut nonga porega duo kalilipet; pahtuk sasino, iro ijo rajin kotbah tutang majar.