1 TESALONIKA 2:4 - BOWOT BOHUA

⁴ Eam! Ihkai eam mander ahkan monyanang ahtoi ulun, molekan monyanang ahtoi Pohotala, ijo mocoba ahtoi ihkai. Kotului ihkai tongohu layak bain Pohotala ahkan mborihta Kabar Hinut rih.

1 TESALONIKA 2:4 ပူးပေါင်းရင်းမြစ်များ

LUKAS 12:42

Tuhan mutah, ‘‘Iai pohalu ijo te'et tutang pihtar, nyiring potuot bain tuanoh monjadi kopala, ngosan karon-pohalu bohkon ahkan io nonga iro ukun ang ohkotoh?

LUKAS 16:11

Jadi, amat tohou ponahtou kolunon tuh, ihkam jari eam duon tomorocaya, iai kani momporocaya ahkan'mu ponahtou rohani?

YOHANES 21:17

Bagi ijo kotolu tikatoh Yesus ngisok hino umba io, ‘‘Simon anak Yona, kuwohkah ihko mongasih Ahku?’’ Petrus monjadi porosahtoioh kotului Yesus ngisok umbaoh nyiring kotolu tikat. Mahka Petrus mutah hino, ‘‘Tuhan, Tuhan ta'an kopari-paringoh, Tuhan ta'an ahku mongasih Tuhan!’’ Turus Yesus nuhtui umba io, ‘‘Nyokahtik tobiri-tobiri-Ku.

RUMA 8:27

Mahka Pohotala ijo ngota'an usin ahtoi ulun, horahtiu konohuang Roh rih. Tului Roh rih nyawot ahkan Pohotala, bagi ukup Pohotala tutang tohorong umba konohuang Pohotala.

1 KORINTUS 7:25

Huntuh tohou ulun-ulun ijo jaha kawin. Tohou hal orih ahku eam norima poretah ino-inon tahkan Tuhan. Olu kodorih ulun ijo tului norima pononganasi Tuhan pahtut tomorocaya, ahku kani nonga tingak iou.

1 KORINTUS 9:17

Jahkaoh ahku nguan gawik orih, ngosan konohuang'ku bongok, mahka ahku tou moharap ahkan dahpot upah. Tahpi ahku mborihta Kabar Hinut rih, puna tului koharusoh. Ahku sonuhu bain Pohotala ahkan nguan orih.

2 KORINTUS 2:17

Ihkai eam kolou aro ulun mohapan borihta tahkan Pohotala monjadi ramun dagang iou. Tihtun-tihtun ihkai anai borasih, tului ihkai tonyuhu bain Pohotala. Tutang Pohotala bongoi nopahjah, ijo ihkai monyiaroh borihta orih, kolou pohalu-pohalu Kristus.

2 KORINTUS 4:2

Ihkai eam hapa cara-cara kopindong ijo ngomia. Ihkai eam kani bogawi honong lihcik, ata'ai ngobulak-balik tihtunauh Pohotala. Ihkai mohalu Pohotala umba ahtoi ijo borasih numbun kohondak-Oh. Tului orih, ihkai harapoh paring ulun monilai ihkai honong pios ang luwang ahtoi buaoh.

2 KORINTUS 5:11

Ihkai kota'an inon rimai mihkoh umba Tuhan; orih kotuluioh ihkai bousaha moyakin ulun tohou arop ihkai. Pohotala ngosono ihkai sotimbon-timbonoh tutang ahku harap ihkam ka, ngosono ihkai ang luwang ahtoi'kam.

2 KORINTUS 5:16

Bain kotului orih, ihkai eam hino nihpong ulun numbun tihpong kolunon. Puna ihkai pu'u nihpong Kristus tahkan sila kolunon, tahpi huntuh eam hino.

GALATIA 1:10

Inonrih umba orih topahjah ahku koloujahka moharap tongahku bain kolunon? Samasino eam! Ahku baya moharaprih pongahkuan tahkan Pohotala. Inonkah ahku rahat bousaha ngomin ahtoi ulun, mangat tongojorih ulun? Amat ahku magun nguan kodorih, ahku eam jihpon Kristus.

GALATIA 2:7

Sobalikoh ulun-ulun ijo tongohu bosewut rih mongahku ijo Pohotala jari nyuhu ahku ahkan mborihta Kabar Hinut rih ahkan ulun bohkon Yahudi, sama kolou Io jari nyuhu Petrus, ahkan mborihta Kabar Hinut rih ahkan ulun Yahudi.

EPESUS 3:8

Ang louk paring ukup Pohotala, ahkurih ijo paling hina. Tahpi Pohotala nonga ahkak'ku pononga tuh, gawi ahkan mborihta ahkan ulun-ulun bohkon Yahudi, Kabar Hinut tohou kotahtou Kristus ijo eam anai koopahoh;

EPESUS 6:6

A'ai nguan angkodorih tihkas ang ohkot ihkam tonopahjah, tihkas ahkan dahpot tara tahkan ulun. Tahpi hondakrih ihkam nguaioh, kolou jihpon Kristus ijo rahat numbun kohondak Pohotala honong kotuwi ahtoi.

KOLOSE 3:22

Konduang-konduang ijo monjadi jihpon! A'ang kokaro hal pios ihkam te'et umba tepun'kam ijo ang kolunon tuh. Ara te'et ahkan iro baya ang ohkot iro rahat nontoani ihkam, tului ihkam jolik tonara. Ngote'etrih iro umba ahtoi ijo ihlas, kotului ihkam mohoromat Tuhan.

1 TIMOTEUS 6:20

Inon ijo jari tomorocaya ahkan'mu, ngina orih pio-pios. Timoteus! Ngomahcu pander-sorihta ijo eam bogunaioh tutang soal-jawab tohou hal-hal ijo cara koliru, konohawot ‘‘Pongotaan’’.

2 TIMOTEUS 1:14

Umba pondohop tahkan Roh Pohotala ijo bolum ang luwang ihto, hondakrih ihko njaga pio-pios hal-hal borega ijo jari tomorocayarih ahkan ihkam.

2 TIMOTEUS 2:2

Ajaran ijo houn jari ihko ngonih tahkan ahku, ang toharep ulun aro, hondakoh rih ihko porocaya iou hawui ulun-ulun ijo duon tonoharap tutang ijo cahkap ngajar ulun bohkon.

TITUS 1:3

Ang ohkot ijo kona, Pohotala ngorinah bowot-Oh rih a'ang pohtoh-Oh. Pohtoh orih jari tomorocaya ahkak'ku, tutang ahku mborihtaoh bain poretah Pohotala Ponyolamat ihto.

IBRANI 4:13

Eam aro ihco mahluk ka ijo bosuhuk tahkan ponopahjah Pohotala. Kokaron angihco paring hoburang tutang bokuap ang husuk-Oh. Tutang ihto harus nonga tanggung-jawab ahkai-Oh.

1 PETRUS 4:11

Ulun ijo monyiar borihta, harusrih monyiar borihta tahkan Pohotala, ulun ijo mohalu ulun bohkon, harusrih mohalu umba koba'as ijo tahkan Pohotala, mangat a'ang kokaro hal, Pohotala dahpot ponohajo nguha Yesus Kristus. Iorih ijo bokowasa tutang harus ponohajo ahkan turus-jahamoh. Amen.

PONGORINAH 2:23

Dolang muridoh ahkan Ahku munu ka'a mangat paring ukup borondong ijo Ahku rih Io ijo nosot tiruk tutang ahtoi kolunon. Ihkam ahkan Ahku malos numbun gawin ihkam nyino-nyinong.