1 TESALONIKA 2:2 - BOWOT BOHUA

² Ihkam ta'an ijo, sounmba ihkai lombut ahkan'kam ang Tesalonika, ihkai jari tonoporos tutang tonohina ang Pilipi. Tahpi oluka, aro ulun molawan ihkai, Pohotalan ihto jari nonga ihkai kohanyi ahkan mborihta ahkan'kam Kabar Hinut ijo asar-Oh tahkanmba-Oh.

1 TESALONIKA 2:2 ပူးပေါင်းရင်းမြစ်များ

KESAH RASUL-RASUL 14:3

Tului orih Paulus tutang Barnabas mohcon tahi ang anan. Tutang honong kohanyi iro nuhtui tohou Tuhan Yesus. Mahka Tuhan ka ngorinahoh ijo kabar bain iro tohou kasih-Oh rih morong; Io nonga ahkan iro kowasa ahkan nguan tandahelan-tandahelan tutang hal-hal luar biasa.

KESAH RASUL-RASUL 14:5

Turus ulun-ulun Yahudi umba okon-okonoh hombo-homboh umba ulun-ulun bohkon Yahudi hopahkat ahkan ngoporos tutang muhkah rasul-rasul rih umba bahtu.

KESAH RASUL-RASUL 16:12

Tahkan anan ihkai nokuh Pilipi, ihco lowu ang distrik ijo pahtukoh ang Makedonia. Pilipi anairih ihco jajahan kolahca'an Ruma. Ang anan ihkai mohcon pira-pira ondou.

KESAH RASUL-RASUL 16:19

Kotihka tuan-tuanoh borondong, ijo kosampet iro ahkan dahpot duit jari nihou, iro nawan Paulus doro Silas, turus nguhut doro nokuh alun-alun noharep ijo bokowasa.

KESAH RASUL-RASUL 16:37

Tahpi Paulus nuhtui umba karon-polisi rih, ‘‘Ihkai warga nogara Ruma. Earo ponosara ihkai jari ponahcat ang toharep ulun aro, tutang posolong ahkan luwang sipir. Tutang huntuh iro nyuhu ihkai tulak honong toni-tonih? Ihkai eam kani! Nyuhu pojabat-pojabat pomoretah rih lombut bongoi nokuh ohtoi moliwus ihkai.’’

KESAH RASUL-RASUL 17:1

Paulus tutang Silas noturus ponomuoi'ndo nguha Ampipolis tutang Apolonia turus johcok Tesalonika. Ang anan anai lohpou sombayang ulun Yahudi.

KESAH RASUL-RASUL 17:17

Ang lohpou sombayang Paulus pander ngurah tiruk umba ulun-ulun Yahudi, tutang ulun-ulun bohkonoh ijo nyembah Pohotala ang anan. Kodorih ka'a ang pasar-pasar nyinong ondou Paulus hokurah-tiruk umba nyinong ulun ijo anai ang anan.

KESAH RASUL-RASUL 19:8

Kotahin tolu bulan Paulus mborihta honong bohanyi umba ulun-ulun ang lohpou sombayang tutang soaljawab umba iro ahkan moyahkinoh iro tohou koloukuwoh Pohotala moretah kolou Lahca.

KESAH RASUL-RASUL 4:13

Okon-okon puhpung bosara rih helan nohto kohanyin Petrus doro Yohanes, mahihino iro jari kota'an ijo duo behti rasul rih sama umba ulun-ulun aro ijo eam aro sokula, turus iro borondong ijo koduo rasul rih, anairih ulun-ulun ijo hihco umba Yesus.

KESAH RASUL-RASUL 4:20

Tului ihkai eam tou tondo mborihta tohou inon ijo jari ihkai nohto tutang konahan 'kai.’’

KESAH RASUL-RASUL 4:31

Ulijadi iro tondo bodo'a, unuk iro mohcon rih tonyuhkuh iro paringoh konowasa bain Roh Pohotala tutang nopara nuhtui homboh bohanyi tu'u mborihta tohou Kabar Hinut tahkan Pohotala.

KESAH RASUL-RASUL 5:41

Rasul-rasul nohtah Majelis Agama rih tutang hawui kojorih tului Pohotala jari ngohu iro harus ahkan dahpot hinaan kotului Yesus.

RUMA 1:1

Konduang-konduang paring ang Ruma ijo tonokasih Pohotala tutang ijo jari tona'ah Pohotala ahkan monjadi ukup-Aiu. Pohotala jari mitih tutang ngahtang ahku khusus mangat mborihta Kabar Hinut tahkan Pohotala.

2 KORINTUS 3:12

Bain kotului ihkai anaingina koharap kolourih, mahka ihkai bohanyi bopander kodorih.

KOLOSE 2:1

Ahku jolik ihkam mongota'an koloukuwoh kohebatoh ahku ngokolahi ahkan'kam, tutang ahkan iro ijo ang Laodekia, hawui paring ijo eam ngosono ahku socara porobadi.

1 TESALONIKA 1:5

Kotului ihkai monyiar Kabar Hinut ahkan'kam, eam hapan tuhtui-tuhtui iou, tahpi ka'a umba kowasa tutang umba Roh Pohotala. Tutang ihkai yahkin sino ahkan komorong tahkan Kabar Hinut rih. Ihkam ta'an koloukuwoh ihkai bolum ahkan kogunan'kam, kotihka ihkai anai ang tohun-tohun ihkam.

2 TIMOTEUS 1:12

Orihrih kotuluioh ahku ngarot paringoh tuh, tahpi ahku tahtap yahkin, tului ahku ta'an tu'u, iai ijo ahku porocayaoh. Ahku yahkin, ijo inon ijo jari Io morocayaoh ahkak'ku. Io sanggup ka'a monjagaoh johcok aang Ondou Kiamat.

YUDAS 1:3

Konduang-konduang ijo tonongasih! Ahku tu'u-tu'u bokohondak ngirim surat ahkan'kam, tohou solamat ijo ihto hombo-homboh jari nginyamoh. Tahpi huntuh ahku anyamoh tojuhung ahkan mopingat ihkam umba surat tuh, mangat ihkam turus ngolahi ahkan koporocaya ijo jari sino tikat tononga Pohotala ahkan turus-jahamoh ahkan ukup-Oh.