1 TESALONIKA 2:1 - BOWOT BOHUA

¹ Konduang-konduang! Ihkam bongon ta'an ijo pasap ihkai nokuh ihkam eam ngohus.

1 TESALONIKA 2:1 ပူးပေါင်းရင်းမြစ်များ

1 KORINTUS 15:10

Tahpi tului asin Pohotala ahku monjadi kolou ahku ijo uhuntuh. Tutang eam porocuma Pohotala ngapun ahku. Justru ijo bogawi labih karas tahkan paring rasul ijo bohkonoh. Tahpi orih kotu'uioh, bohkon usaha aik'ku, orih usaha Pohotala ijo ngasi ahku, tutang ijo bogawi hombo-homboh ahku.

1 KORINTUS 15:2

Amat ihkam nambit tehen, aang inon ijo ahku mborihtaoh rih, mahka Kabar Hinut rih monyolamat ihkam; kocoali amat Konduang porocaya earo horahtioh.

1 KORINTUS 15:58

Bain kotului rih, Konduang-konduang ijo tongasih, hondakrih ihkam ba'as tutang tehen. Bogawirih turus ahkan Tuhan honong tu'u-tu'u, bain ihkam ngota'an ijo paring ijo ihkam nguaioh ahkan Tuhan, eam ahkan ngohus!

2 KORINTUS 6:1

Tului ihkai bogawi hombo-homboh umba Pohotala, mahka ihkai nyawot hawui tu'u-tu'u, a'ai ihkam mohonou kopios ahtoi Pohotala rih.

GALATIA 2:2

Ahku tulak nokuh Yerusalem, tului Pohotala jari ngorinah ahkak'ku ijo ahku pahtut tulak. Tutang aang ihco puhpung ijo khusus, umba okon-okon ang anan, ahku monarang ijo ahku mborihta Kabar Hinut, ahkan ulun-ulun bohkon Yahudi. Tului ahku eam kani usaha'ku ijo houn, oluka ijo uhuntuh, baya sia-sia.

GALATIA 4:11

Ahku kowatir, ara-ara koheka koujuh'ku, ahkan ihkam nyia-nyia iou.

1 TESALONIKA 2:13

Anai hino ihco hal bohkon, ijo napa ihkai toturus norimakasih ahkan Pohotala. Hal rih iorih, ijo ang ohkot ihkai monyapai borihta tahkan Pohotala ahkan'kam, ihkam ngonih tutang norima borihta rih, eam kolou borihta tahkan ulun, tahpi kolou borihta ijo moro-morong tahkan Pohotala. Iorih ijo rahat bogawi a'ang arop'kam ijo porocaya umba Kristus.

1 TESALONIKA 3:5

Orihrih kotuluioh ahku nyuhu Timoteus, tului ahku jolik sasino ta'an koloukuwoh komiar'kam a'ang porocaya umba Kristus. Ahku mihkoh Sehtan bohasir nihkos ihkam nyiring paring koheka kouyuh ihkai monjadi ngahus.

2 TESALONIKA 1:10

paringohrih ahkan nyolung ang ondou Io lombut noin ahkan tongohajo bain ukup-Oh, tutang ahkan tonohoromat bain paring ulun ijo porocaya. Ihkam ka ahkan anai ang louk ukup ain Pohotala rih, kotului ihkam jari porocaya umba kabar ijo ihkai ngitotoh ahkan'kam.

2 TESALONIKA 3:1

Laiuoh, Konduang-konduang, bodo'arih ahkan ihkai. Bodo'a mangat borihta tahkan Tuhan dahpot toturus tayap hawui jion tutang tonorima honong pios, sama kolou ijo jari nyolung aang ihkam soun.