1 TESALONIKA 1:5 - BOWOT BOHUA

⁵ Kotului ihkai monyiar Kabar Hinut ahkan'kam, eam hapan tuhtui-tuhtui iou, tahpi ka'a umba kowasa tutang umba Roh Pohotala. Tutang ihkai yahkin sino ahkan komorong tahkan Kabar Hinut rih. Ihkam ta'an koloukuwoh ihkai bolum ahkan kogunan'kam, kotihka ihkai anai ang tohun-tohun ihkam.

1 TESALONIKA 1:5 ပူးပေါင်းရင်းမြစ်များ

MARKUS 16:20

Mahka murid-murid-Oh tulak momborihta Kabar Hinut tahkan Pohotala nokuh umo-umoh. Tutang Tuhan ka umba bogawi homboh umba iro, tutang ngorinah nguha kahtahelan-kahtahelan, ijo tononyiar iro rih tu'u.] [

LUKAS 1:1

Teofilus ijo randah ahtoi, Aro ulun jari bousaha nyurat tutang monyusun tohou karon-kojodianrih ijo jari nyolung ang tohun ihto.

KESAH RASUL-RASUL 11:21

Kowasa Tuhan anai ang iro, nyiring aro ulun monjadi porocaya tutang nyarahoh arop ahkan Tuhan.

KESAH RASUL-RASUL 16:14

Ihcobehti tahkan louk iro anai podagang benang ungu, araioh Lidia tutang asaroh tahkan Tiatira. Io sita Pohotala mahka Roh Tuhan nggerek ahtoioh, mangat io norima inon ijo Paulus ngajar ahkaioh.

KESAH RASUL-RASUL 2:33

Io hogahtang nokuh ponuotoh ijo isung tutang ahkai tononga kowasa bain Pohotala, turus norima Roh Pohotala ijo jari tonobowot bain Amai. Tutang ijo ihkam huntuh, tuh ngonih tutang nohto anairih, Roh rih ijo Io nusuhoh ahkan ihkai.

RUMA 1:16

Ahku porocaya samasino ahkan Kabar Hinut rih, tului kabar rih anairih kowasan Pohotala ahkan monyolamat paring ulun ijo porocaya; pahtuk pahtukoh ulun Yahudi, tutang uhtus bohkon ka'a.

RUMA 15:13

Pohotala anairih, unuk ihkam porocaya. Keleh Io nyuang ahtoi'kam hapa kokaron kojorih tutang kasanang, tului ihkam porocaya umba Io, mangat umba kowasa Roh Pohotala ihkam mahi-mahi porocaya ahkan Pohotala.

RUMA 2:16

Kodorih rih ijo ahkan nyolung noin aang ondou ijo jari tonahtapoh rih. Aang ondou orih – numbun Kabar Hinut ijo ahku mborihtaoh – Pohotala nguha Yesus Kristus, ahkan mosara kokaron kulim ahtoi, tutang tiruk paring ulun.

1 KORINTUS 1:24

Tahpi bagi ulun-ulun ijo jari tona'ah bain Pohotala – pios io ulun Yahudi, kanika ulun bohkon Yahudi – borihta rih kolou caraoh Pohotala ngorinah kowasa tutang kopihtar-Oh.

1 KORINTUS 10:33

Bolumrih kolou ahku. Ahku ngurahjalan ngojorih ahtoi paring ulun, a'ang kokaron angihco, earo konohuang-konohuang ijo kogunan arop bongon. Titun aik'ku anairih, mangat ahkan iro paringoh dahpot tonyolamat.

1 KORINTUS 3:16

Kota'ankah Konduang, ijo ihkam anai Lohpou Pohotala? Tutang ijo Roh Pohotala mohcon ang luwang ihkam?

1 KORINTUS 3:6

Ahku ijo ngombulan, tutang Apolos ijo nyiramoh, tahpi Pohotala bongoi ijo nguan komulan rih bolum.

1 KORINTUS 4:20

Tului amat Pohotala moretah ang pombolum ihcobehti, hal orih tobukti ang koba'as pombolum ulun rih, eam bain tuhtui-tuhtuioh.

1 KORINTUS 9:14

Kodorih ka'a Tuhan jari nuhkas, ijo ulun ijo mborihtaoh Kabar Hinut rih koharusoh duon upahoh tahkan tomorihtaoh rih.

2 KORINTUS 3:6

Io iou ijo nguan ihkai nyanggup monjadi pohalu ahkan ihco bowot ijo bohua, bowot ijo bogatung tahkan Roh Pohotala, bohkon tahkan hukum ijo tonyurat. Tului ijo tonyurat orihrih ngomin popahtoi, rahatoh ijo Roh Pohotala rih nonga pombolum.

GALATIA 2:2

Ahku tulak nokuh Yerusalem, tului Pohotala jari ngorinah ahkak'ku ijo ahku pahtut tulak. Tutang aang ihco puhpung ijo khusus, umba okon-okon ang anan, ahku monarang ijo ahku mborihta Kabar Hinut, ahkan ulun-ulun bohkon Yahudi. Tului ahku eam kani usaha'ku ijo houn, oluka ijo uhuntuh, baya sia-sia.

GALATIA 5:5

Tahpi bagi ihkai, ihkai bokoharap, ijo honong pondohop Roh Pohotala tutang hogalang koporocayan ihkai umba Kristus, Pohotala touduonrih ahkan ihkai hokopios umba Io.

EPESUS 2:10

Ihto anairih tona'oi Pohotala, tutang nguha Kristus Yesus, Pohotala napa ihto, mangat ihto nguan hal-hal ijo hinut ijo jari tonahtap baiu-Oh ahkan ihto.

EPESUS 3:20

Umba kowasan Pohotala ijo giat bogawi ang luwang arop ihto. Pohotala dahpot nguan mahcu labih aro, tahkan inon ijo dahpot ihto nyawot ata'ai nirukoh.

PILIPI 2:13

kotului Pohotala bongoi, ijo bogawi ang luwang arop'kam, ahkan nguan ihkam rela tutang sanggup nyanang ahtoi Pohotala.

PILIPI 4:9

Nitoioh rih, inon ijo ihkam bolajaroh tutang torima tahkan ahku; pios tahkan tuhtui-tuhtui, oluka tahkan konuak-konuak'ku. Pohotala tohasak kosanang ahkan homboh ihkam.

KOLOSE 2:2

Paringoh tuh ahku nguaioh, mangat ahtoi iro monjadi ba'as tutang iro saling mongasih, nyiring iro lehket hihco. Umba kodorih iro tu'u-tu'u horahti tutang yahkin hawui ngosono rahasia Pohotala, yorih Kristus bongoi.

1 TESALONIKA 2:13

Anai hino ihco hal bohkon, ijo napa ihkai toturus norimakasih ahkan Pohotala. Hal rih iorih, ijo ang ohkot ihkai monyapai borihta tahkan Pohotala ahkan'kam, ihkam ngonih tutang norima borihta rih, eam kolou borihta tahkan ulun, tahpi kolou borihta ijo moro-morong tahkan Pohotala. Iorih ijo rahat bogawi a'ang arop'kam ijo porocaya umba Kristus.

2 TESALONIKA 2:14

Ahkan orihrih Pohotala na'ah ihkam nguha Kabar Hinut ijo ihkai mborihta-Oh ahkan'kam. Pohotala na'ah ihkam, kotului Io kani, mangat ihkam umba nginyam kohajon Tuhan ihto Yesus Kristus.

2 TIMOTEUS 2:10

Orihrih kotuluioh ahku tabah ngohtun paringoh rih, bain boguna ahkan ulun-ulun, ijo jari tomitih bain Pohotala, mangat iro ka ngondahpot kosolamatan ijo tononga nguha Kristus Yesus, tutang ijo tonohomboh umba kohajoi ijo abadi.

2 TIMOTEUS 2:8

Ingatrih tuh: Kabar Hinut ijo ahku mborihtaoh rih anairih kabar tohou Yesus Kristus, lihit Dawid; Io rih Kristus ijo jari bolum hoduli tahkan popahtoi.

IBRANI 10:22

Bain orih, olairih ihto ngondoni Pohotala umba ahtoi ijo tulus tutang koporocaya ijo segah; umba ahtoi ijo jari borasih tahkan pokomo ijo sala, tutang umba behti ijo jari ponorasih umba danum ijo kotining.

IBRANI 6:11

Ihkai jolik sino, mangat ihkam nyinong-behti turus bosomangat johcok laiu, nyiring ihkam norima inon ijo ihkam moharap-harapoh rih.

1 PETRUS 1:12

Ahkan nabi-nabi rih Pohotala momborihta, ijo inon ijo iro nguai eam ahkan gunan iro, molekan bagi'mu; yotuh hal-hal ijo uhuntuh, tuh ihkam ngonih honong korinah, tahkan dolang pomborihta Kabar Hinut tohou Yesus Kristus. Iro monyiar hal-hal rih bagi'mu umba kowasa Roh Pohotala ijo tongirim-Oh tahkan soruga. Mahihino molehkat-molehkat ka jolik ka'a ngota'an kabar ijo iro nyiaroh rih.

1 PETRUS 1:3

Olailah ihto norimakasih umba Pohotala, Amai, Tuhan ihto Yesus Kristus! Io paham mongasih ihto, orih kotuluioh Io nonga ahkan ihto pombolum ijo bohua, hawui mombolum hoduli Yesus Kristus tahkan popahtoi. Tuh mononga'kan ihto harapan ijo segah.

1 PETRUS 5:3

Ararih nguaioh kolou pongowasa toharep iro, ijo tomorocaya ahkan'mu, molekan monjadi sutu ahkan iro.

2 PETRUS 1:10

Kotului orih, Konduang-konduang, bousaha iou labih ba'as mangat ta'ah Pohotala tutang pitih-Oh ngosan arop'mu rih monjadi mahi segah. Amat ihkam nguan rih, ihkam eam ahkan murtad.

2 PETRUS 1:19

Orih kotuluioh ihkai labih yahkin hino umba pohtoh Pohotala ijo tonujum bain nabi-nabi. Kopiosoh ihkam nohtoani pohtoh rih, kotului pohtoh rih kolou sumbu ijo nyingah ang unuk ijo pindong, nyiring kaloang ngorolondang tutang kotarang potion tahkan timur nyingah ang luwang ahtoi'mu.