1 PETRUS 5:8 - BOWOT BOHUA

⁸ Hondakrih, ihkam waspada tutang tohtap bojaga! Bain Sehtan anairih musuh'kam. Io kolou singa, nyalan koanan koohtoi sambil ngaum ngurah ang tonosahapoh.

1 PETRUS 5:8 ပူးပေါင်းရင်းမြစ်များ

MATEUS 13:39

Musuh ijo morawuh luang tingon, orih rih Sehtan. Ohkot kohtom io rih Ondou Kiamat, tutang ulun-ulun ijo ngohtom orihrih molehkat-molehkat.

MATEUS 24:42

Jadi borondongrih, tului ihkam eam kota'an mira Tuhan'kam ahkan lombut.

MATEUS 25:41

Turus Lahca rih ahkan nuhtui umba ulun-ulun ang hila komuloi-Oh, ‘Hahtun tahkan ohtoi, jahanam! Nyolong nokuh luwang baho ijo eam tou bolop, ijo jari nyodia ahkan sehtan tutang molehkat-molehkatoh!

MATEUS 4:1

Uliorih Yesus konitot bain Roh Pohotala nokuh padang balambah ahkan tonihkos bain sehtan.

MATEUS 4:11

Kojoriaioh sehtan nohtah Yesus, tutang molehkat-molehkat ka lombut mohalu Yesus.

MARKUS 4:15

Bonyi ijo tomonyi ang jalan nindung ulun-ulun ijo ngonih borihta tohou koloukuwoh Pohotala moretah. Kolourih ngonih, sehtan lombut tutang ngomin inon ijo jari konombulan luwang ahtoi iro.

LUKAS 21:34

‘‘Jagarih arop'kam ara nyiring ihkam dalou kaurderoh umba pesta-pesta tutang minum-ngorih mombusou, ata'ai toturus niruk soal soal pombolum'mu, nyiring ihkam eam botahtap kotihka Ondou orih lombut hawui nyolonga.

LUKAS 21:36

Bojaga-jagarih, tutang bodo'a toturus ahkan ihkam ba'as noharep paring-hal ijo ahkan nyolung tutang ihkam duon noharep Anak Ulun.’’

LUKAS 22:31

‘‘Simon, Simon, ngonih! Sehtan duon ijin ahkan nikos ihko; kolou gandum ngobohkon umba apihoh, nyiring ijo pios ngobohkon umba ijo ja'at.

YOHANES 8:44

Sehtanrih amai'kam, tutang ihkam kani numbun konohuang amai'kam. Tahkan topahtukoh sehtan rih pomunu. Io eam pu'u umbabarih komorong, tului eam aro komorong a'ang io. Amat io bobalik orih pahtut, tului puna kolourih sipatoh. Io bobalik tutang puna asar kokaro alik.

2 KORINTUS 2:11

Ahku nguan orih mangat Sehtan ara ngomin kosapetoh ahkan ngowasa ihto; tului ihto kota'an, rancana-rancanaoh.

EPESUS 4:27

mangat sehtan a'ai dahpot kosapetoh.

EPESUS 6:11

Hapanih paring pokahkas ijo tononga bain Pohotala ahkan'kam, mangat ihkam dahpot tahan molawan siasat-siasat bokolilit ijo paham tahkan Sehtan.

1 TIMOTEUS 2:15

Oluka kodorih, ulunbawi ahkan solamat kotului nganak anak, asar io honong randah ahtoi, tehtep porocaya umba Kristus, tutang tehtep ngasih ulun bohkon, hawui bolum khusus ahkan Pohotala.

1 TIMOTEUS 2:9

Hondakrih ka'a barih bawi mokahjan aropoh honong sederhana, tutang hapa pokahjan ijo pantas. Ara hapa tohtok balou ijo molobien, ata'ai pokahjan-pokahjan bulou ata'ai itan, ata'ai pokahjan ijo hajo regaioh.

1 TIMOTEUS 3:11

Oruh iro ka harus ulun ijo hinut, eam ulun ijo jolik mandernohou desas-desus. Iro harus kota'an nahan aropoh tutang jujur a'ang kokaro hal.

1 TIMOTEUS 3:2

Ihcobehti pohalu ukup harusrih ulun ijo earo kosalai, tutang tihkas ihco iou oruhoh, ngota'an nahan aropoh, pihtar, tutang tertib, io jolik norima ulun ang luwang lohpouoh, tutang tou majar ulun,

2 TIMOTEUS 4:17

Tahpi Tuhan mambai ahku, Io nonga koba'as, nyiring ahku sanggup mborihta paring Kabar Hinut rih, mangat konahan bain paring ulun bohkon Yahudi. Tutang ahku liwus tahkan bohaya popahtoi.

TITUS 1:8

Io harus sanang norima ulun ang lohpouoh, jolik ahkan hal-hal ijo pios, duon nahan aropoh, morong, borasih tutang toahtur.

TITUS 2:12

Pononganasi Pohotala rih mondidik ihto, mangat eam hino bolum hokolawan umba kohondak Pohotala, tutang eam numbun kojolik kolunonoh. Ihto todidik ahkan bolum luwang kolunon tuh hawui ta'an nahan arop, bujur tutang te'et umba auh Pohotala.

TITUS 2:2

Ningakrih ulun-ulun bahkas ijo ohko, mangat iro nahan aropoh, bijaksana tutang bolum kolou ulun ijo pahtut tonohoromat. Iro harus ka'a nambit aang ajaran ijo morong tahkan Pohotala, mongasih honong soporuna, tutang ngarot honong tabah.

TITUS 2:4

mangat umba orih iro dahpot mondidik bawi-bawi biou mangat nyayang bosaioh tutang anak-anak,

TITUS 2:6

Kodorih ka'a, ningakohrih ulun-ulun biou mangat iro monjadi ulun bijaksana.

YAKOBUS 4:7

Kotului orih tunduk umba Pohotala, tutang lawanrih Sehtan, mahka Sehtan ahkan nokoru tahkan ihkam.

1 PETRUS 1:13

Bain rih, hondakrih ihkam siap sodia. Bojaga iou tutang boharaprih sotuwioh aang borehkat ijo ahkan tononga ahkan'mu aang ohkot Yesus Kristus lombut noin.

1 PETRUS 4:7

Kokaro aang'co jari doni koopahoh, tului rih hondakrih ihkam ngowasa arop tutang bosodia, mangat ihkam dahpot bodo'a.

PONGORINAH 12:10

Turus ahku ngonih auh ijo muhing ang soruga nuhtui, ‘‘Uhuntuh ohkotoh Pohotala monyolamat ukup-Oh! Uhuntuh Pohotala ngorinah kowasai-Oh kolou Lahca! Uhuntuh Lahca Ponyolamat ijo tonobowot rih, ka'a ngorinah, kowasa-Oh! Tului ijo mondawa konduang-konduang ihto ang toharep Pohotala hondou tutang ngolomi, jari tonyoluka tahkan soruga.

PONGORINAH 12:12

Kotului rih, hondakoh soruga tutang paring ijo mohcon ang luwangoh bojori-jorih! Tahpi colahka tana tutang tasik, kotului Sehtan jari mosuluh ahkan'kam hawui bosingi ijo paham hajo, tului io ta'an ijo ohkotoh mohcon honjiot hino.’’

PONGORINAH 12:9

Naga ijo hajo dih dian nokuh luar! Iorih lohi oko orih, ijo bogare Sehtan ata'ai Roh Ja'at, ijo ngobalik sohopus kolunon. Io ndian nokuh kolunon hawui kokaro molehkatoh.

PONGORINAH 20:10

Pongohuli Sehtan ijo mobula iro rih, tonyahkah nokuh luwang tasik baho tutang sondawa. Ang anan unukoh ohcin tutang nabi pobula rih tondian labih houn. Iro ahkan tonyiksa hondou ngolomi ahkan turus-jaham.

PONGORINAH 20:2

Turus io monawan naga rih, lohi oko – yorih Sehtan ata'ai Roh Ja'at rih – tutang momasungoh ahkan sokujan toun kotahiuoh.