1 PETRUS 5:5 - BOWOT BOHUA

⁵ Kodorih ka'a Konduang, ulun-ulun biou. Tunduk ahkan ulun-ulun ijo oko. Konduang paringoh harus ngominda arop, tutang saling mohalu honong randah ahtoi. Kotului luwang Surat Borasih tonyurat koloutuh, ‘‘Pohotala noharep ulun ijo bojuhu, tahpi kasih umba ulun ijo randah ahtoi.’’

1 PETRUS 5:5 ပူးပေါင်းရင်းမြစ်များ

LUKAS 22:26

Tahpi ihkam eam tou kolourih. Sobalikoh, ulun ijo hajo ang louk'kam harus kolou ijo pokokoikoh, tutang okon harus monjadi kolou pohalu.

RUMA 12:10

Konohuangoh Konduang-konduang saling mongasih ihco umba 'jobohkon honong mesra kolou ulun-ulun ijo hokonduang a'ang ihco kojolahan. Tutang konohuangoh ihkam saling hotosolu nonga horomat.

RUMA 13:14

Nauhoh Tuhan Yesus Kristus iou ijo nahtap inon ijo ihkam pahtut nguaioh. Tutang ara numbun tobiat ulun ijo bodusa ahkan momeda kojolikbolai.

EPESUS 5:21

Ahkan mohoromat Kristus pios ihkam tunduk ihco umba ijo bohkon.

PILIPI 2:3

Ara nguan aang'co, tului kojuan kogunan arop bongon, ata'ai ahkan mopojuhu arop. Sobalikoh hondakrih ihkam nyino-nyinong honong randah ahtoi tutang ngohu ulun bohkon labih pios tahkan arop bongon.

KOLOSE 3:12

Konduang anairih ukup Pohotala. Pohotala ngasih ihkam tutang mitih ihkam ahkan monjadi aiu-Oh ijo khusus. Iorih, kotuluioh ihkam harus pokarah balos ngasi, ihkam harus pios ahtoi, randah ahtoi, bolomu lembai, tutang ba'as ngarot.

1 TIMOTEUS 5:1

Ara ihko bosingi honong paham umba ulun ijo labih oko tahkanumba ihko, molekan mahkatiou io ngonih auh-auh'mu, koloujahka io amai'mu. Nguanumbarih iro ulun-ulun biou, kolou konduang'mu,

IBRANI 13:17

Umba rih poretah okon-okon, tutang tunduk umba iro. Kotului iro toturus nohtoani homboruan'kam, tutang iro pahtut nanggung-jawab ahkan Pohotala. Amat ihkam te'et ahkan iro, iro dapot bogawi honong sanang ahtoi; amat eam, mahka iro ahkan bogawi umba poros ahtoi, tutang orih eam nongautung ahkan ihkam.

YAKOBUS 4:6

Oluka kolourih, pononganasi Pohotala ijo tononga ahkan ihto labih ba'as, tahkanumba kojolik-kojolik roh ihto rih. Orihrih kotuluioh ang luwang Surat Borasih tonyurat ka'a, ‘‘Pohotala ngolawan ulun ijo bojuhu, tahpi sobalikoh, Io ngasih ulun ijo randah ahtoi.’’

1 PETRUS 3:8

Kolopuhtaioh iorih; hondakrih Konduang-konduang soiyoh sotutui tutang hihco-nanyam. Hondakrih ihkam saling ngasi-sayangoh kolou ulun-ulun ijo hokonduang. Tutang hondakrih ihkam saling hobalos-ngasihan rih, tutang sikap randah ahtoi.

1 PETRUS 4:1

Tului Kristus jari ngarot socara behtiu, ihkam ka'a harus ngoba'as arop, umba tiruk ijo kolourih. Kotului ulun ijo ngarot socara behtiu, eam hino nguan dusa.

1 PETRUS 4:5

Tahpi iro noin, harus nonga tanggung-jawab ahkan Pohotala, ijo jari sodia ahkan mosara ulun, ijo bolum tutang ijo mahtoi.