1 PETRUS 5:3 - BOWOT BOHUA

³ Ararih nguaioh kolou pongowasa toharep iro, ijo tomorocaya ahkan'mu, molekan monjadi sutu ahkan iro.

1 PETRUS 5:3 ပူးပေါင်းရင်းမြစ်များ

YOHANES 13:15

Ahku nonga sutu tuh ahkan'kam, mangat ihkam ka'a nguan inon ijo jari Ahku nguai ahkan'kam.

KESAH RASUL-RASUL 20:28

Hondakrih ihkam monjaga arop tutang monjaga ka'a sohopus ukup ijo jari tonosarah Roh Pohotala ahkan'kam ahkan tonojaga. Tului ihkam jari konahtang monjadi ponuneng ukup rih. Pios ihkam jorih monjaga ukup Pohotala rih kolou sokahtik monjaga tobiri-tobirioh. Tului Pohotala jari ngonjorian ukup rih aiu-Oh bongoi, nguha popahtoi Anak-Oh bongoi.

1 KORINTUS 11:11

Oluka kodorih, aang pombolum ihto kolou ulun Kristen, ulunbawi eam bolum bongoi, lopas tahkan ulunbahkas, tutang ulunbahkas ka eam bolum bongoi, lopas tahkan ulunbawi.

1 KORINTUS 3:5

Kotu'ui iai Apolos rih? Tutang iai Paulus rih? Ihkai tihkas dolang pohalu Pohotala, ijo ius niting ihkam ahkan porocaya umba Kristus. Ihkai baya molalus gawi ijo tonyuhu Tuhan ahkan ihkai nyinong behti.

1 KORINTUS 3:9

Ihkai anairih ulun-ulun ijo hombo-homboh bogawi ahkan Pohotala; tutang ihkam anairih kolou umon Pohotala. Konduang-konduang anairih ka'a kolou lohpou Pohotala.

2 KORINTUS 1:24

Ahku eam hojojuan ihkam, tohou inon ijo ihkam harus porocayaoh, tului ihkam jari paham porocaya umba Kristus. Ahku tihkas bogawi sama umba ihkam mangat ihkam mahi-mahi sanang.

2 KORINTUS 4:5

Borihta ijo ihkai nyiaroh rih, eam borihta tohou ihkai bongon. Borihta rih anai borihta tohou Yesus Kristus; ijo Io anairih Tuhan; tutang ihkai tuhrih jihpon-jihpon'kam kotului Io.

PILIPI 3:17

Konduang-konduang paring! Numbunrih sutu angahku. Ihkai jari nonga sutu ijo morong, tului rih nohtoanirih pio-pios ulun-ulun ijo nutut sutu ihkai rih.

PILIPI 4:9

Nitoioh rih, inon ijo ihkam bolajaroh tutang torima tahkan ahku; pios tahkan tuhtui-tuhtui, oluka tahkan konuak-konuak'ku. Pohotala tohasak kosanang ahkan homboh ihkam.

1 TESALONIKA 1:7

Umba orih ihkam monjadi sutu ahkan paring ulun Kristen ijo ang Makedonia tutang Akhaya.

2 TESALONIKA 3:9

Ihkai nguan orih, eam tului ihkai earo bohak monutut mangat ihkam dohop ihkai. Tahpi kotului ihkai kani monjadi sutu bagi'kam.

1 TIMOTEUS 4:12

Ara mohanau ihcobehti ka ngohu ihko randah kotului ihko magun biou. Sobalikoh hondakrih ihko monjadi sutu bagi ulun-ulun porocaya a'ang pander'mu tutang hadat'mu, a'ang cara ihko mongasih sosama tutang porocaya umba Yesus Kristus, tutang umba pombolum'mu ijo borasih.

TITUS 2:7

A'ang kokaron hal, hondakrih ihko monjadi sutu hadat ijo hinut. Amat ihko majar, ihko harus bujur tutang tu'u-tu'u.

1 PETRUS 2:9

Tahpi ihkam anai uhtus ijo tonopili, imam-imam ijo mohalu lahca, uhtus ijo borasih, khusus ahkan Pohotala, ukup Pohotala bongoi. Pohotala mitih ihkam, tutang na'ah ihkam soluka tahkan luwang kopindong, ahkan nyolong nokuh luwang koloang-Oh ijo gomilang honong konohuang, mangat ihkam monyiar kabar tohou karon-gawiu-Oh ijo luar biasa.