1 PETRUS 5:14 - BOWOT BOHUA

¹⁴ Botabe-tabe rih ihco umba ijobohkon, umba kotuwi asi kolou konduang Kristen. Keleh Tuhan nonga kosanang ahkan Konduang paringoh ijo monjadi ain Kristus. Horomat ihkai, Petrus

1 PETRUS 5:14 ပူးပေါင်းရင်းမြစ်များ

MATEUS 5:47

Tutang amat ihkam nonga tabe tihkas ahkan injah-jolahan'kam ih, inon kolowiuoh? Ulun-ulun ijo eam ngosono Pohotala ka nguan kodorih!

YOHANES 14:27

Kosanangkomangat Ahku nohtahoh ahkan ihkam. Kosanangkomangat aik-Ku bongok ijo Ahku nongaoh ahkan ihkam. Ijo Ahku nonga rih eam kolou ijo tongan kolunon ahkan'kam. Ara galisah ara mihkoh.

YOHANES 16:33

Paringoh rih Ahku nuhtui, mangat ihkam ngondahpot kosanangkomangat tului hihco umba Ahku. Ang kolunon ihkam ahkan mongarot. Tahpi tabahohrih ahtoi'kam! Ahku jadi mongalah kolunon!’’

YOHANES 20:19

Aang ondou Minggu orih ka'a, kotihka jari pindong, murid-murid Yesus hopuhpung ang ihco lohpou, hawui bauntukang ijo tongulin, tului iro mihkoh umba dolang okon Yahudi. Songela Yesus lombut tutang tombok ang tohun iro tutang nuhtui, ‘‘Tabe kosanangkomangat ahkan'kam.’’

YOHANES 20:26

Ihcominggu pongohuli murid-murid Yesus anai hino ang unuk orih, tutang Tomas tohko ka'a. Paring bauntukang tongulim. Tahpi Yesus lombut tutang tombok ang tohun-tohun iro hawui nuhtui, ‘‘Tabe kosanangkomangat ahkan'kam.’’

RUMA 1:7

Orih kotuluioh ahku nyurat ahkan'kam. Keleh Pohotala Amai ihto, tutang Tuhan Yesus Kristus nonga borehkat tutang kosanang ahkan'kam.

RUMA 16:16

Hotabe-taberih cara jorih ijo mesra, kolou konduang Kristen. Paring ukup Kristus monyampaioh taben'ndo ahkan Konduang-konduang.

RUMA 8:1

Uhuntuh eam anai hino pohukuman toharep iro ijo bolum hihco umba Kristus Yesus.

1 KORINTUS 1:30

Pohotala bongoi ijo napa nyiring Konduang hihco umba Kristus Yesus. Nguha Kristus, ihto monjadi horahti. Tutang nguha Io ka'a Pohotala nguan ihto hokopios hoduli umba arop-Oh, monjadi ihto ukup-Aiu ijo khusus tutang ngoliwus ihto.

1 KORINTUS 16:20

Paring konduang ang ohtoi ngirim tahbe ahkan ihkam. Hotabe-hotabe ijo mesra kolou konduang Kristen.

2 KORINTUS 13:12

Hotabe-tabe rih umba sama arop socara mesra kolou konduang Kristen. Hopus ukup Pohotala ngirim tabe ahkan'kam.

2 KORINTUS 5:17

Ulun ijo jari hihco umba Kristus, monjadi kolunon bohua samasino. Ijo tahi jari eam aro hino – paringoh jari monjadi bohua.

EPESUS 6:23

Keleh Pohotala, Amai, Tutang Tuhan Yesus Kristus, duontou paring ukup ahkan hihco, tutang saling hosita hawui porocaya umba Kristus.

1 TESALONIKA 5:26

Botabe-tabe paring, cara mesra kolou konduang Kristen.

3 YOHANES 1:14

Ahku moharap eam tahi hino ahkan hosombang umba ihkam tutang ihto ahkan bopander hotoharep.