1 PETRUS 5:12 - BOWOT BOHUA

¹² Surat'ku ijo iwak tuh, ahku nyurat ahkan'kam umba pondohop Silas, ijo ahku ngohu io ihcobehti konduang Kristen ijo te'et. Ahku jolik nonga juhungan ahkan'kam tutang moyahkin ihkam, bain inon ijo ahku nyurat tuh, borihta ijo tu'u, tohou pononganasi Pohotala. Hondakrih ihkam nambit segah ang ponongaasi rih.

1 PETRUS 5:12 ပူးပေါင်းရင်းမြစ်များ

YOHANES 21:21

Nohto io, Petrus ngisok umba Yesus, ‘‘Tuhan, koloukuwoh umba io tuh?’’

KESAH RASUL-RASUL 11:23

Tutang kotihka Barnabas johcok ang anan, tutang nohto koloukuwoh Pohotala mborehkat ulun-ulun rih, io jorih samasino. Turus io nyawot mangat iro tu'u-tu'u bokehtep umba Tuhan hawui kotuwi ahtoioh.

KESAH RASUL-RASUL 15:22

Rasul-rasul tutang okon-okon, hombo-homboh hawui paring anak ukup rih, muhtus ahkan mitih pira-pira ulun tahkan iro ijo ahkan sonuhu nokuh Antiokhia homboh umba Paulus tutang Barnabas. Mahka iro mitih Silas doro Yudas ijo konohawot ka'a Barsabas. Duo behti tuh, anai tahkan ulun-ulun ijo bosewut aang louk ulun-ulun porocaya ang Yerusalem.

KESAH RASUL-RASUL 20:24

Tahpi ahku eam poduli umba pombolum'ku tuh, asar ahku duon ngohpah gawi-gawi ijo tomorocaya bain Tuhan Yesus ahkak'ku, tutang asar ahku te'et nyiring ang lain pombolum'ku ahkan mborihta Kabar Hinut rih tohou pononganasi Pohotala.

RUMA 5:2

Bain tului ihto porocaya ahkan Yesus, mahka Io nguapjalanahkan ihto mongenang asin Pohotala tutang honong kasih orihrih ihto bolum huntuh. Tului orih ihto jorih-jorih ahtoi, tului ihto anaitepun koharap, ijo ihto ahkan nginyam kosanang ijo tononga Pohotala.

1 KORINTUS 15:1

Tutang huntuh, Konduang-konduang ahku kani ihkam mingat huli ahkan Kabar Hinut tahkan Pohotala ijo ahku mborihta houn ahkan ihkam. Ihkam norimaoh tutang porocaya ahkan Kristus kotului Kabar Hinut rih.

2 KORINTUS 1:19

Kotului Yesus Kristus, Anak Pohotala, ijo tomborihta ahkan'kam bain Silas, Timoteus tutang bain ahku bongok, bohkon ulun ‘‘Yo’’ tutang ‘‘Eam’’. Sobalikoh Io monjadi puhtah ‘‘Yo’’, tahkan Pohotala.

2 KORINTUS 1:24

Ahku eam hojojuan ihkam, tohou inon ijo ihkam harus porocayaoh, tului ihkam jari paham porocaya umba Kristus. Ahku tihkas bogawi sama umba ihkam mangat ihkam mahi-mahi sanang.

EPESUS 3:3

Pohotala ngorinah rahasia rancana-Oh tutang mborihta orihrih ahkak'ku. (Tohou hal tuh jari ahku nyuratoh ang diang honong iwak,

EPESUS 6:21

Tikhikus, konduang ihto, tutang pohalu ijo te'et a'ang gawin Tuhan, ahkan mborihta ahkan'kam, kokaro angihco tohou ahku, mangat ihkam kota'an koada'ak'ku tutang gawik'ku.

KOLOSE 1:7

Hal orih tonyapai ahkan Konduang bain Epafras, jolahan ijo ihkai ngasihoh. Io anairih ponggawi Kristus ijo te'et bogawi ahkan kogunan ihto.

KOLOSE 4:7

Tikhikus, konduang ihto ijo tonokasih, ahkan momborihta ahkan ihkam karo angco tohou ahku. Io te'et bogawi hombo-homboh ihkai ahkan Tuhan.

KOLOSE 4:9

Onesimus ahkan tulak hombo-homboh umba Tikhikus: io ihcobehti tahkan barih ihkam. Io ulun ijo te'et tutang ihkai sita io. Io tutang Tikhikus ahkan mborihta ahkan'kam kakaro-karooh ijo nyolung ang unuk ahku tuh.

1 TESALONIKA 1:1

Konduang-konduang ukup ang Tesalonika, ijo monjadi ukup ain Pohotala, Amai, tutang Tuhan Yesus Kristus. Ihkai, yorih Paulus, Silas tutang Timoteus moharap, keleh Pohotala nonga berkat tutang kosanang ahkan ihkam.

2 TESALONIKA 1:1

Konduang-konduang ukup ang Tesalonika, ijo monjadi ukup ain Pohotala, Amai ihto, tutang Tuhan Yesus Kristus! Ihkai, yorih Paulus, Silas tutang Timoteus,

IBRANI 13:22

Ahku nyawot mangat ihkam nohtoani tingak-tingak'ku tuh hawui sabar, bain surat'ku tuh eam dalau ombu.

1 PETRUS 1:13

Bain rih, hondakrih ihkam siap sodia. Bojaga iou tutang boharaprih sotuwioh aang borehkat ijo ahkan tononga ahkan'mu aang ohkot Yesus Kristus lombut noin.

1 PETRUS 4:10

Ihkam nyino-nyinong jari norima pononga-pononga ijo hokobohkon tahkan Pohotala. Kotului orih kolou ponggawi ijo pios tahkan ponongan-ponongan Pohotala, hondakrih ihkam monggunaoh pongonduon rih ahkan kogunan sama-sama.

2 PETRUS 1:12

Tului orih, ahku toturus nonga mopingat'kan ihkam tohou hal kolourih, oluka ihkam ius ngota'aioh tutang porocaya samasino ahkan ajaran tahkan Pohotala ijo jari ihkam torima rih.

2 PETRUS 2:15

Tului iro eam kani nitoi jalan ijo morong, mahka iro sosat. Iro ngomin jalan ijo tonitoi bain Bileam anak Beor lomoi. Bileam orih jolik samasino dahpot duit, tahkan gawiou ijo ja'at.

3 YOHANES 1:12

Paring ulun monara Dimetrius. Mahihino Pohotala ka monaraoh. Ihkai ka'a naraoh, tutang Konduang kota'an ijo inon, ijo ihkai nyiaroh, dahpot tomorocaya.

YUDAS 1:3

Konduang-konduang ijo tonongasih! Ahku tu'u-tu'u bokohondak ngirim surat ahkan'kam, tohou solamat ijo ihto hombo-homboh jari nginyamoh. Tahpi huntuh ahku anyamoh tojuhung ahkan mopingat ihkam umba surat tuh, mangat ihkam turus ngolahi ahkan koporocaya ijo jari sino tikat tononga Pohotala ahkan turus-jahamoh ahkan ukup-Oh.