1 PETRUS 5:10 - BOWOT BOHUA

¹⁰ Tahpi uli ihkam ngarot pondehan, Pohotala bongoi ahkan nguan ihkam nyolung soporuna. Io ahkan monombok tutang ngomba'asoh ihkam hawui podehen ihkam. Bain Io anairih Pohotala ijo paham pios ahtoi, ijo ius na'ah ihkam umba mokomo kohajoi-Oh ijo abadi nguha Kristus.

1 PETRUS 5:10 ပူးပေါင်းရင်းမြစ်များ

LUKAS 22:32

Tapi Ahku jari bodo'a ahkan'mu, Simon, ahkan koporocaya'mu ara luntur. Tutang amat ihkam jari huli ahkak-Ku ihko harus ngoba'as konduang-konduang'mu.’’

RUMA 15:13

Pohotala anairih, unuk ihkam porocaya. Keleh Io nyuang ahtoi'kam hapa kokaron kojorih tutang kasanang, tului ihkam porocaya umba Io, mangat umba kowasa Roh Pohotala ihkam mahi-mahi porocaya ahkan Pohotala.

RUMA 15:5

Keleh Pohotala, ijo nonga kosabar tutang apung ahkan ulun, dohop ihkam ahkan bolum hihcoahtoi numbun sutu Kristus Yesus.

RUMA 16:25

Tonotararih ahkan Pohotala! Io bokowasa ngomba'as koporocaya Konduang sorurui umba Kabar Hinut tahkan Pohotala, ijo ahku mborihtaoh tohou Yesus Kristus. Ahku mborihtaoh Kabar orih sorurui umba inon ijo tongorinah bain Pohotala; iorih tohou rancana Pohotala ijo jari boabad-abad kotahiuoh eam tongota'an ulun.

RUMA 9:11

Sounumba duo behti anak rih konanak, Pohotala jari nuhkas pitih-Oh ahkan hototurusoh. Pitih Pohotala rih eam bogatung umba inon ijo duon konuan bain ulun, tahpi bogatung umba pona'ah Pohotala bongoi. Tului aang ohkot koduo anak bahkas Rabeka rih jaham duon nguan aang'co ijo pios ata'ai ijo ja'at.

RUMA 9:24

Ihto ijo jari tona'ah-Oh, eam baya tahkan uhtus Yahudi, tahpi ka'a tahkan uhtus ulun bohkon.

1 KORINTUS 1:10

Konduang-konduang! Ngosan aran Tuhan ihto Yesus Kristus, ahku nyawot mangat ihkam paringoh hihco pahkat puhtar; mangat ara anai kopisah ang louk ihkam. Hondakoh ihkam bulathihco, ihcoahtoi tutang ihcotiruk.

1 KORINTUS 1:9

Pohotala dahpot tomorocaya labihtuwioh. Iorih Pohotala ijo jari na'ah ihkam ahkan monjadi ihco umba Anak-Oh, iorih Yesus Kristus, Tuhan ihto.

2 KORINTUS 13:11

Laiuoh, Konduang-konduang, hondakih ihkam jorih tutang ngurahjalan monjadi soporuna. Torima iou karon tingak'ku. Hondakoh ihkam, hihco-ahtoi tutang bolum rukun. Pohotala Ijo Mahapongasi tutang Pongobuah rih ahkan homboh ihkam.

2 KORINTUS 4:17

Tutang kosusah ijo eam sopiraoh tuh, ijo ihkai nyuruoh tihkas pondehan, ahkan momua bagin ihkai ihco kosanang, ijo luar biasa tutang abadi. Kosanang orih mahcu labih hajo amat tonindung umba kosusahan rih bongoi.

PILIPI 4:13

Umba kowasa ijo tononga Kristus ahkak'ku, ahku anai koba'as ahkan noharep kokaron kolou koada'an.

KOLOSE 2:7

tutang muhat ang a'ang Io. Kohondakrih ihkam nombok pombolum'kam umba Kristus kolou galangoh. Kohondakrih ihkam mahi porocaya umba Kristus, numbun inon ijo jari tongajar ahkan'kam. Tutang hondakrih ahtoi'kam nopusak-pusak hawui ngohawot torimakasih.

1 TESALONIKA 2:12

Ihkai ningak ihkam, ihkai nonga juhung ahkan ihkam, tutang ihkai hojojuan mangat ihkam bolum kodorih kolou, nyiring monyanang ahtoi Pohotala. Tului Pohotala ius na'ah ihkam, monjadi warga Kolunon Bohua ain Pohotala tutang nginyam karon-kohajoi-Oh.

2 TESALONIKA 2:14

Ahkan orihrih Pohotala na'ah ihkam nguha Kabar Hinut ijo ihkai mborihta-Oh ahkan'kam. Pohotala na'ah ihkam, kotului Io kani, mangat ihkam umba nginyam kohajon Tuhan ihto Yesus Kristus.

2 TESALONIKA 3:3

Tahpi Tuhan sotia. Io ahkan ngomba'as ihkam tutang nolawang ihkam tahkan Si Ja'at.

1 TIMOTEUS 6:12

Hokolahi tu'u-tu'u ahkan bolum kolou ulun Kristen, mangat ihko nyomba'an hodiah pombolum sojahti tutang kototahiu. Kotului ahkan orihrih Pohotala na'ah ihko, ang kotihka ihko ngahku ang toharep aro ulun, ijo ihko porocaya umba Kristus.

2 TIMOTEUS 1:9

Pohotala monyolamat ihto, tutang na'ah ihto, mangat monjadi ukup-Oh bongoi. Io nguan rih eam hogalang inon ijo ihto jari nguai, molekan hogalang rancana-Oh bongoi, tutang pononganasi-Oh. Io nonga ihto pononganasi-Oh nguha Kristus Yesus sounmba kolunon tuh tona'oi.

2 TIMOTEUS 2:10

Orihrih kotuluioh ahku tabah ngohtun paringoh rih, bain boguna ahkan ulun-ulun, ijo jari tomitih bain Pohotala, mangat iro ka ngondahpot kosolamatan ijo tononga nguha Kristus Yesus, tutang ijo tonohomboh umba kohajoi ijo abadi.

IBRANI 9:15

Orihrih kotuluioh, Kristus monjadi Poholat, ahkan ihco bowot ijo bohua, mangat ulun ijo jari tona'ah bain Pohotala, dahpot norima borehkat-borehkat abadi, ijo jari tonobowot bain Pohotala. Paringoh orih dahpot nyolung, kotului jari anai ijo mahtoi, yorih Kristus; tutang popahtoi-Oh rih morodehka ulun tahkan kosalai-kosalai ijo iro nguaioh ang ohkot bowot ijo pahtuk magun hapan.

1 PETRUS 1:15

Sombalikoh, hondakrih ihkam borasih a'ang kokaro angihco ijo ihkam nguai, sama kolou Pohotala ijo na'ah ihkam rih borasih.

1 PETRUS 4:10

Ihkam nyino-nyinong jari norima pononga-pononga ijo hokobohkon tahkan Pohotala. Kotului orih kolou ponggawi ijo pios tahkan ponongan-ponongan Pohotala, hondakrih ihkam monggunaoh pongonduon rih ahkan kogunan sama-sama.

1 PETRUS 4:11

Ulun ijo monyiar borihta, harusrih monyiar borihta tahkan Pohotala, ulun ijo mohalu ulun bohkon, harusrih mohalu umba koba'as ijo tahkan Pohotala, mangat a'ang kokaro hal, Pohotala dahpot ponohajo nguha Yesus Kristus. Iorih ijo bokowasa tutang harus ponohajo ahkan turus-jahamoh. Amen.

2 PETRUS 1:3

Pohotala jari hapan kowasa ko-Pohotalai-Oh, ahkan nunga ahkan ihto karo aang'co ijo porulu ahkan pombolum bosombayang. Io nguan tuh, nguha inon ijo ihto kota'aioh tohou Yesus Kristus, ijo ius na'ah ihto ahkan nginyam kohajoi tutang kopios-Oh.

1 YOHANES 2:25

Tutang Jituh ijo tonobowot Kristus bongoi ahkan ihto; bolum sojahti tutang kototahiu.

YUDAS 1:24

Pohotala ijo sanggup mojaga, mangat ihkam ara ngonyahtu, tutang ijo sanggup ngomin ihkam nokuh toharep-Oh ijo tohoromat honong kojorih tutang earo kosalai.