1 PETRUS 4:7 - BOWOT BOHUA

⁷ Kokaro aang'co jari doni koopahoh, tului rih hondakrih ihkam ngowasa arop tutang bosodia, mangat ihkam dahpot bodo'a.

1 PETRUS 4:7 ပူးပေါင်းရင်းမြစ်များ

MATEUS 24:42

Jadi borondongrih, tului ihkam eam kota'an mira Tuhan'kam ahkan lombut.

MATEUS 25:13

Turus Yesus ngo'opah porobasa-Oh rih koloutuh, “Bain tului orih jaga-jagarih, bain ihkam eam kota'an ondouoh ata'aika jamoh.”

LUKAS 21:34

‘‘Jagarih arop'kam ara nyiring ihkam dalou kaurderoh umba pesta-pesta tutang minum-ngorih mombusou, ata'ai toturus niruk soal soal pombolum'mu, nyiring ihkam eam botahtap kotihka Ondou orih lombut hawui nyolonga.

LUKAS 21:36

Bojaga-jagarih, tutang bodo'a toturus ahkan ihkam ba'as noharep paring-hal ijo ahkan nyolung tutang ihkam duon noharep Anak Ulun.’’

LUKAS 22:46

Turus Io nuhtui umba iro, ‘‘Ombai ihkam tiruh? Monyun tutang bodo'a mangat ihkam eam kona tihkos.’’

RUMA 12:12

Konohuangoh Konduang porocaya umba Tuhan hawui kojorih, sabar ang luwang kosusah, tutang bokehtep bodo'a.

1 KORINTUS 15:24

Uliorih nyolung kiamat. Aang ohkot rih Kristus ahkan ngominda karon pomoretah, karon kowasa, tutang karon koba'as; turus Io ahkan nyorah kowasa-Oh kolou Lahca, ahkan Pohotala, Amai ihto.

1 KORINTUS 7:29

Titunhuang'ku koloutuh, Konduang-konduang: Ihto eam anai aro ohkot hino. Nopara tahkan huntuh, nyinong ulun ijo jari ngoruh, hondakoh bolum koloujahka io eam ngoruh;

EPESUS 6:18

Nguanohrih paringoh rih sambil bodo'a ahkan nyawot pondohop tahkan Pohotala. Aang nyinong kosapet, bodo'a toturus koloukuwoh Roh Pohotala niting ihkam. Hondakrih ihkam toturus bojaga tutang ara monyorah. Bodo'a toturus ahkan paring ukup Pohotala.

PILIPI 4:5

Hondakrih paring ulun duon nohto sikap'kam ijo pios ahtoi. Tului eam tahi hino Tuhan ahkan lombut.

KOLOSE 4:2

Hondakoh ihkam bodo'a, hawui tehen tutang jaga-jaga hawui botorimakasih ahkan Pohotala.

2 TIMOTEUS 4:5

Oluka kodorih, ihko harus ngowasaoh arop'mu a'ang koada'an koloukuwoh ka. Tabahrih a'ang kokarot lalusrihiou tugas'mu kolou pomborihta Kabar Hinut rih, tutang molalusoh rih honong ko-hinu-hinutoh, kopahtut'mu ahkan mohalu Pohotala.

TITUS 2:12

Pononganasi Pohotala rih mondidik ihto, mangat eam hino bolum hokolawan umba kohondak Pohotala, tutang eam numbun kojolik kolunonoh. Ihto todidik ahkan bolum luwang kolunon tuh hawui ta'an nahan arop, bujur tutang te'et umba auh Pohotala.

IBRANI 10:25

Hondakrih ihto tohtap hopuhpung hombo-homboh, tutang ara langak kolou ulun bohkon. Ihto justru harus labih te'et, saling komba'as, bain ihto ta'an ijo eam tahi hino Tuhan ahkan lombut.

IBRANI 9:26

Tului amat kolourih, orih rimai: Io jari dulangduli ngarot, tahkan kolunon tuh tona'oi. Tahpi korinahoh, huntuh aang jaman laiu tuh, Io lombut sinotikat iou ahkan mongapit dusa hawui monyorah arop-Oh bongoi.

1 PETRUS 1:13

Bain rih, hondakrih ihkam siap sodia. Bojaga iou tutang boharaprih sotuwioh aang borehkat ijo ahkan tononga ahkan'mu aang ohkot Yesus Kristus lombut noin.

1 PETRUS 3:7

Tutang ihkam ka'a, bosai-bosai, hondakrih bolum honong tuwi umba pongosono toharep oruh'mu, tutang hawui borondong ijo iro anairih barih ijo bolomu. Horaguohrih iro hawui horomat, tului iro hihco umba ihkam, ahkan norima ponongan pombolum ijo sojahti tahkan Pohotala. Nguan ohrih tuh, mangat eam anai ijo mohalang do'ako.

1 PETRUS 5:8

Hondakrih, ihkam waspada tutang tohtap bojaga! Bain Sehtan anairih musuh'kam. Io kolou singa, nyalan koanan koohtoi sambil ngaum ngurah ang tonosahapoh.

PONGORINAH 16:15

‘‘Ngonihrih! Ahku lombut kolou ponahkou! Kosanangrih ulun ijo tahtap bojaga tutang mohaga hahtiuoh, nyiring io eam nyalan, hawui hoburang tutang monjadi mia, ang boun ulunaro!’’