1 PETRUS 4:5 - BOWOT BOHUA

⁵ Tahpi iro noin, harus nonga tanggung-jawab ahkan Pohotala, ijo jari sodia ahkan mosara ulun, ijo bolum tutang ijo mahtoi.

1 PETRUS 4:5 ပူးပေါင်းရင်းမြစ်များ

MATEUS 12:36

Jadi, ingatrih: ang Ondou Kiamat nyinong ulun harus nanggung-jawab, ngosan nyinong auhoh ijo konohawot, ijo eam boguna.

LUKAS 16:2

Jadi io na'ah pogawai ngatuhduit orih tutang nuhtui, ‘Inon tuh ijo konahak'ku tohou ihko? Uhuntuh, nyorah ahkak'ku laporan suhkup tohou aangkonuam ngatuh ponahtou'ku. Ihko eam tou huli monjadi pogawai ngatuhduit'ku.’

KESAH RASUL-RASUL 10:42

Tutang Io nyuhu ihkai mborihta Kabar Hinut rih ahkan ulun-ulun tutang nonga kosaksian, ijo Io rih jari konahtang bain Pohotala, monjadi hakim ulun-ulun ijo magun bolum, tutang ulun-ulun ijo jari mahtoi.

KESAH RASUL-RASUL 17:31

Tului Io jari nuhkasoh sino ohkotoh mosara hopus kolunon tuh honong koadiloh. Gawi rih ahkan tonguan bain ihcobehti ijo jari ngopili Pohotala ahkan orih. Tutang ahkan paring ulun jahkin ahkan hal rih. Pohotala jari mombolumoh hoduli ulun rih tahkan popahtoi!’’

RUMA 14:9

Kristus ius mahtoi tutang bolum hoduli. Orih kotuluioh Io monjadi Tuhan ahkan ulun-ulun ijo bolum tutang ka'a ahkan ulun-ulun ijo jari mahtoi.

2 TIMOTEUS 4:1

Kristus Yesus ahkan lombut hino nokuh kolunon tuh, ahkan mosara ulun-ulun ijo bolum tutang ijo mahtoi; tutang Io ahkan lombut ahkan moretah kolou Lahca. Bain kotului rih ahku nyawot hawui paham ahkan'mu ang toharep Pohotala tutang Kristus Yesus.

YAKOBUS 5:9

Ara bokuhtuk tutang saling hotosalan, mangat ihkam eam kona hukum bain Pohotala. Ingat! Hakim ius doni, tohtap ahkan lombut.