1 PETRUS 4:4 - BOWOT BOHUA

⁴ Huntuh ulun ijo eam kosono Tuhan, helan, ijo ihkam eam umba bolum kolou iro, nginyam dusa eam aro tihkas. Orihrih kotuluioh iro mohina ihkam.

1 PETRUS 4:4 ပူးပေါင်းရင်းမြစ်များ

MATEUS 23:25

Colahka ihkam guru-guru agama tutang ulun-ulun Parisi! Ihkam tuhkang pura-pura! Pikan-pikan tutang piring-piring'kam, ihkam muhioh borasih-rasih hila luaroh, padahar luwangoh kojilok samasino umba hal-hal ijo ihkam dahpotoh hapan kokarasan tutang kokuhu'kam.

LUKAS 15:13

Pira-pira ondou pongohino anak busu rih morahkang bagin warisoh rih, turus tulak nokuh lowu ijo mahcu. Ang anan io bokora umba duitoh hawui bolum numbun kojolik ahtoi.

KESAH RASUL-RASUL 13:45

Kotihka ulun-ulun Yahudi nohto ulun aro rih, iro hiri ahtoi samasino. Iro ngorana Paulus tutang molawan paring ang tonuhtuioh.

KESAH RASUL-RASUL 18:6

Tahpi tului ulun-ulun rih toturus ih ngolawan tutang nosalan auhoh, mahka Paulus hobirik korawu tahkan hahtiuoh kolou kahta ahkan ngingat iro umba kosalan'ndo. Paulus nuhtui, ‘‘Amat ihkam colahka, kosalan'kam bongom! Ahku borasih tahkan ang orih! Nopara uhuntuh ahku ahkan tulak nokuh ulun-ulun bohkon Yahudi.’’

RUMA 13:13

Ihto harus nguan hal-hal tonohoromat kolou ijo kopu'uoh, konuan ulun aang koloang ondou. Ara pesta rami molowi bahtasoh, ata'ai nyiring bobusau. Ara ngihal, ata'ai tobiat eam morong. Ara rajin hokolahi, ata'ai hiri ahtoi.

EPESUS 5:18

Ara ihkam busou bain anggur, kobain rih ahkan morusak ihkam. Sobalikoh, hondakrih ihkam konowasa bain Roh Pohotala.

1 PETRUS 2:12

Hadatdasar'mu, ang tohun ulun ijo eam kosono Tuhan harusrih labih pios, nyiring amat iro mopitnah ihkam, kolou ulun ja'at, iro ka'a harus ngahku angkonuan'mu ijo pios, nyiring iro ahkan monara Pohotala ang ondou polombut-Oh.

1 PETRUS 3:16

Tahpi nguanohrih honong bolomu luwah tutang horomat. Tutang hondakrih ahtoi bua'mu borasih, mangat amat ihkam tonopitnah, kotului ihkam bolum hawui hinut kolou murid Kristus, mahka ulun ijo mopitnah rih ahkan monjadi mia bongoi.

2 PETRUS 2:12

Tahpi guru-guru rih eam inon! Iro kolou ohcintana ijo konanak ahkan tonawan tutang tomunu iou. Iro eam bopikir, tahpi baya nguai numbun pokomo iou, nyiring iro nyarang hal-hal ijo eam ngosonooh umba auh-auh pohina. Kotului orih, bain karon-gawin iro bongoi, iro ahkan rusak kolou ohcintana-ohcintana bosiak.

2 PETRUS 2:22

Inon ijo iro nguaioh, mombukti komorong paribasa tuh, ‘‘Asu ahkan kuman hoduli inon ijo jari tonguhtaoh,’’ tutang ‘‘Urak ijo jari tonopondusoh, ahkan huli ngolobangan ang luwang luhtak.’’

YUDAS 1:10

Tahpi umba pohina-pohina'an, ulun-ulun rih, nyarang kokaro ang'co ijo iro eam horahti. Iro sama kolou ohcin-ohcin ijo eam anai ahkaroh, ijo ngota'an hal-hal umba nanyamoh. Tahpi justru hal-hal orih, ijo kotuluioh kolonyuh iro.