1 PETRUS 4:18 - BOWOT BOHUA

¹⁸ Luwang Surat Borasih tonyurat koloutuh, ‘‘Amat ulun-ulun ijo pios ka'a jari bohali ahkan tonyolamat, inon hino ijo ahkan nyolung umba ulun-ulun bodusa ijo eam ngosono Tuhan!’’

1 PETRUS 4:18 ပူးပေါင်းရင်းမြစ်များ

LUKAS 15:1

Aang sino ondou, aro ponagih pajak tutang ulun-ulun ijo konohawot eam pios bain ulun aro, lombut ngonih Yesus.

LUKAS 23:31

Bain amat nohimo kaju ijo magun bolum, ulun jari nguan koloutuh, inon hino ijo ahkan konuan iro nohimo kaju ijo jari koring!’’

KESAH RASUL-RASUL 14:22

Aang lowu-lowu rih iro ngoba'as ahtoi murid-murid Yesus tutang mopingat murid-murid rih porocaya ahkan Yesus, ‘‘Ihto harus aro ngarot houn, punan ihto nginyam kosanangoh Ang Kolunon Bohua Pohotala,’’ kodorih rasul-rasul rih majar murid-murid Yesus ang lowu-lowu rih.

KESAH RASUL-RASUL 27:24

Molehkat rih nuhtui, ‘Ara mihkoh Paulus! Tului ihko ahkan noharep Kaisar. Tutang ngosan komorong ahtoi Pohotala ahkan'mu, paring ulun ijo bolayar homboh ihko, uras solamat kotului ihko.’

KESAH RASUL-RASUL 27:31

Tahpi Paulus nuhtui umba porowira tutang sorodadu-sorodadu ijo ang kapal rih, ‘‘Amat anak kapal tuh eam mohcon ang kapal, Konduang-konduang paringoh eam duon solamat.’’

RUMA 1:18

Tahkan soruga Pohotala ngorinah kosingi-Oh toharep paring dusa tutang koja'at ulun, tului koja'at, pojajong kalunon ahkan ngosono ajaran morong tohou Pohotala.

RUMA 5:6

Kotihka ihto a'ang koada'an eam aro daya, Kristus mahtoi ahkan ihto aang ohkot ijo kona, ijo tonuhkas bain Pohotala; podahal ihto ulun-ulun, ijo ngomahcuarop tahkan Pohotala.

RUMA 5:8

Tahpi Pohotala ngorinah Asiu-Oh ahkan ihto kotihka Kristus mahtoi ahkan ihto, aang ohkot ihto magun ulun bodusa.

1 KORINTUS 10:12

Ulun ijo ngohu aropoh tombok ba'as, konohuangoh bua-buah; a'ai nyiring io bolukang.

1 TIMOTEUS 1:9

Kopunaoh harus tongingat, ijo hukum tonapa eam toharep ulun pios, molekan toharep ulun polanggar hukum, bola ponyilou, ulun rusak bejad, toharep ulun bodusa, ulun ijo eam boagama, ulun cara kolunon, toharep ulun ijo pomunu amaioh ata'ai inaioh, dolang pomunu aang paringoh,

IBRANI 4:1

Nah, bowot Pohotala magun tohapan, tutang ihto ahkan tononga nondobo'o ijo tonobowot-Oh. Jadi, hondakrih ihto bojaga, mangat ara anai ihcobehti ka tahkan louk ihkam, ijo korinah eam komo nondobo'o-Oh ijo tonobowot orih.

YAKOBUS 5:6

Ihkam mohukum tutang munu ulun-ulun ijo eam bosala, tutang iro eam molawan ihkam.

1 PETRUS 5:8

Hondakrih, ihkam waspada tutang tohtap bojaga! Bain Sehtan anairih musuh'kam. Io kolou singa, nyalan koanan koohtoi sambil ngaum ngurah ang tonosahapoh.

2 PETRUS 3:7

Tahpi langit tutang tana ijo anai uhuntuh, tonohaga bain auh Pohotala, rih ka'a ahkan tongondian umba baho noin. Uhuntuh langit tutang tana magun tonohaga johcok aang ondou ulun-ulun ijo ja'at tonohukum tutang tongondian.

YUDAS 1:15

ahkan mosara paring ulun. Tuhan ahkan mohukum ulun-ulun ja'at tului gawin-gawin iro ijo bejad. Tutang Io ahkan mohukum ulun-ulun bodusa tutang bosala, kotului paring auh pohina'an ijo konohawotohrih.’’