1 PETRUS 4:10 - BOWOT BOHUA

¹⁰ Ihkam nyino-nyinong jari norima pononga-pononga ijo hokobohkon tahkan Pohotala. Kotului orih kolou ponggawi ijo pios tahkan ponongan-ponongan Pohotala, hondakrih ihkam monggunaoh pongonduon rih ahkan kogunan sama-sama.

1 PETRUS 4:10 ပူးပေါင်းရင်းမြစ်များ

MATEUS 20:28

Sama kolou Anak Ulun rih ka'a; Io lombut eam ahkan tonohalu, tahpi ahkan mohalu, tutang nyorah hasong-Oh ahkan momordehka aro ulun.”

MATEUS 24:14

Tutang Kabar Hinut, tohou koloukuwoh Pohotala moretah ahkan tonyiar nokuh hopus kolunon, mangat paring ulun ngonihoh. Uliorih rih ndai punai rih lombut ondoukiamat.”

MATEUS 24:21

Aang ondou-ondou ijo kongori-ngori rih, ahkan anai kosusahan hajo, kolou ijo jaha pu'u nyolung tahkan pahtuk kolunon nyiring uhuntuh, tutang eam hino ahkan nyolung huli.

MATEUS 24:45

Hion Yesus hino, “Amat kolourih pohalu ijo umoh rih ijo bokehtep tutang piosbosaraoh? Io rih ijo tongopili bain tuanoh monjadi okon pohalu-pohalu bohkon, mangatoh nonga iro ukun ang ohkotoh.

MATEUS 25:17

Kolourih ka'a pohalu ijo norima duo kuhjan duit bulou rih norima utung duo kuhjan duit bulou hino.

MATEUS 25:44

Turus iro ahkan nuhtui umba-Oh, ‘Tuhan, mira ihkai nohto Tuhan bulo'u, ata'ai tojahbolai, ata'ai kolou ihcobehti bohkonuhtus, ata'ai eam hopokajan, ata'ai poros, ata'ai tonyipir, tutang ihkai eam dohop Tuhan?’

MARKUS 10:45

Tului Anak Ulun ka eam lombut ahkan tonohalu, Io lombut ahkan mohalu tutang ahkan nyorah hasong-Oh ahkan momorodehka aro ulun.’’

LUKAS 12:42

Tuhan mutah, ‘‘Iai pohalu ijo te'et tutang pihtar, nyiring potuot bain tuanoh monjadi kopala, ngosan karon-pohalu bohkon ahkan io nonga iro ukun ang ohkotoh?

LUKAS 19:13

Soun tahkan hihkas, io na'ah sopulu behti pohalu, turus mbagi ahkan iro nyinong behti ihcokobawak duit bulou. ‘Bodagang umba duit tuh, pondehan ahku tulak,’ hioioh umba iro.

LUKAS 8:3

ka'a Yohana oruh Khuza, pogawai istana Horodes; Susana, tutang aro hino ulunbawi bohkon. Umba mbolanja aropbongoi, iro ndohop Yesus tutang murid-murid-Oh.

RUMA 15:25

Tahpi huntuh ahku kani nokuh Yerusalem ahkan ngitot pononga ahkan ukup Pohotala ang anan.

RUMA 15:27

Honong sanang ahtoi iro monahtap, ahkan nguan orih. Puna komorongoh, iro pahtut dohop konduang-konduang ijo porosbolum, ang Yerusalem rih, tului tahkan ulun-ulun Yahudi rih, ulun-ulun bohkon Yahudi rih ius norima borehkat-borehkat tahkan Pohotala. Jadi, ulun-ulun ijo bohkon Yahudi rih, pahtut ka'a dohop ulun-ulun bohkon Yahudi umba borehkat-borehkat ramuioh.

1 KORINTUS 15:10

Tahpi tului asin Pohotala ahku monjadi kolou ahku ijo uhuntuh. Tutang eam porocuma Pohotala ngapun ahku. Justru ijo bogawi labih karas tahkan paring rasul ijo bohkonoh. Tahpi orih kotu'uioh, bohkon usaha aik'ku, orih usaha Pohotala ijo ngasi ahku, tutang ijo bogawi hombo-homboh ahku.

1 KORINTUS 3:10

Umba kotoun ijo tononga Pohotala, ahku kolou ahli mangun, hawuiius ngina galang ahkan gedung rih, tutang ulun bohkon mangun gedung ang isun galang rih. Nyinong ulun harus nohtoanioh moro-morong koloukuwoh io mangunoh ang ngosan galang rih.

1 KORINTUS 4:7

Iai ijo ngonjadi Konduang labih tahkan ulun bohkon? Eamlah dolang aang'co Konduang norimaoh tahkan Pohotala? Jadi ombai kani ngojuhu arop, kolo-kolou inon ijo anai aang Konduang rih, eam ang'co ijo tononga?

2 KORINTUS 6:1

Tului ihkai bogawi hombo-homboh umba Pohotala, mahka ihkai nyawot hawui tu'u-tu'u, a'ai ihkam mohonou kopios ahtoi Pohotala rih.

2 KORINTUS 9:1

Kotu'uioh eam porulu hino ahku nyurat ahkan ihkam tohou pondohop ijo rahat tongirim ahkan ukup Pohotala ang Yudea.

EPESUS 3:8

Ang louk paring ukup Pohotala, ahkurih ijo paling hina. Tahpi Pohotala nonga ahkak'ku pononga tuh, gawi ahkan mborihta ahkan ulun-ulun bohkon Yahudi, Kabar Hinut tohou kotahtou Kristus ijo eam anai koopahoh;

EPESUS 4:11

Iorih ijo ‘‘nonga pononga-pononga ahkan kolunon’’; 'cokobarih tonuot-Oh monjadi rasul, ijo bohkon monjadi nabi, ijo bohkon hino monjadi pomborihta Kabar Hinut rih, tutang ijo bohkon hino tonuot-Oh monjadi guru-guru tutang pohaga ukup.

2 TIMOTEUS 1:18

Tutang ihko ta'an ijo ang Epesus, io aro samasino dohop ahku. Keleh Tuhan nunjuk balos kasih ahkaioh aang ondou Tuhan mosara paring ukup kolunon.

TITUS 1:7

Okon ukup, anai ulun ijo hogoguan gawin Pohotala, io eam tou josala-sala. Io eam tou bojuhu, ata'ai ponyingi, ata'ai pobusou, ata'ai jolik hokolahi, ata'ai jolik mahta duitan.

IBRANI 6:10

Pohotala eamoh Pohotala ijo eam adil. Io eam nolingou, inon ijo ihkam nguairih bagi-Oh, tutang asi ijo ihkam nunjukrih ahkai-Oh, angohkot ihkam dohop konduang-konduang samakoporocaya, ijo houn tutang uhuntuh.

1 PETRUS 5:10

Tahpi uli ihkam ngarot pondehan, Pohotala bongoi ahkan nguan ihkam nyolung soporuna. Io ahkan monombok tutang ngomba'asoh ihkam hawui podehen ihkam. Bain Io anairih Pohotala ijo paham pios ahtoi, ijo ius na'ah ihkam umba mokomo kohajoi-Oh ijo abadi nguha Kristus.

1 PETRUS 5:12

Surat'ku ijo iwak tuh, ahku nyurat ahkan'kam umba pondohop Silas, ijo ahku ngohu io ihcobehti konduang Kristen ijo te'et. Ahku jolik nonga juhungan ahkan'kam tutang moyahkin ihkam, bain inon ijo ahku nyurat tuh, borihta ijo tu'u, tohou pononganasi Pohotala. Hondakrih ihkam nambit segah ang ponongaasi rih.