1 PETRUS 3:9 - BOWOT BOHUA

⁹ Ara malos koja'at umba koja'at, ata'ai cahci-mahki umba cahci mahki; sobalikoh malos rih umba nyawot borehkat tahkan Pohotala. Bain Pohotala na'ah ihkam, justru mangat ihkam norima borehkat tahkan umba-Oh.

1 PETRUS 3:9 ပူးပေါင်းရင်းမြစ်များ

MATEUS 19:29

Tutang nyinong ulun ijo jari nohtah lohpou, ata'ai konduangoh bahkas ata'ai bawi, ata'ai inai amai, ata'ai anak-anak, ata'ai umoi tului Ahku, ulun rih ahkan norima hoduli sorahtus lihpet. Tutang io ahkan norima ka'a pombolum sojahti tutang kototahiu.

MATEUS 25:34

Pongohuli Lahca rih nuhtui umba ulun-ulun ang hila koto'ui-Oh, ‘Nokuhohtoi ihkam ijo tomorehkat bain Amai-Ku. Nyolong nokuh Kolahca'an ijo tonyodia ahkan'kam tahkan pahtuk kolunon.

MATEUS 5:39

Tahpi huntuh Ahku nuhtui ahkan'kam: ara malos kohiri toharep ulun ijo nguan koja'at umba'kam. Sobalik'oh amat ulun ngahpek kohcom'kam hila kotoun'kam nauh io ngahpek kohcom hila komuloi'kam ka'a.

MATEUS 5:44

Tahpi uhuntuh Ahku nuhtui ahkan'kam: kasih musuh-musuh'mu tutang bodo'a bagi ulun-ulun ijo ngarana ihkam,

MARKUS 10:17

Ohkot Yesus noturus hino ponyalai-Oh, ihcobehti lombut nokoru nokuh Yesus. Ulun orih suhkuntu'ut ang tohimo Yesus tutang ngisok, ‘‘Guru ijo morong, ahku harus nguan inon, mangat dahpot norima pombolum ijo sojahti tutang kototahiu?’’

LUKAS 10:25

Pongohino ihcobehti guru agama lombut kani nyokohtung Yesus. Io ngisok, ‘‘Amai Guru, ahku pahtut nguan inon mangat duon norima pombolum ijo sojahti tutang kototahiu?’’

LUKAS 18:18

Ihcobehti okon ulun Yahudi ngisok umba Yesus, ‘‘Amai Guru ijo pios, ahku harus nguan inon mangat duon norima pombolum sojahti tutang kototahiu?’’

RUMA 12:14

Nyawotrih ahkan Pohotala mangat Io nonga momborehkat ahkan ulun-ulun ijo kejam toharep ihkam. Yo, nyawot umba Pohotala mborehkat iro, ara monulut.

RUMA 12:17

Amat ulun nguan koja'at umba ihko, ara malosoh umba koja'at. Nguanrih inon ijo tongohuoh pios, bain paring ulun.

RUMA 8:28

Ihto kota'an, ijo Pohotala ijo ngahtur kokaron hal nyiring momua ijo pios ahkan ulun-ulun ijo ngasih Io, tutang ijo tona'ah-Oh, tohorong umba rancana-Oh.

RUMA 8:30

Kodorihrih Pohotala na'ah iro ijo jari tonahtap-Oh labih soun; tutang iro ijo tona'ah-Oh rih, nongajalan-Oh hokopios hoduli umba Pohotala. Tutang iro ijo nongajalan Io hokopios hoduli umba Pohotala ngomin bagian a'ang pombolum ain Pohotala bongoi.

GALATIA 3:14

Kristus nguan kodorih mangat borehkat ijo tobowot Pohotala ahkan Abraham tononga ka'a ahkan ulun-ulun bohkon Yahudi. Honong kodorih, ihto ka'a ijo porocaya umba Pohotala, dahpot norima Roh ijo tonobowot bain Pohotala rih.

EPESUS 4:32

Sobalikoh, pios ihkam hinut ahtoi tutang tuwi sita-asi 'cobehti toharep ijo bohkon, tutang saling ngapun kolou Pohotala jari ngapun ihkam nguha Kristus.

1 TESALONIKA 5:15

Jagarih mangat ara anai ijo malos koja'at umba koja'at. Bousaharih toturus ahkan nguan ang pios, ihcobehti ahkan ijo bohkon tutang ahkan paring ulun.

IBRANI 12:17

Ihkam ta'an ijo pongohino, Esau jolik dahpot borehkat rih tahkan amaioh, tahpi io tonulak. Tului sinoka umba tangihoh io ngurah jalan ngobuah kosalaioh, kosapet ahkan orih eam anai hino.

IBRANI 6:14

Io nuhtui, ‘‘Ahku nobowot ahkan mborehkat Ihko tutang ngonjorian lihit'mu monjadi aro.’’

1 PETRUS 5:10

Tahpi uli ihkam ngarot pondehan, Pohotala bongoi ahkan nguan ihkam nyolung soporuna. Io ahkan monombok tutang ngomba'asoh ihkam hawui podehen ihkam. Bain Io anairih Pohotala ijo paham pios ahtoi, ijo ius na'ah ihkam umba mokomo kohajoi-Oh ijo abadi nguha Kristus.