1 PETRUS 3:8 - BOWOT BOHUA

⁸ Kolopuhtaioh iorih; hondakrih Konduang-konduang soiyoh sotutui tutang hihco-nanyam. Hondakrih ihkam saling ngasi-sayangoh kolou ulun-ulun ijo hokonduang. Tutang hondakrih ihkam saling hobalos-ngasihan rih, tutang sikap randah ahtoi.

1 PETRUS 3:8 ပူးပေါင်းရင်းမြစ်များ

MATEUS 18:33

Eamkah, ihko ka'a harus anai kasihan umba injah'mu kolou ahku jari anai kasihan umba ihko?’

LUKAS 10:33

Tahpi pongohuli ihcobehti Samaria ijo rahat nomuoi, nyuru ka'a ang anan. Kotihka tonopahjahoh ulun rih, paham ngasi ahtoioh tului kosihan.

KESAH RASUL-RASUL 2:1

Kotihka jari johcok Ondou Pentakosta, paring ulun ijo porocaya hopuhpung ang ihco unuk.

KESAH RASUL-RASUL 27:3

Ondouhawunoh ihkai johcok ang Sidon. Paulus tonojaga honong pios samasino bain Yulius. Io nongaijin masap injah-jolahanoh mangat iro nonga bohahtiu ijo porulu ahkan Paulus.

KESAH RASUL-RASUL 28:7

Eam mahcu tahkan unuk rih, anai tana ain Publius, pongowasa pahtukoh ang pulou rih. Honong bojenta ahtoi io noharang ihkai kolou pongasapoh kotahin tolu ondou.

KESAH RASUL-RASUL 4:32

Paring ulun ijo porocaya rih bolum hihcoahtoi hihcohomboruanoh. Eam aro ihcobehti ka tahkan iro ngohu ijo inon, ijo io tepuioh, anai aiuoh bongoi. Paring aang'co ijo anai aang iro, paring iro hapaoh sama-sama.

RUMA 12:10

Konohuangoh Konduang-konduang saling mongasih ihco umba 'jobohkon honong mesra kolou ulun-ulun ijo hokonduang a'ang ihco kojolahan. Tutang konohuangoh ihkam saling hotosolu nonga horomat.

RUMA 15:5

Keleh Pohotala, ijo nonga kosabar tutang apung ahkan ulun, dohop ihkam ahkan bolum hihcoahtoi numbun sutu Kristus Yesus.

1 KORINTUS 1:10

Konduang-konduang! Ngosan aran Tuhan ihto Yesus Kristus, ahku nyawot mangat ihkam paringoh hihco pahkat puhtar; mangat ara anai kopisah ang louk ihkam. Hondakoh ihkam bulathihco, ihcoahtoi tutang ihcotiruk.

1 KORINTUS 12:26

Amat ihco ramu ngarot paring ramu ijo bohkonoh, ngarot ka'a, amat ihco ramu tonara, paring ramui ijo bohkonoh pahir ka'a jorih.

EPESUS 4:2

Hondakrih ihkam turus randah ahtoi, bolomu-lembai, tutang sabar. Ngorinahohrih asin'kam, honong hokodohop ihco umba ijo bohkon.

EPESUS 4:31

Dianohrih karon anyam koporos ahtoi, dondam tutang kosingi. A'ai hino bokociak-ciak tutang mongajea-jea. Ara hino anai anyam hiri ata'ai anyam bohkon ijo sama mahcam orih.

EPESUS 4:32

Sobalikoh, pios ihkam hinut ahtoi tutang tuwi sita-asi 'cobehti toharep ijo bohkon, tutang saling ngapun kolou Pohotala jari ngapun ihkam nguha Kristus.

PILIPI 2:3

Ara nguan aang'co, tului kojuan kogunan arop bongon, ata'ai ahkan mopojuhu arop. Sobalikoh hondakrih ihkam nyino-nyinong honong randah ahtoi tutang ngohu ulun bohkon labih pios tahkan arop bongon.

PILIPI 3:16

Oluaang hal tuh, hondakoh nohtoani: Ihto harus magun bolum numbun poroturan ijo jari ihto umbaoh, nyiring wayah tuh.

KOLOSE 3:12

Konduang anairih ukup Pohotala. Pohotala ngasih ihkam tutang mitih ihkam ahkan monjadi aiu-Oh ijo khusus. Iorih, kotuluioh ihkam harus pokarah balos ngasi, ihkam harus pios ahtoi, randah ahtoi, bolomu lembai, tutang ba'as ngarot.

IBRANI 13:1

Hondakrih ihkam bokehtep hosita ihco sama 'jobohkon kolou ulun-ulun Kristen ijo hokonduang.

YAKOBUS 2:13

Tului Pohotala eam ahkan monunjukoh balos kasih ahkan ulun ijo eam kosono balos kasih. Tahpi balos kasih labih ba'as tahkan hukum!

YAKOBUS 3:17

Tahpi ulun ijo anaingina kopihtaran ijo lombut tahkan diang, io sula-sulak samasino borasih, pongohuli jolik hokobuah, bojenta, tutang ponumbun. Io tuwi umba balos kasih tutang mua gawi-gawi ijo pios. Io eam bopihak tutang eam pura-pura.

YAKOBUS 5:11

Iro konohawot sanangmangat tului iro tabah. Ihkam ius ngonih tohou kosabar Ayub, tutang ihkam ta'an koloukuwoh Tuhan ang laiuoh momborehkat Io. Tului Tuhan paham kasihsayang tutang hinut ahtoi.

1 PETRUS 1:22

Tului ihkam te'et umba ajaran tahkan Pohotala, mahka ihkam moporasih arop, tutang ihkam ngasi ulun-ulun porocaya socara ihlas. Kobain rih, kopiosrih ihkam sita ihco umba ijobohkon, umba sotuwi ahtoi.

1 PETRUS 2:17

Moregarih paring ulun, ngasirih konduang-konduang'mu sama Kristen. Mihkohrih umba Pohotala, tutang horomatrih umba Kaisar.

1 PETRUS 5:5

Kodorih ka'a Konduang, ulun-ulun biou. Tunduk ahkan ulun-ulun ijo oko. Konduang paringoh harus ngominda arop, tutang saling mohalu honong randah ahtoi. Kotului luwang Surat Borasih tonyurat koloutuh, ‘‘Pohotala noharep ulun ijo bojuhu, tahpi kasih umba ulun ijo randah ahtoi.’’

2 PETRUS 1:7

Tutang bolum numbun konohuang Pohotala harus ka'a tonyukup umba kasihsayang'kam umba konduang-konduang ihcokoporocaya. Koturus-Oh hondakrih kasihsayang ahkan konduang-konduang ihcokoporocaya, ndahang umba ngasi toharep paring ulun.

1 YOHANES 3:14

Ihto ta'an ijo ihto jari soluka tahkan popahtoi, tutang jari hahtun nokuh pombolum. Ihto ta'an rih kotului ihto masi hawui konduang ihto. Ulun ijo eam masi, rimai magun konowasa bain popahtoi.