1 PETRUS 3:21 - BOWOT BOHUA

²¹ Nah, kojodian rih kolou tindung, tahkan pompondus ijo huntuh monyolamat ihkam. Pompondus tuh, eamrih ihco upacara momuhi behti tahkan paring ijo kojilo-jilok, molekan kolou bowot'mu umba Pohotala tahkan ahtoi bua ijo pios. Pompondus rih monyolamat ihkam kotului Yesus Kristus, jari bolum hoduli tahkan popahtoi,

1 PETRUS 3:21 ပူးပေါင်းရင်းမြစ်များ

MATEUS 28:19

Tului orih, tulakrih ahkan kokaron uhtusulun ang sohapus kolunon, ngonjodian iro monjadi murid-murid-Ku. Mopondus iro honong ngohawot aran Amai, tutang Anak, tutang Roh borasih Pohotala.

MARKUS 16:16

Ulun ijo eam porocaya ahkan tonohukum, tahpi ulun ijo porocaya tutang tonopondus ahkan solamat.

YOHANES 13:9

Simon Petrus nuhtui, ‘‘Amat kodorih, Tuhan, ara baya pa'ak'ku tahpi longok tutang kuhung'ku ka'a!’’

KESAH RASUL-RASUL 16:33

Aang tohun ngolomi rih ka'a kopala sipir rih ngomin doro turus muhi tutang nawas dingan doro. Mahka io tutang paring ulun ijo anai ang lohpouoh turus ponopondus.

KESAH RASUL-RASUL 2:38

Petrus mutah, ‘‘Hubahrih, tahkan dusa-dusan'kam. Tutang pios ihkam nyinong behti ponopondus aang aran Yesus Kristus mangat dusa-dusan'kam tongapun. Mahka konduang-konduang ahkan norima ponongan Roh Pohotala tahkan Pohotala.

KESAH RASUL-RASUL 22:16

Huntuh, ara hino ngindoi dalou tahi. Kuatrih, tombok tutang tongarih arop'mu ponopondus. Na'ahrih umba Tuhan mangat ihko liwus tahkan dusa-dusa'mu.’ ’’

KESAH RASUL-RASUL 8:36

Ang beteng jalan iro johcok ihco unuk ijo tohko danumoh. Pogawai isung rih nuhtui, ‘‘Topahjah orih anai danumoh! Inon hino ijo magun kurang ahkan mopondus ahku?’’ [

KESAH RASUL-RASUL 8:37

Pilipus nuhtui, ‘‘Amat Tuan porocaya umba kotuwi ahtoi, Tuan tou ponopondus.’’ ‘‘Ahku porocaya Yesus Kristus orih Anak Pohotala’’ hion pogawai isung tahkan Etiopia rih.]

RUMA 5:14

Tahpi tahkan jaman Adam nyiring ang jaman Museh, popahtoi jari mongowasa paring ukup kolunon. Malah ulun-ulun ijo eam nguan toturung umba cara ijo sama, kolou ijo konuan bain Adam, ulun-ulun rih ka tahput ka'a konowasa bain popahtoi. Adam anairih gambar tahkanumba Io, ijo ahkan lombut pongohuli.

1 KORINTUS 12:13

Kodorih ka'a ihto paringoh, pios ulun Yahudi, oluka ulun bohkon Yahudi, jihpon-jihpon oluka ulun morodehka; ihto paringoh jari tomopondus bain Roh ijo sama orih, mangat ihto monjadi ihco ang behtin Kristus rih. Ihto paring ka'a komo Roh ijo ihco rih kotuwioh.

1 KORINTUS 4:6

Konduang-konduang! Ahkan gunan'kam, ahku jari kehpan paringoh rih ahkan Apolos tutang ahkan arop'ku bongok. Konohuangoh mangat tahkan sutu ihkai rih, ihkam dahpot bajar inon rimai auhtuh, ‘‘Nambitrih aang aturan ijo anai.’’ Honong kodorih eam ihcobehti ka tahkan ihkam dahpot tara-tara umba ihcobehti, turus mohina ijo bohkon.

2 KORINTUS 1:12

Ihkai tamam, tului ahtoi bua ihkai, moyakin ihkai, ijo pombolum ihkai ang kolunon tuh – pahtukoh kohihco ihkai umba Konduang, ius ihkai nihtoioh hawui ihlas, tutang borasih. Ihkai nguan orih rih eam tului kohorahtin ulun, tahpi tului koulih ijo tononga Pohotala.

2 KORINTUS 7:1

Konduang-konduang ijo tonokasih! Paring bowot rih tonitu ahkan ihto. Bain kotului orih kohondakoh ihto porasih arop tahkan kokaron ijo ngojilok homboruan behtin ihto. Kohondakoh ihto mihkoh umba Pohotala, mangat ihto tou bolum khusus ahkai-Oh hawui soporuna.

GALATIA 3:27

Ihkam paringoh jari tonopondus ngosan aran Kristus, jadi ihkam jari norima aang arop'kam sipat-sipat Kristus bongoi.

EPESUS 5:26

Kristus nguanohrih, mangat Io duon moporasih ukup rih, umba ajar-Oh tutang nguha danum popondus, mangat pongohuli Io dahpot monyarah-Oh ahkan Pohotala.

KOLOSE 2:12

Kotului ang ohkot ihkam ponopondus, ihkam tonanom homboh Kristus; tutang hawui popondus orih ka'a, ihkam umba tonombolum hoduli hombo-homboh Kristus, kotului ihkam porocaya ahkan kowasan Pohotala ijo jari ngombolum Kristus tahkan popahtoi.

1 TIMOTEUS 1:5

Titun tingak'ku tuh, anairih mangat ulun dahpot ngina ahtoi ijo hinut tutang ahtoi bua ijo tu'u borasih, hawui tu'u-tu'u porocaya umba Tuhan, tutang honong kodorih iro dahpot hosita sama aropoh.

1 TIMOTEUS 6:12

Hokolahi tu'u-tu'u ahkan bolum kolou ulun Kristen, mangat ihko nyomba'an hodiah pombolum sojahti tutang kototahiu. Kotului ahkan orihrih Pohotala na'ah ihko, ang kotihka ihko ngahku ang toharep aro ulun, ijo ihko porocaya umba Kristus.

IBRANI 10:22

Bain orih, olairih ihto ngondoni Pohotala umba ahtoi ijo tulus tutang koporocaya ijo segah; umba ahtoi ijo jari borasih tahkan pokomo ijo sala, tutang umba behti ijo jari ponorasih umba danum ijo kotining.

IBRANI 11:19

Abraham yahkin ijo Pohotala sanggup mbolum huli Isaak tahkan popahtoi – jadi tou tonohawot Abraham jari norima huli Isaak tahkan popahtoi.

IBRANI 13:18

Toturus iou bodo'a ahkan ihkai. Ihkai yakin ahtoi bua ihkai brasih, kotului aang karo hal ihkai turus kani nguan inon ijo morong.

IBRANI 9:14

Orih, amat daha tutang awu rih, duon ngomuhi kopalin ulun-ulun rih, mahihino dahan Kristus! Nguha Roh ijo abadi, Kristus monyorah arop-Oh bongoi ahkan Pohotala, kolou porahpah ijo soporuna. Daha-Oh muhi ahtoi-bua ihto tahkan upacara agama ijo eam boguna, mangat ihto dahpot mohalu Pohotala ijo bolum.

IBRANI 9:24

Kotului Kristus eam nyolong nokuh Ruang Borasih tapan kolunon, ijo baya jadi gambar Ruang Borasih ijo kotu'uioh. Kristus nyolong nokuh soruga bongoi; ang anan Io huntuh noharep Pohotala ahkan kogunan ihto.

1 PETRUS 1:3

Olailah ihto norimakasih umba Pohotala, Amai, Tuhan ihto Yesus Kristus! Io paham mongasih ihto, orih kotuluioh Io nonga ahkan ihto pombolum ijo bohua, hawui mombolum hoduli Yesus Kristus tahkan popahtoi. Tuh mononga'kan ihto harapan ijo segah.

1 PETRUS 3:16

Tahpi nguanohrih honong bolomu luwah tutang horomat. Tutang hondakrih ahtoi bua'mu borasih, mangat amat ihkam tonopitnah, kotului ihkam bolum hawui hinut kolou murid Kristus, mahka ulun ijo mopitnah rih ahkan monjadi mia bongoi.