1 PETRUS 3:20 - BOWOT BOHUA

²⁰ yorih roh, ulun-ulun ijo eam te'et umba Pohotala ang jaman Noah. Ang ohkot orih, Pohotala ngindoi honong sabar, kotahin Noah nguan bonamaoh. Tihkas ulun-ulun ijo ang bonama iou – paringoh jalu behti – ijo tonyolamat nguha danumsuhu hajo rih.

1 PETRUS 3:20 ပူးပေါင်းရင်းမြစ်များ

MATEUS 7:14

Tahpi sihki tutang bohali bauntukang tutang jalan ijo ngomin ulun nitu pombolum. Tutang baya honjiot rih ulun ijo nyombang orih.”

LUKAS 12:32

‘‘Ihkam ijo tihkas koik jamalahoh ara mihkoh! Tului Amai'kam sanang nonga ahkan'kam borehkat tahkan Pomoretah-Oh.

KESAH RASUL-RASUL 2:41

Aro ulun ijo porocaya ahkan ijo tonuhtui bain Petrus turus iro ponopondus. Mahka jumbalah ulun ijo porocaya ang ondou orih botambah hino umba tolu kujan behti.

RUMA 9:22

Kodorih ka'a umba inon ijo tonapa bain Pohotala. Io boniat ahkan timbun kosangit-Oh tutang mopotohto kowasa-Oh. Tahpi Io sabar toharep iro ijo harus tonohukum, tului nguan Io bosingi.

EPESUS 5:26

Kristus nguanohrih, mangat Io duon moporasih ukup rih, umba ajar-Oh tutang nguha danum popondus, mangat pongohuli Io dahpot monyarah-Oh ahkan Pohotala.

IBRANI 11:7

Kotului porocaya, mahka Noah tonyorihta bain Pohotala tohou hal-hal ijo ahkan nyolung pongohino, ijo eam dahpot tonohto baiuoh. Noah mone'et Pohotala, nyiring io napa ihco bonama ijo pongohino korinah monyolamat aropoh homboh ukupjolahaioh. Honong kolourih kolunon tonohukum, rahat rih Noah bongoi kotului porocayaoh, tongorinah bain Pohotala kolou ulun ijo kopios.

1 PETRUS 1:22

Tului ihkam te'et umba ajaran tahkan Pohotala, mahka ihkam moporasih arop, tutang ihkam ngasi ulun-ulun porocaya socara ihlas. Kobain rih, kopiosrih ihkam sita ihco umba ijobohkon, umba sotuwi ahtoi.

1 PETRUS 1:9

Tului titun koporocaya'kam johcok, yorih, kosolamatan homboruan'mu.

1 PETRUS 2:25

Lomoi ihkam kolou tobiri ijo lahcat, tahpi huntuh ihkam jari tongomin hoduli ahkan nutut Sokahtik tutang Pongindoi homboruan'mu.

1 PETRUS 3:19

Aang koada'an rohani Io tulak monyiar borihta tahkan Pohotala ahkan roh-roh ijo tonosipir:

1 PETRUS 4:19

Bain orih, amat anai ulun-ulun ijo ngarot tului Pohotala ngohondak kolourih, hondakrih ulun-ulun rih bolum hawui morong tutang moporocaya arop umba Pona'oi iro. Io ahkan turus molalus bowot-Oh.

2 PETRUS 2:5

Kolourih hino umba kolunon jaman ijo lomoi. Pohotala eam mohonau liwus tahkan hukum. Pohotala ngirim danumsuhu hajo nokuh kolunon, ulun-ulun ijo ja'at ang ohkot rih. Tihkas Noah homboh umba pihtu behti bohkonoh iou, ijo tonyolamatoh, Tului Noah monyiar kabar tohou pombolum ijo ngojorih ahtoi Pohotala.

2 PETRUS 3:15

Ngohurih kosabar Tuhan ihto kolou kosapet ijo tononga-Oh ahkan'kam, mangat dahpot solamat. Paulus, konduang ihto ijo tonokasih, jari nyurat ijo kolourih ka'a ahkan'kam. Io nyurat rih umba kopihtaran ijo tononga Pohotala ahkaioh.