1 PETRUS 3:11 - BOWOT BOHUA

¹¹ Io harus ngomahcuoh ijo ja'at tutang nguanohrih ijo pios; hondakrih io kolahi tu'u-tu'u ahkan mondahpot kobuah.

1 PETRUS 3:11 ပူးပေါင်းရင်းမြစ်များ

MATEUS 5:45

mangat ihkam monjadi anak-anak Amai'kam ijo ang soruga. Kotului Pohotala poloang mahtanondou-Oh, bagi ulun ijo nguan ijo pios, tutang bagi ulun ijo nguan koja'at ka'a. Io noposuluh uhjan bagi ulun ijo nguan komorong, tutang bagi ulun ijo nguan koja'at ka'a.

MATEUS 5:9

Kosanangsolamat ahkan ulun ijo ngomin kobuah ang louk kolunon; Pohotala ngahku iro kolou anak-Oh!

MATEUS 6:13

Ararih mohonou ihkai nihou porocaya aang ohkot ihkai tonihkos tahpi nguwat ihkai tahkan kowasa ang ja'at. [Ihkorih Lahca ijo bokowasa tutang tonohoromat nyiring turus-jahamoh. Amen.]’

MARKUS 14:7

Ulun porosbolum toturus anai ang marak ihkam. Nyinong kotihka amat ihkam kani, ihkam duon dohop iro. Tahpi Ahku eam hototurus hihco umba ihkam.

LUKAS 1:79

kolourihrih Io nongaoh koloang-Oh ahkan paring ulun ijo bolum ang luwang kopindong tutang kihkoh. Io niting ihto aang jalan ijo nitu kobuah.’’

LUKAS 6:35

Koharusoh eam kolourih! Ihkam sobalikoh harus ngasih musuh'kam, tutang nguan aang hinut ahkan iro. Ihkam harus nonga pohonjaman, tutang ara harapoh tou buli. Amat kolourih uhpah'kam ahkan hajo, tutang ihkam ahkan monjadi anak-anak Pohotala Ijo Maha Isung. Tului Pohotala hinut ahtoi nohimo ulun ijo eam ta'an torimakasih, tutang tohimo ulun ijo ja'at ka'a.

LUKAS 6:9

Pongohino Yesus ngisok umba ulun-ulun ijo anai ang anan, ‘‘Numbun agaman ihto, tou nguan inon ang ondou Sabat? Nguan ijo hinut ata'ai nguan ijo ja'at? Monyolamat ulun ata'ai moncolahka ulun?’’

YOHANES 17:15

Ahku eam nyawot, mangat Amai ngomin iro tahkan kolunon tuh, tahpi Ahku nyawot mangat Amai mohaga iro tahkan ijo Ja'at.

RUMA 12:18

Tahkan sila ihko, ngurah jalan sodahpot-dahpotoh ahkan bolum hokobuah umba paring ulun.

RUMA 14:17

Tului amat Pohotala momoretah pombolum ihcobehti, inon ijo io tou kumai ata'ai ngorihoh, eam hino boguna. Ijo boguna io rih ijo ulun rih numbun konohuang Pohotala, nanyam koteneng ahtoi tutang norima kojorih ijo tonongarih bain Roh Pohotala.

RUMA 14:19

Tului orih titun ihto harusrih toturus ahkan hal-hal ijo ngonjorian kobuah tutang saling nguanang.

RUMA 5:1

Huntuh ihto ius hokohinut hoduli umba Pohotala, tului ihto porocaya. Tutang bain tului orih ihto bolum a'ang hokubuah umba Pohotala, nguha Tuhan ihto Yesus Kristus.

RUMA 7:19

Ahku eam nguan ijo pios, ijo ahku jolik nguaioh, tombalikoh ahku nguan hal-hal ijo ja'at, ijo ahku eam kani nguaioh.

RUMA 7:21

Jadi ahku ngomin kobulatoh, ijo hukum tuhrih ijo nambit paranan; yorih ijo amat ahku jolik nguan ijo pios, mahka tihkas ijo ja'at bewe ijo lombut aang ahku.

RUMA 8:6

Amat tiruk'kam konowasa bain tobiat kolunon, mahka kojoriaioh popahtoi. Tahpi amat tiruk'mu konowasa bain Roh Pohotala, mahka kojoriaioh io rih bolum tutang damai umba Pohotala.

GALATIA 5:22

Sobalikoh, amat ulun-ulun toniting bain Roh Pohotala, buaoh iorih: Iro saling hokasih, iro jorih, iro ngina koteneng ahtoi, iro sabar tutang hobudi, iro pios toharep ulun bohkon, iro te'et.

GALATIA 6:10

Jadi, kotahin anai kosapet bagi ihto, hondakrih ihto nguan ang pios ahkan paring ulun, mombahtang sino ahkan konduang-konduang ihto ijo hihco koporocaya.

KOLOSE 3:15

Hondakrih koputusan-koputusan'kam konahtuh bain kobuah ijo tononga bain Kristus, ang luwang ahtoi'kam. Tului Pohotala na'ah ihkam ahkan monjadi ramun ihco bereng mangat ihkam bolum a'ang kobuah tahkan Kristus orih. Hondakrih ihkam botorimakasih.

1 TIMOTEUS 6:18

Nyawotrih ahkan iro, mangat nunjuk kopios, ahkan aro nguan hal-hal ijo pios, murah ahtoi, tutang rajin mononga.

IBRANI 12:14

Bousaharih, ahkan bolum ruhkun umba paring ulun. Bousaharih ka'a bolum borasih, khusus ahkan Tuhan. Tului eam ihcobehti ka dahpot nohto Tuhan, amat io eam bolum kolourih.

IBRANI 13:16

Ara nolingou, nguan ang pios, tutang saling hodohop, tului jituh porahpah-porahpah, ijo ngojorih ahtoi Pohotala.

YAKOBUS 4:17

Tului orih, ulun ijo ta'an inon ijo hinut ijo harus io tononguaioh, tahpi eam tononguaioh, ulun rih bodusa.

1 PETRUS 3:12

Kotului Tuhan toturus nohtoani ulun-ulun ijo numbun konohuang-Oh, tutang Tuhan toturus ngonih do'a-do'a iro; tahpi Tuhan molawan ulun-ulun ijo nguan koja'at.’’

3 YOHANES 1:11

Konduang ijo tonokasih ara nyutu inon ijo ja'at. Nyutu iou inon ijo hinut. Ulun ijo nguan kopios anairih ain Pohotala. Tutang ulun ijo nguan koja'at jaha ngosono Pohotala.