1 PETRUS 2:9 - BOWOT BOHUA

⁹ Tahpi ihkam anai uhtus ijo tonopili, imam-imam ijo mohalu lahca, uhtus ijo borasih, khusus ahkan Pohotala, ukup Pohotala bongoi. Pohotala mitih ihkam, tutang na'ah ihkam soluka tahkan luwang kopindong, ahkan nyolong nokuh luwang koloang-Oh ijo gomilang honong konohuang, mangat ihkam monyiar kabar tohou karon-gawiu-Oh ijo luar biasa.

1 PETRUS 2:9 ပူးပေါင်းရင်းမြစ်များ

MATEUS 4:16

Uhtus ijo bolum ang luwang kopindong jari nohto koboloang ijo ngorolondang! Bagi ijo mohcon a'ang lowun kopindong popahtoi jari lombut koloang ngorolondang!”

MATEUS 5:16

Kodorih ka'a koloang'kam, harus nyingah ang toharep ulun, mangat iro nohto gawin-gawin'kam ijo pios, turus monara Amai'kam ang soruga.”

LUKAS 1:79

kolourihrih Io nongaoh koloang-Oh ahkan paring ulun ijo bolum ang luwang kopindong tutang kihkoh. Io niting ihto aang jalan ijo nitu kobuah.’’

YOHANES 17:19

Bagi gunan iro, Ahku nyorahoh arop kolou ain 'cokobilah Amai, mangat iro ka monjadi 'cokobilah ain Amai nguha kotu'u.

KESAH RASUL-RASUL 20:28

Hondakrih ihkam monjaga arop tutang monjaga ka'a sohopus ukup ijo jari tonosarah Roh Pohotala ahkan'kam ahkan tonojaga. Tului ihkam jari konahtang monjadi ponuneng ukup rih. Pios ihkam jorih monjaga ukup Pohotala rih kolou sokahtik monjaga tobiri-tobirioh. Tului Pohotala jari ngonjorian ukup rih aiu-Oh bongoi, nguha popahtoi Anak-Oh bongoi.

KESAH RASUL-RASUL 26:18

ahkan polenangoh mahtan'ndo, mangat iro soluka tahkan kopindong, tutang nyolong nokuh luwang koloang, mangat iro liwus tahkan kowasan Sehtan, turus konowasa bain Roh Pohotala. Mahka tului porocaya umba-Ku, dusa-dusan iro ahkan tongapun tutang iro ahkan monjadi ukup-ukup Pohotala ijo mihtih.’ ’’

KESAH RASUL-RASUL 26:28

Turus Agripa nuhtui umba Paulus, ‘‘Ihko madu gapang ahku jadi ulun Kristen, aang ohkot ijo iwak tuh?’’

RUMA 9:24

Ihto ijo jari tona'ah-Oh, eam baya tahkan uhtus Yahudi, tahpi ka'a tahkan uhtus ulun bohkon.

1 KORINTUS 3:17

Amat anai ulun ijo morusak Lohpou Pohotala, Pohotala ka ahkan morusak ulun rih. Kotului Lohpou Pohotala anai khusus ain Pohotala iou, tutang ihkam Lohpou rih.

EPESUS 1:14

Roh orihrih njaminoh ijo ihto ahkan norima inon ijo jari tonobowot Pohotala ahkan ukup-Oh. Tuh nonga koyakinan ahkan ihto ijo Pohotala ahkan momorodehka ukup-Oh. Tonotararih Pohotala kotului kohajoi-Oh!

EPESUS 1:6

Tonotararih ahkan Pohotala ijo Hajo, kotului nguha Anak-Oh ijo tongasih Io paham ngasih ihto.

EPESUS 3:21

Hondakoh Pohotala tonohoromat turun tomurun ang luwang ukup, nguha Kristus Yesus. Tararih ahkan Pohotala turus-jahamoh. Amen.

PILIPI 3:14

Orih kobaiuoh ahku nokoru toturus nitu titui laiu, ahkan duon komanang, yorih pombolum ijo ang soruga; ahkan orihrih Pohotala na'ah ihto nguha Kristus Yesus.

KOLOSE 1:13

Io jari momorodehka ihto tahkan kowasan kopindong, tutang ngahtun ihto nokuh luwang kolahca'an Anak-Oh ijo tonokasih-Oh.

2 TIMOTEUS 1:9

Pohotala monyolamat ihto, tutang na'ah ihto, mangat monjadi ukup-Oh bongoi. Io nguan rih eam hogalang inon ijo ihto jari nguai, molekan hogalang rancana-Oh bongoi, tutang pononganasi-Oh. Io nonga ihto pononganasi-Oh nguha Kristus Yesus sounmba kolunon tuh tona'oi.

TITUS 2:14

Io jari moporahpah arop-Oh bagi ihto, ahkan momorodehka ihto tahkan kokaro koja'at, tutang ngonjorian ihto ihco ukup ijo morodehka tahkan dusa, tutang ijo monjadi Aiu-Oh iou, hawui ijo rajin nguan ang hinut.

1 PETRUS 2:5

Ihkam kolou bahtu-bahtu ijo bolum. Kobain orih hondakrih, ihkam kani tonohapa bagi pangun Lohpou Pohotala ijo rohani. Honong kolourih ihkam monjadi imam-imam, ijo bolum khusus bagi Pohotala, tutang ijo nguha Yesus Kristus, moposorah ahkan Pohotala, porahpah rohani ijo kokilak ang ahtoi Pohotala.

1 PETRUS 4:11

Ulun ijo monyiar borihta, harusrih monyiar borihta tahkan Pohotala, ulun ijo mohalu ulun bohkon, harusrih mohalu umba koba'as ijo tahkan Pohotala, mangat a'ang kokaro hal, Pohotala dahpot ponohajo nguha Yesus Kristus. Iorih ijo bokowasa tutang harus ponohajo ahkan turus-jahamoh. Amen.

PONGORINAH 1:6

tutang ngonjorian ihto ihco uhtus khusus, imam-imam ijo mohalu Pohotala, Amai-Oh. Yesus Kristus orihrih, ijo hajo tutang bokowasa ahkan turus-jahamoh. Amen.

PONGORINAH 20:6

Kosanangrih ahkan ulun-ulun ijo umba tonombolum hoduli ang tahap pahtuk rih. Iro puna monjadi ukup Pohotala. Popahtoi tahap koduo eam bokowasa ngosan iro. Iro ahkan monjadi imam-imam ain Pohotala tutang imam-imam ain Kristus; tutang iro ahkan moretah homboh Io sokujan toun kotahiuoh.

PONGORINAH 5:10

Ihko jari ngonjodian iro ihco uhtus khusus imam-imam, mangat iro mohalu Pohotalan ihto tutang moretah ang ngosan tana.’’