1 PETRUS 2:8 - BOWOT BOHUA

⁸ Tutang ‘‘Iorih bahtu ijo nguan ulun totuhking, bahtu ijo nguan iro tosahap.’’ Iro totuhking bain iro eam Porocaya ahkan ponuhtui Pohotala. Kolourih ius tonahtap bain Pohotala tohou iro.

1 PETRUS 2:8 ပူးပေါင်းရင်းမြစ်များ

LUKAS 2:34

Simeon mborehkat iro tutang nuhtui ahkan Maria, inai Anak rih, ‘‘Anak tuh jari tomitih bain Pohotala, ahkan morusak tutang ahkan monyolamat aro ulun Israel. Io ahkan monjadi tanda ahkan Pohotala, ijo ahkan tonolawan bain aro ulun,

RUMA 9:22

Kodorih ka'a umba inon ijo tonapa bain Pohotala. Io boniat ahkan timbun kosangit-Oh tutang mopotohto kowasa-Oh. Tahpi Io sabar toharep iro ijo harus tonohukum, tului nguan Io bosingi.

1 KORINTUS 1:23

Tahpi ihto tuh tihkas mborihta Kristus ijo mahtoi ang sopolahki. Borihta rih nyinggung pokomon ulun Yahudi, tutang tongohu tuhtui uong bain ulun-ulun bohkon Yahudi. Tutang ulun bohkon Yahudi ngohu orih ihco kouong.

GALATIA 5:11

Tohou ahku, Konduang-konduang, ombai ahku toturus iou tongohiri, amat ahku magun mborihta ijo hukum sunat rih perulu? Amat ahku puna mborihta kolouorih, mahka pomborihtak'ku tohou sopolahki Kristus eam polombut persoalan.

1 TESALONIKA 5:9

Pohotala mitih ihto eam ahkan tonohukum, tahpi ahkan tonyolamat, nguha Tuhan ihto Yesus Kristus.

1 PETRUS 2:6

Tului ang luwang Surat Borasih tonyurat koloutuh, ‘‘Ahku ius ngopili ihcokobawak bahtu borega, ijo Ahku nginaoh ang Sion monjadi bahtu mombahtang; tutang ulun ijo Porocaya ahkai-Oh eam ahkan tongocewaoh.’’

1 PETRUS 2:7

Bahtu rih paham borega ahkan ihkam ijo porocaya. Tahpi bagi ulun-ulun ijo eam porocaya, nyolung ayat-ayat Surat Borasih pongo tuh. ‘‘Bahtu ijo eam hapan bain tuhkang-tuhkang pomangun rih bokorinah monjadi bahtu ijo mombahtang.’’

2 PETRUS 2:3

Tului iro bokuhu, mahka guru-guru polasu rih ahkan monyorihta ahkan'kam sorihta-sorihta ijo tonongarang bongoi ahkan ngomin utung tahkan ihkam. Tahpi bosara ahkan monopahas hukuman ahkan ngosan iro jari tahi tonyodia, tutang korusak jari tonahtap ahkan iro, rahat ngindoi iro.

YUDAS 1:4

Kotului earo ihto ngota'anoh anai nyombihti-nyombihti ulun ijo botatu, ijo nosolat nyolong nokuh louk ihto. Iro ulun-ulun bejad ijo mutarmokilaoh borihta, tohou pononganasi Pohotalan ihto, ahkan dahpot kosapet momedaoh kojolik bolai iro. Tutang iro nulak Yesus Kristus, ijo ihco-ihcooh Pongowasa tutang Tuhan ihto. Tahkan lomoi hukuman ahkan iro jari tonujum luwang Surat Borasih.