1 PETRUS 2:7 - BOWOT BOHUA

⁷ Bahtu rih paham borega ahkan ihkam ijo porocaya. Tahpi bagi ulun-ulun ijo eam porocaya, nyolung ayat-ayat Surat Borasih pongo tuh. ‘‘Bahtu ijo eam hapan bain tuhkang-tuhkang pomangun rih bokorinah monjadi bahtu ijo mombahtang.’’

1 PETRUS 2:7 ပူးပေါင်းရင်းမြစ်များ

MATEUS 21:42

Mahka Yesus nuhtui umba iro, “Jaha ihkam pu'u mombasa ijo tonyurat a'ang Surat Borasih? ‘Bahtu ijo eam hapan bain tuhkang pangun jari monjadi bahtu ijo mombahtang. Tuhrih ang konuan Tuhan; ijo dalou kohinutoh!’ ”

LUKAS 2:32

kolouoh koloang, ijo mopoloang jalan, bagi uhtus-uhtus ijo bokon, ahkan lombut nokuh-Mu; iorih koloang ijo polombut horomat ahkan ukup-Mu Israel.’’

LUKAS 2:34

Simeon mborehkat iro tutang nuhtui ahkan Maria, inai Anak rih, ‘‘Anak tuh jari tomitih bain Pohotala, ahkan morusak tutang ahkan monyolamat aro ulun Israel. Io ahkan monjadi tanda ahkan Pohotala, ijo ahkan tonolawan bain aro ulun,

LUKAS 20:17

Yesus nopahjah iro turus nuhtui, ‘‘Amat kolourih, inon rimai ayat Surat Borasih tuh? ‘Bahtu ijo eam gunai bain tuhkang mangun, jari monjadi bahtu ijo pahtukoh.’

YOHANES 4:42

Iro nuhtui umba ulunbawi rih, ‘‘Ihkai porocaya uhuntuh, eam kotului inon ijo ihko nuhtuioh ahkan'kai, tahpi kotului ihkai bongon jari ngonih Io, tutang kota'an ijo Io puna Ponyolamat kolunon.’’

KESAH RASUL-RASUL 26:19

‘‘Tului orih, Baginda Agripa, ahku turus tehtep te'et umba ponopahjah ijo ius ahku norima tahkan Pohotala rih.

RUMA 10:21

Tahpi nitu uhtus Israel Yesaya nuhtui, ‘‘Koloutuhrih auh Pohotala, ‘Nyinong ondou Ahku nyuhcu longok-Ku ahkan ihco uhtus ijo mahang kuhungoh tutang eam sotia.’ ’’

RUMA 15:31

Bodo'arih iou, ahkan Pohotala moliwusoh ahku tahkan longon ulun-ulun ijo eam porocaya ang Yudea, tutang mangat gawik'ku ahkan ngitot pononga nokuh Yerusalem, tonorima honong sanang ahtoi bain ukup Pohotala ang anan.

KOLOSE 2:10

Tutang tului bolum hihco umba Kristus ihkam ka tononga pombolum sotuwioh. Kotului Kristus anai kopala ngosan nyinong roh, ijo bokowasa tutang ijo moretah.

TITUS 3:3

Kotului soun ihto bongon ka'a uong, lahcat tutang eam te'et. Ihto tohojihpon bain mahca-mahcam bolaiusi tutang kojolik; ihto bolum umba niat-niat ja'at, tutang hiri ahtoi, hawui saling hokosingi.

IBRANI 11:31

Kotului porocaya ka'a, mahka Rahab, bawin sundal rih eam kona punu, homboh umba ulun-ulun ijo molawan Pohotala; kotului io norima hawui bojenta, umba pongolahti-pongolahti Israel.

IBRANI 4:11

Kotului orih, olairih ihto bousaha tu'u-tu'u ahkan norima nondobo'o ijo nobowot Pohotala rih. Ara nyiring ihcobehti ka tahkan ihto gagal kolou iro lomoi, kotului eam porocaya ahkan Pohotala.

1 PETRUS 1:8

Ihkam ngasih Io, oluka soun ihkam eam nohto Io. Tutang ihkam porocaya umba Io, oluka houn ihkam eam nohto-Oh. Orih kotuluioh ihkam jorih, tutang nginyam kojorih ijo hajo tutang eam duon tonyorihta.

1 PETRUS 2:4

Kotului orih, lombutrih nokuh Tuhan. Io kolouoh bahtu ijo bolum, bahtu ijo todian bain kolunon, kotului tongohu eam boguna; tahpi ijo tonopili bain Pohotala, kolou bahtu ijo borega.

1 PETRUS 2:8

Tutang ‘‘Iorih bahtu ijo nguan ulun totuhking, bahtu ijo nguan iro tosahap.’’ Iro totuhking bain iro eam Porocaya ahkan ponuhtui Pohotala. Kolourih ius tonahtap bain Pohotala tohou iro.