1 PETRUS 2:6 - BOWOT BOHUA

⁶ Tului ang luwang Surat Borasih tonyurat koloutuh, ‘‘Ahku ius ngopili ihcokobawak bahtu borega, ijo Ahku nginaoh ang Sion monjadi bahtu mombahtang; tutang ulun ijo Porocaya ahkai-Oh eam ahkan tongocewaoh.’’

1 PETRUS 2:6 ပူးပေါင်းရင်းမြစ်များ

MATEUS 12:18

“Tuhrih soruhak-Ku ijo Ahku ngopilioh, ulun ijo Ahku ngasih-Oh, tutang ijo kojorih ang ahtoi-Ku. Roh-Ku, ahkan Ahku nonga ahkai-Oh, komorong-Ku ahkan tonosiar baiu-Oh ahkan uhtus-uhtus ulun.

MARKUS 12:10

Ihkam tatuoh pu'u mbasa ayat tuh a'ang Surat Borasih, ‘Bahtu ijo eam tohapa bain tuhkang-tuhkang pomangun jari monjadi bahtu ijo mombahtang.

LUKAS 20:17

Yesus nopahjah iro turus nuhtui, ‘‘Amat kolourih, inon rimai ayat Surat Borasih tuh? ‘Bahtu ijo eam gunai bain tuhkang mangun, jari monjadi bahtu ijo pahtukoh.’

LUKAS 23:35

Ulun-ulun tombok ang anan hawui nopahjah, pondehan okon-okon ulun Yahudi ngonjea Yesus tutang nuhtui, ‘‘Io jari nyolamat ulun bohkon; cubarih huntuh Io nyolamatoh arop-Oh bongoi, amat Io tu'u-tu'u Lahca Ponyolamat ijo tomitih bain Pohotala!’’

YOHANES 7:38

Tohou ulun ijo porocaya umba Ahku, tonyurat a'ang Surat Borasih: ‘Tahkan luwang ahtoioh nyalut danum ijo nonga pombolum.’ ’’ (

KESAH RASUL-RASUL 1:16

‘‘Konduang-konduang! Inon ijo tonyurat ang Surat Borasih, orih uras nyalung. Lomoi hopatau Lahca Dawid Roh Pohotala jari nujum tohou Yudas, okon ulun-ulun ijo nawan Tuhan Yesus rih.

RUMA 10:11

Ang luwang Surat Borasih tonyurat, ‘‘Ulun ijo porocaya eam ahkan tonomia.’’

EPESUS 1:4

Sounumba kolunon tuh tona'oi, Pohotala ius mitih ihto nguha Kristus umba maksud, mangat ihto monjadi ulun-Aiu-Oh ijo khusus, tutang eam cahcat ang toharep-Oh. Tului sitan Pohotala,

EPESUS 2:20

Ihkam ka tonombok ang ngosan galang, ijo tongina bain rasul-rasul tutang nabi-nabi, hawui Kristus Yesus kolou bahtu ijo mombahtang.

2 TIMOTEUS 3:16

Paring ijo tonyurat luwang Surat Borasih ijo tonoilham bain Pohotala, tutang boguna ahkan majar ijo morong, ahkan ningak tutang ngobuah ijo sala, tutang ahkan majar ulun mangat bolum numbun konohuang Pohotala.

1 PETRUS 2:4

Kotului orih, lombutrih nokuh Tuhan. Io kolouoh bahtu ijo bolum, bahtu ijo todian bain kolunon, kotului tongohu eam boguna; tahpi ijo tonopili bain Pohotala, kolou bahtu ijo borega.

1 PETRUS 2:8

Tutang ‘‘Iorih bahtu ijo nguan ulun totuhking, bahtu ijo nguan iro tosahap.’’ Iro totuhking bain iro eam Porocaya ahkan ponuhtui Pohotala. Kolourih ius tonahtap bain Pohotala tohou iro.

2 PETRUS 1:20

Mambahtang samasino, hondakrih ihkam ingat tuh; pohtoh Pohotala ijo tonyapai bain kokaron nabi eam tou tonafsir numbun tiruk bongon.

2 PETRUS 3:16

A'ang paring suratoh, Paulus turus nyurat tohou hal orih. Puna anai pira-pira hal rih ijo bohali tongumang luwang surat-suratoh rih. Tutang bagian orih tomutar-balik bain ulun-ulun ijo eam ngota'an ino-inon, tutang ijo eam segah koporocayaoh. Hal orih earo mohelan, kotului tahkan bagian-bagian bohkon, tahkan Surat Borasih tononguan kolourih ka'a bain iro. Inon ijo iro nguai orih tihkas ngojorian kolonyuh iro bongoi.