1 PETRUS 2:21 - BOWOT BOHUA

²¹ Bagi orihrih Pohotala jari na'ah ihkam. Bain Kristus bongoi jari mongarot ahkan'kam, tutang umba orih Io nonga ahkan'kam ijo sutu, mangat ihkam nutut lohkui-Oh.

1 PETRUS 2:21 ပူးပေါင်းရင်းမြစ်များ

MATEUS 10:38

Tutang ulun ijo eam kani ngohtun sopolahkioh tutang ngahasu Ahku, io eam pahtut monjadi murid-Ku.

MATEUS 11:29

Numbun poretah-Ku tutang bajar tahkan Ahku, tului Ahku tuh bolomu lembai tutang randah ahtoi, mahka ihkam ahkan nginyam komangat.

MATEUS 16:24

Pongohuli Yesus nuhtui umba murid-murid-Oh, “Ulun ijo kani nutut Ahku, harus nolingou kogunan aropoh bongoi, ngohtun sopolahkioh, tutang turus nutut Ahku.

LUKAS 24:26

Eamkah Lahca Ponyolamat harus komo houn karot rih, punai norima kohajoi-Oh?’’

YOHANES 13:15

Ahku nonga sutu tuh ahkan'kam, mangat ihkam ka'a nguan inon ijo jari Ahku nguai ahkan'kam.

YOHANES 16:33

Paringoh rih Ahku nuhtui, mangat ihkam ngondahpot kosanangkomangat tului hihco umba Ahku. Ang kolunon ihkam ahkan mongarot. Tahpi tabahohrih ahtoi'kam! Ahku jadi mongalah kolunon!’’

KESAH RASUL-RASUL 14:22

Aang lowu-lowu rih iro ngoba'as ahtoi murid-murid Yesus tutang mopingat murid-murid rih porocaya ahkan Yesus, ‘‘Ihto harus aro ngarot houn, punan ihto nginyam kosanangoh Ang Kolunon Bohua Pohotala,’’ kodorih rasul-rasul rih majar murid-murid Yesus ang lowu-lowu rih.

KESAH RASUL-RASUL 17:3

Hogalang ayat-ayat Surat Borasih, io monarang tutang pokarah ijo Lahca Ponyolamat ijo tonobowot bain Pohotala puna mongarot nyiring mahtoi, tahpi Io bolum hoduli tahkan popahtoi. ‘‘Yesus ijo ahku mborihtaoh ahkan'kam rih, Io rih Lahca Ponyolamat ijo tonobowot,’’ hion Paulus.

KESAH RASUL-RASUL 9:16

Tutang Ahku bongok ahkan ngorinah ahkaioh, paring sorata, ijo harus io nginyam kotului Ahku.’’

RUMA 8:29

Iro ijo jari konopili bain Pohotala, jari ka'a tonahtap tahkan toparai-Oh ahkan monjadi samakolou umba Anak-Oh, io rih Yesus Kristus. Honong kodorih, Anak rih monjadi ijo pahtuk ang louk aro Konduang-konduang-Oh.

1 KORINTUS 11:1

Nutut sutu ang ahku, kolou ahku ka nutut sutu ang Kristus.

EPESUS 5:2

Pombolum'kam kohondakoh bohomboruan bain kasih, kolou Kristus ka ngasih ihto. Io moporahpah arop-Oh ahkan ihto, kolou ihco pononga ijo buanharum tutang monyanang ahtoi Pohotala.

PILIPI 2:5

Kohondakrih ihkam, bo-homboruan kolou Yesus Kristus.

1 TESALONIKA 3:3

Honong kodorih eam ihcobehti ka, tahkan ihkam ijo undur aropoh tului karot-karot ihto tuh. Ihkam bongon kota'an ijo karot-karot rih nyolong luwang rancana Pohotala ahkan ihto.

1 TESALONIKA 4:2

Tului ihkam jari kota'an, potunjuk-potunjuk ijo jari ihkai nongaoh ahkan'kam, ngosan kowasan Tuhan Yesus.

2 TIMOTEUS 3:12

Puna paring ulun ijo kani bolum sombayang tutang bolum hihco umba Kristus Yesus ahkan tongoporos,

IBRANI 2:10

Puna jari kopahtutoh Pohotala – ijo naoi kokaro angihco ahkan konohuang-Oh bongoi – monapa Yesus ponyolamat ijo soporuna nguha kokarotrih. Honong orih Pohotala dahpot na'ah aro ulun ahkan umba tonohajo homboh Yesus. Tului Io ponguap jalan bagi iro, mangat tou tonyolamat.

1 PETRUS 1:20

Kristus tonopili bain Pohotala hounumba kolunon tona'oi. Tutang aang ondou-ondou donisapai laiu jaman tuh, Io lombut nokuh kolunon mangat ihkam tonyolamat-Oh.

1 PETRUS 2:24

Kristus bongoi ngohtun dusa-dusan ihto aang arop-Oh ngosan kahju sopolahki, mangat ihto morodehka tahkan kowasan dusa, tutang bolum numbun konohuang Pohotala. Himang-himang Kristusrih ijo ngopios ihkam.

1 PETRUS 3:18

Kotului Kristus bongoi mahtoi tihkas sino iou, ahkan turus-jahamoh kotului dusan kolunon – ihcobehti ijo eam bosala, mahtoi ahkan ulun ijo bosala. Kristus nguan ohrih rih, mangat Io dahpot nihting ihkam nokuh Pohotala. Io tomunu socara behtiuoh, tahpi tonombolum hoduli socara rohani.

1 PETRUS 3:9

Ara malos koja'at umba koja'at, ata'ai cahci-mahki umba cahci mahki; sobalikoh malos rih umba nyawot borehkat tahkan Pohotala. Bain Pohotala na'ah ihkam, justru mangat ihkam norima borehkat tahkan umba-Oh.

1 PETRUS 4:1

Tului Kristus jari ngarot socara behtiu, ihkam ka'a harus ngoba'as arop, umba tiruk ijo kolourih. Kotului ulun ijo ngarot socara behtiu, eam hino nguan dusa.

1 PETRUS 4:13

Malah, hondakrih ihkam nanjam sanang, kotului umba ngarot hihco umba Kristus. Mahka noin amat kohajon Kristus tongorinah, ihkam ahkan tongojorih.

1 YOHANES 2:6

Ia-iai nuhtui ijo Io bolum hihco umba Pohotala, Io harus bolum nutut lohkun Kristus.

1 YOHANES 3:16

Umba jalan tuhrih ihto mongota'an cara masi sama arop; Kristus jari monyorah pombolum-Oh bagi ihto. Kobain orih ihto ka'a harus monyorah pombolum ihto bagi konduang-konduang ihto!

PONGORINAH 12:11

Konduang-konduang, ihto jari mongalah io umba dahan Anak Tobiri rih, tutang honong borihta morong tahkan Pohotala ijo iro mborihtaoh. Iro rela monyorah hasongoh nyiring mahtoi.