1 PETRUS 2:20 - BOWOT BOHUA

²⁰ Kotului inonrih istimewaoh, amat ihkam sabar ngarot hukuman, ijo soharusoh ihkam nanggung, kotului bosala? Tahpi amat ihko honong sabar nanggung karot ijo nopahas'kam tului nguan ijo morong, mahka Pohotala ahkan momborehkat'mu.

1 PETRUS 2:20 ပူးပေါင်းရင်းမြစ်များ

MATEUS 26:67

Turus iro ngoluhca boun Yesus, tutang nahup Io. Anai hino ijo napar Io

MATEUS 5:47

Tutang amat ihkam nonga tabe tihkas ahkan injah-jolahan'kam ih, inon kolowiuoh? Ulun-ulun ijo eam ngosono Pohotala ka nguan kodorih!

MARKUS 14:65

Turus pira-pira ulun nopara ngoluhca Yesus tutang iro nuhtup mahtai-Oh tutang nahup Io, turus nuhtui, ‘‘Cuba ngohawot iai ijo nahup Ihko?’’ Pongawal-pongawal ka'a umba napar Yesus.

LUKAS 6:32

Amat ihkam ngasih ulun-ulun ijo ngasih ihkam beweu, inon gunaioh? Ulun bodusa ka'a ngasih ulun ijo ngasih iro!

1 KORINTUS 4:11

Johcok uhuntuh ihkai nginyam kolou, tutang tohjahbolai! Hahtin ihkai tisa ijo ang behtin ihkai iou; ulun nyiksa ihkai; ihkai eam dahpot unuk ijo nehtep;

GALATIA 4:18

Puna pios ahkan bosomangat, a'ang hal-hal ijo pios, asar toturus kodorih tutang a'ai baya amat ahku, anai sama-sama umba ihkam.

EPESUS 5:10

Ngurahjalan ngosono, inon ijo ngojorih ahtoi Tuhan.

PILIPI 4:18

Ahku jari norima paringoh – malah molowi tahkanmba sukup! Paring pononga ijo ihkam ngirim ahkak'ku, jari ahku torima tahkan Epafroditus. Huntuh ahku anai ngina paring ijo ahku poruluoh. Pononga-pononga tahkan ihkam rih, anairih kolou buanharum ijo tonyorah ahkan Pohotala tutang ijo tonorima bain Pohotala honong sanang ahtoi.

1 PETRUS 2:19

Pohotala ahkan mborehkat ihkam, amat ihkam kotului borondong umba konohuang Pohotala, sabar ngarot konuanoh, baingawi ijo eam adil.

1 PETRUS 3:14

Tahpi sinoka ihkam harus ngarot kotului nguan hal-hal ijo hinut, ihkam botuah! Ara mihkoh umba iai ka, tutang ara kowatir.

1 PETRUS 3:17

Labih pios ngarot kotului nguan hinut – amat orih anairih kohondak Pohotala – tahkanumba karot kotului nguan ijo ja'at.