1 PETRUS 2:16 - BOWOT BOHUA

¹⁶ Hondakrih ihkam bolum kolou ulun marodehka, tahpi ara hapa komorodehkaan'mu rih ahkan hapa monyuhuk koja'at, molekan bolumrih kolou jihpon Pohotala.

1 PETRUS 2:16 ပူးပေါင်းရင်းမြစ်များ

MATEUS 23:13

“Colahka ihkam guru-guru agama tutang ulun-ulun Parisi! Ihkam guru pura-pura. Ihkam ngapeng ulun monjadi uhkup ain Pohotala. Ihkam bongom eam kani monjadi anak uhkup ain Pohotala, tutang ulun bohkon ijo kani, ihkam ngapengjalaioh. [

YOHANES 15:22

Jahkaioh Ahku eam lombut tutang eam nuhtui paringoh rih ahkan iro, iro eam bodusa. Tahpi huntuh iro eam aro pahkingoh hino bagi dusan iro.

RUMA 6:18

Ihkam ius tonoliwusoh tahkan dusa, tutang huntuh monjadi jihpon ahkan kohondak Pohotala.

RUMA 6:22

Tahpi huntuh ihkam jari konuwatoh tahkan dusa tutang monjadi jihpon Pohotala. Koutungan'mu iorih ijo Konduang bolum khusus ahkan Pohotala tutang hal orih, momuaoh pombolum sojahti tutang kototahiu.

1 KORINTUS 7:22

Tului ihcobehti jihpon jari porocaya umba Tuhan, anairih monjadi ulun ain Tuhan ijo morodehka. Tutang ihcobehti morodehka ijo jari porocaya umba Tuhan, anairih jihpon Kristus.

GALATIA 5:1

Ihto uhuntuh morodehka! Tului Kristus jari momorodehka ihto! Tului rih potahanohrih komorodehka'kam, tutang ara kani tonojihpon hino.

GALATIA 5:13

Konduang jari tona'ah, ahkan monjadi ulun ijo morodehka. Tahpi ara hapa komorodehka orih ahkan hototurus nguan inon iou ijo ihkam jolik nguai. Sobalikoh ihkam saling mongasih tutang saling mohalu.

EPESUS 6:6

A'ai nguan angkodorih tihkas ang ohkot ihkam tonopahjah, tihkas ahkan dahpot tara tahkan ulun. Tahpi hondakrih ihkam nguaioh, kolou jihpon Kristus ijo rahat numbun kohondak Pohotala honong kotuwi ahtoi.

KOLOSE 3:24

Ingatrih ijo ihkam ahkan norima upah tahkan Tuhan. Inon ijo tonahtap Tuhan ahkan ukup Aiu, orihrih ijo ahkan tononga ahkan'kam. Kotului tepun, ijo kotu'uioh rahat tohalu bain ihkam, anairih Kristus bongoi.

1 TESALONIKA 2:5

Ihkam bongom ta'an, ijo eam pu'u ihkai honyama manih, ata'ai tihpu-tihpu umba ihkam, ahkan monyuhuk konohuang-konohuang ijo bokuhu. Pohotala saksioh!

YAKOBUS 1:25

Hukum Pohotala soporuna, tutang anaingina koba'as ahkan momorodehka kolunon. Tutang ulun ijo monoliti tutang nohtoani pio-pios hawui molalusoh hukum-hukum rih, tutang eamoh ngonih iou turus nolingouoh, ulun rih ahkan ponorehkat Pohotala a'ang nyinong hal ijo tonguaioh.

YAKOBUS 2:12

Bopanderrih tutang molalusohrih kolou ulun ijo ahkan ponosara numbun Hukum Pohotala ijo momorodehka kolunon.

2 PETRUS 2:19

Guru-guru polasu rih, mbowot komorodehka ahkan ulun-ulun rih, rahatoh iro bongoi nohojihpon bain kopahtuh-kopahtuh ijo morusak ulun. Tului amat ulun tonokalah bain angihco, mahka io jihpon tahkan ijo mopokalahoh rih.

YUDAS 1:4

Kotului earo ihto ngota'anoh anai nyombihti-nyombihti ulun ijo botatu, ijo nosolat nyolong nokuh louk ihto. Iro ulun-ulun bejad ijo mutarmokilaoh borihta, tohou pononganasi Pohotalan ihto, ahkan dahpot kosapet momedaoh kojolik bolai iro. Tutang iro nulak Yesus Kristus, ijo ihco-ihcooh Pongowasa tutang Tuhan ihto. Tahkan lomoi hukuman ahkan iro jari tonujum luwang Surat Borasih.