1 PETRUS 2:1 - BOWOT BOHUA

¹ Kotului orih, dianrih tahkan arop'mu kokaro ang ja'at; ara hino hobalik, tutang ara bopura-pura. Ara bohiri ahtoi, tutang ara mohina ulun bohkon.

1 PETRUS 2:1 ပူးပေါင်းရင်းမြစ်များ

MATEUS 15:7

Ihkam ulun pura-pura! Tohorong samasino inon ijo tonujum Yesaya tohou ihkam, yorih,

MATEUS 23:28

Kodorih ka'a ihkam. Tahkan luaroh ihkam, topahjahoh pios ahkan ulun; tahpi ang luwang ahtoi, ihkam tuwi umba alik tutang polanggaran-polanggaran.”

MATEUS 24:51

Mahka pohalu ijo kolourih ahkan tonahup soko'opah, bain tepuioh, tutang ndian io nokuh unuk ulun-ulun pura-pura. Iro ahkan nangih tutang ngarot ang anan.”

MATEUS 7:5

Oi ulun pura-pura! Dian houn tohtokkahju tahkan mahtan'kam bongon, punan ihko nohto honong botarang, tutang dahpot dian poruhukkahju tahkan mahtan konduang'kam.

MARKUS 12:15

Yesus ngota'an kopura-puraan'ndo. Io mutah, ‘‘Inon buhkui ihkam kani nyokohtung Ahku? Cuba pokarah ahkak-Ku ihcokobilap duit perak.’’

LUKAS 11:44

Colahka ihkam! Ihkam sama umba kolowong ijo eam aro nisan, ijo tongihik-ngihik ulun hawoi earo ngota'an.’’

LUKAS 12:1

Bokuhjan-kuhjan ulun-ulun ngorumbung Yesus nyiring anai ijo nihcak-ngihik pa'an injahoh. Pondehan ulun-ulun rih hokorumbung, Yesus nuhtui umba murid-murid-Oh, ‘‘Bua-buah toharep ragin ulun Parisi, maksud-Ku kopura-pura'ndo.

LUKAS 6:42

Koloukuwoh ihkam duon ngohawot ahkan konduang'kam, ‘Olai, konduang, ahku polua poruhukkahju atuh rih tahkan mahtan'kam,’ Rahatanaioh ang luwang mahtan'kam bongom, tohtokkahju ijo eam ihko nohto? O ulun pura-pura! Poluarih soun tohtokkahju ijo anai ang mahtan'kam bongom. Punan rih ihkam duon nohto honong tarang tutang dahpot mopolua poruhukkahju tahkan mahtan konduang'kam.’’

YOHANES 1:47

Yesus nohto Natanael lombut, turus nuhtui tohou io, ‘‘Nohto, orih ulun Israel sojahti. Eam aro pobula aangoh.’’

RUMA 1:29

Ahtoi iro tuwi umba paring ijo ja'at, ijo eam morong; tuwi umba kokuhuahtoi; komaram tutang nanyam bohiri; tuwi umba kojolik ahkan munu, hokolahi, ngobula, tutang dandam. Iro rajin nohou ulun bohkon;

1 KORINTUS 14:20

Konduang-konduang! Ara niruk kolou anak-inyam. A'ang hal koja'at, hondakrih ihkam tehtep kolou anak-inyam. Tahpi a'ang tiruk hondakrih ihkam monjadi ulun ijo oko.

1 KORINTUS 5:8

Jadi, olai ihto moporami pesta ihto rih, umba ruhte ijo boragi, iorih luhte ijo nindung koborasih tutang paringoh ijo kojorih ang ahtoi Pohotala. A'ai ihto moporami pesta Paska orih umba ruhte ijo hewui ragi ijo usang, iorih ragi dusa tutang koja'atoh.

2 KORINTUS 12:20

Ahku kowatir ijo aang ohkot ahku masap ihkam noin, ahku nyombang ihkam eam kolou inon ijo ahku harapoh, tutang ihkam ka ahkan nyombang ahku eam kolou ijo ihkam harapoh. Ara-ara noin anai ijo hokolahi, hiri ahtoi, bolasut ahtoi, gunan ahkai bongoi, pinah-mopitnah, hasut-mohasut, bojuhu tutang monderoh.

EPESUS 4:31

Dianohrih karon anyam koporos ahtoi, dondam tutang kosingi. A'ai hino bokociak-ciak tutang mongajea-jea. Ara hino anai anyam hiri ata'ai anyam bohkon ijo sama mahcam orih.

1 TESALONIKA 2:3

Poimbit kai ahkan'kam eamoh angihco koliru; ka'a eam umba konohuang ijo eam morong ata'ai ahkan monihpu.

1 TIMOTEUS 3:11

Oruh iro ka harus ulun ijo hinut, eam ulun ijo jolik mandernohou desas-desus. Iro harus kota'an nahan aropoh tutang jujur a'ang kokaro hal.

TITUS 2:3

Kodorih ka'a hondakrih ihko ningak ulun bawi-bawi ijo oko, mangat hadat iro hotohorong umba inon ijo pahtut, bagi ulun ijo bolum khusus ahkan Pohotala. Iro eam tou mopitnah ulun bohkon, tutang eam tou kotagihan ngorih ijo mbusouoh. Iro pahtut majar hal-hal ijo pios,

IBRANI 12:1

Nah, tohou ihto bongon, ang kodiling ihto anai aro sino saksi! Tului orih, olai ihto dian paring ijo ngombahat ihto, tutang dusa ijo turus lehket aang ihto. Tutang olai ihto honong bokehtep nyuru kosolanja ijo anai ang toharep ihto.

YAKOBUS 1:21

Tului rih, dianrih nyinong kopahtuh ijo kojilok tutang ja'at. Torimarih umba randah ahtoi auh ijo tonombolam bain Pohotala ang luwang ahtoi'mu, kotului auh rih anaingina koba'as ahkan nyolamat ihkam.

YAKOBUS 3:14

Tahpi amat ihkam ngobohu, poros ahtoi, tutang ngohu arop bongon, a'airih namam kopihtar arop rih, kotului umba orih ihkam mutarbalik borihta ijo morong tahkan Pohotala.

YAKOBUS 4:11

Konduang-konduang, ara saling moncela ata'ai monosalan. Ulun ijo moncela ata'ai nosalan konduangoh ijo sama-sama Kristen, io moncela ata'ai nosalan hukum Pohotala. Tutang amat ihkam nosalan hukum Pohotala, orih rimai ihkam eam numbun hukum-hukum rih, molekan monjadi hakimoh.

YAKOBUS 4:5

Ara ngohu ijo Surat Borasih earo alasan nuhtui, ‘‘Ang luwang arop ihto, Pohotala ngina Roh ijo karas kojolikoh.’’

YAKOBUS 5:9

Ara bokuhtuk tutang saling hotosalan, mangat ihkam eam kona hukum bain Pohotala. Ingat! Hakim ius doni, tohtap ahkan lombut.

1 PETRUS 2:16

Hondakrih ihkam bolum kolou ulun marodehka, tahpi ara hapa komorodehkaan'mu rih ahkan hapa monyuhuk koja'at, molekan bolumrih kolou jihpon Pohotala.

1 PETRUS 2:22

Io eam pu'u nguan dusa, tutang eam pu'u ihcobehti ka'a, ngonih Io ngohawot alik.

1 PETRUS 3:10

Ang luwang Surat Borasih tonyurat koloutuh, ‘‘Ulun ijo kani monginyam pombolum tutang kani monyuru ondou-ondou ijo pios, harus mohaga nyamaioh mangat eam momanderoh hal-hal ijo ja'at tutang eam ngohawotoh hal-hal ijo alik.

1 PETRUS 4:2

Kobain orih, hondakrih ihkam bolum toturusoh ang kolunon tuh, numbun konohuang Pohotala, tutang eam numbun kojolik kolunon.

1 PETRUS 4:4

Huntuh ulun ijo eam kosono Tuhan, helan, ijo ihkam eam umba bolum kolou iro, nginyam dusa eam aro tihkas. Orihrih kotuluioh iro mohina ihkam.

PONGORINAH 14:5

Eam pu'u iro ngobalik; tutang eam anai kosalan honjiot ka aang iro.