1 PETRUS 1:7 - BOWOT BOHUA

⁷ Tituioh iorih, ahkan mbukti inon ihkam tu'u-tu'u porocaya, umba Tuhan ata'ai eam. Bulou ijo duon rusak ka, tonguji umba baho. Nah, porocaya ihkam anairih labih borega tahkan bulou, jadi harus tonguji ka'a mangat monjadi segah. Tutang honong kolourih, ihkam ahkan tonara tutang tonohoromat, hawui tonongahtang ang ondou Yesus Kristus lombut hoduli.

1 PETRUS 1:7 ပူးပေါင်းရင်းမြစ်များ

MATEUS 19:28

Yesus nuhtui umba iro, “Porocayarih: Ang Kolunon Ijo Bohua, Anak Ulun ahkan tuot ang ngosan pododusai-Oh ijo hajo. Ang uhun rih ihkam murid-murid-Ku ahkan tuot ang ngosan duo balas pododusan tutang mosara koduo balas suku uhtus Israel!

MATEUS 25:21

‘Hinut,’ hion tuan rih, ‘ihko tuh pohalu ijo pios tutang sotia tului ihko duon konoharap umba ijo isut, ahku ahkan morocaya ihko ijo aro ahkan'mu. Nyolongrih tutang umbarih jorih-jorih homboh ahku!’

MATEUS 25:23

‘Hinut,’ hion tuan rih, ‘ihko jihpon ijo morong tutang sotia. Tului ihko duon konoharap umba ang isut, ahku morocaya ijo aro ahkan'mu. Nyolongrih tutang umbarih jorih-jorih homboh ahku!’

LUKAS 12:33

Modagangoh ponahtou'mu, tutang nongarih duitoh ahkan ulun porosbolum. Naparih ahkan'kam kambut ijo eam dahpot kupit, iorih ponahtou ijo tongina ang soruga. Ponahtou rih eam tou nihou bain ponahkou eam duon ngomiuoh, tutang somahtoi eam duon morusakoh.

LUKAS 17:30

Kolouorih rih koada'anoh noin aang ondou Anak Ulun tongorinah.

YOHANES 12:26

Ulun ijo kani mohalu Ahku harus ngahasu Ahku; mangat pohalu-Ku duon hihco Ahku, ang umoh Ahku anai. Ulun ijo mohalu Ahku ahkan tonohoromat Amai-Ku.’’

YOHANES 5:44

Koloukuwoh ihkam dahpot porocaya, amat ihkam ngurah tara tahkan sama arop'kam, tutang eam bousaha ngurah tara tahkan Pohotala ijo Ihco?

KESAH RASUL-RASUL 8:20

Tahpi Petrus mutah, ‘‘Colahkarih ihko tutang duit'mu! Ihko ngohuoh ponongan Pohotala duon ponoli umba duit?

RUMA 2:10

Tahpi paring ulun ijo jolik nguan angpios, ahkan tononga kohajoi tutang tonohoromat hawui kosanang bain Pohotala; ijo-pahtukoh ahkan ulun-ulun Yahudi, kodorih ka'a ahkan ulun-ulun uhtus bohkon.

RUMA 2:29

Tobalikoh ihcobehti Yahudi ijo sojahti anairih ulun ijo ahtoioh bohomboruan Yahudi; tutang sunat ijo sojahti, anairih sunat ang ahtoi ijo tonguan bain Roh Pohotala, eam ijo tonyurat ang buhku ih. Ulun somahcam orih monorima taraoh tahkan Pohotala, eam tahkan ulun.

RUMA 2:7

Pohotala nongaoh pombolum sojati tutang kototahiou ahkan iro ijo te'et nguan kopios ahkan dahpotoh ijo hinutbolega, ijo tomohoromat tutang ijo tohtapkototahiu.

RUMA 8:19

Sohopus ijopindalangit ngindoi honong paham rindu umba wayahoh Pohotala ngorinah anak-anak-Oh.

1 KORINTUS 3:13

Gawin nyinong ulun ahkan gitan noin ang uhun Kristus lombut hoduli. Kotului ang ondou orih baho ahkan nguan gawin nyino-nyinong ulun botarang. Baho ahkan nguji tutang nukas mutu tahkan gawi rih.

1 KORINTUS 4:5

Kobain orih, tului jaha ohkotoh, ara ihkam joi-join nuhkas, ijo ihcobehti bosala ata'ai eam. Ngindoi iou nyiring Tuhan lombut noin. Io iou ijo ahkan nguap paring rahasia-rahasia, ijo bosuhuk a'ang kopindong. Iorih ijo ahkan ngahkas paring niat ijo hotuyuk ang luwang ahtoi ulunkolunon. Ang ohkot rih punai nyinong behti norima tahkan Pohotala tara ijo pahtut tonorimaoh.

YAKOBUS 1:12

Kosanangrih ulun ijo tabah, ang ohkot io nyuru tihkos. Kotului uli io bohasir botahan a'ang tihkos rih, io ahkan norima upahoh, io rih pombolum ijo jari nobowot Pohotala ahkan ulun-ulun ijo ngasih Pohotala.

1 PETRUS 1:13

Bain rih, hondakrih ihkam siap sodia. Bojaga iou tutang boharaprih sotuwioh aang borehkat ijo ahkan tononga ahkan'mu aang ohkot Yesus Kristus lombut noin.

1 PETRUS 1:5

Paringoh rih anairih ahkan'mu, tului ihkam porocaya umba Pohotala. Mahka ihkam tonojaga umba kowasan Pohotala, mangat ihkam monorima kosolamatan ijo sodia tongorinah aang lain jaman noin.

1 PETRUS 2:4

Kotului orih, lombutrih nokuh Tuhan. Io kolouoh bahtu ijo bolum, bahtu ijo todian bain kolunon, kotului tongohu eam boguna; tahpi ijo tonopili bain Pohotala, kolou bahtu ijo borega.

1 PETRUS 2:7

Bahtu rih paham borega ahkan ihkam ijo porocaya. Tahpi bagi ulun-ulun ijo eam porocaya, nyolung ayat-ayat Surat Borasih pongo tuh. ‘‘Bahtu ijo eam hapan bain tuhkang-tuhkang pomangun rih bokorinah monjadi bahtu ijo mombahtang.’’

1 PETRUS 4:12

Konduang-konduang ijo ponokasih! Ihkam uhuntuh paham ngarot kotului rahat tonguji. Tahpi ararih komo helan, koloujahka anai aangihco ijo luar biasa nyolung ahkan'mu.

1 PETRUS 4:13

Malah, hondakrih ihkam nanjam sanang, kotului umba ngarot hihco umba Kristus. Mahka noin amat kohajon Kristus tongorinah, ihkam ahkan tongojorih.

1 PETRUS 5:1

Ahku nyawot monohtoani, dolang okon ukup'mu. Ahku nyurat tuh kolou jolahan okon, tutang kolou ulun ijo jari monyaksioh bongoi kongarot Kristus, tutang ijo ahkan umba ka'a konohajooh, amat noin kohajon Kristus tongorinah ahkan ulun. Ahku nyawot hawui paham,

2 PETRUS 1:1

Konduang-konduang ijo tu'u-tu'u porocaya kolou ihkai! Yesus Kristus iorih Pohotala, tutang Lahca Ponyolamat ihto, nguandahpot ihto porocaya umba Io, tului Io monguan ijo morong. Surat tuh tahkan Simon Petrus, ijo behti jihpon tutang rasul Yesus Kristus.

2 PETRUS 1:4

Umba cara orihrih Pohotala monyarah ahkan ihto, borehkat-borehkat ijo paham luar biasa, tutang borega ijo jari tonobowot-Oh. Umba borehkat-borehkat rih ihkam duon tokuwat tahkan kojolik-kojolik ja'at, ijo morusak ang kolunon tuh, tutang ihkam norima sipat Pohotalai.

2 PETRUS 3:14

Kotului orih, Konduang-konduang ijo tonosita, pondehan ihkam ngindoi Ondou rih, bousaha tu'u-tu'u ahkan bolum borasih tutang earo kosalai ang toharep Pohotala. Tutang mohaga kohihco ijo hinut umba Pohotala.

YUDAS 1:24

Pohotala ijo sanggup mojaga, mangat ihkam ara ngonyahtu, tutang ijo sanggup ngomin ihkam nokuh toharep-Oh ijo tohoromat honong kojorih tutang earo kosalai.

PONGORINAH 1:7

Nohto, Io lombut ngolindung bounondou! Paring ulun ahkan nohto Io, taput ka'a iro ijo jari nyadop Io. Karon uhtus ang tana ahkan nahtum tului Io. Yo, musti! Amen!

PONGORINAH 2:10

Ara mihkoh umba karot ijo eam tahi hino ihkam harus nyuruoh. Ingat, Sehtan ahkan moposolong ihcokobagi tahkan ihkam, koluwang sipir ahkan mouji ihkam. Ihkam ahkan mongarot sopulu ondou kotahiuoh. Hondakrih ihkam bokehtep umba Ahku nyiring mahtoi, mahka Ahku ahkan nonga ahkan'mu pombolum sojahti tutang kototahiu kolou hadiah komanang.

PONGORINAH 3:10

Bain kotului ihkam jari numbun poretah-poretah-Ku mangat bokehtep, Ahku ka ahkan ngolindung ihkam tahkan wayah kosusah, ijo ahkan nopahas sohopus kolunon. Hal orih ahkan nyolung unuk nikos paring ulun ang tana.

PONGORINAH 3:18

Tului orih Ahku ningak ihkam mangat moli tahkanumba Ahku bulou, yorih bulou ijo borasih, mangat ihkam monjadi tahtou. Moli ka'a pokahjan puhti ijo tahkan aang Ahku, mangat ihkam hopokajan, tutang nuhtup keada'an'kam, ijo hoburang tutang ngomia. Tutang molirih hino totamba ahkan tomalit ang mahtan'kam, mangat ihkam dahpot nopahjah.