1 PETRUS 1:6 - BOWOT BOHUA

⁶ Kotului orih hondakrih ihkam jorih ahtoi, oluka huntuh bagi pondehan ohkot, ihkam harus monjadi sedih tului ihkam nyuru mahca-mahcam tihkos.

1 PETRUS 1:6 ပူးပေါင်းရင်းမြစ်များ

MATEUS 11:28

Lombut nokuh Ahku ihkam paring ijo bo'o, tutang nanyam bahatoh puat, Ahku ahkan nonga komangat ahkan'kam.

MATEUS 26:37

Turus Yesus ngomin Petrus tutang koduo anak Sebedeus tulak homboh umba Io. Io nopara nanyam ngoli tutang bolisah.

MATEUS 5:12

Nabi-nabi ijo bolum hounumba ihkam ka'a jari tongoporos kodorih. Jorih tutang jerah ihkam, tului hajo upah aang soruga ijo tonyodia Tuhan ahkan ihkam.”

LUKAS 1:47

tutang moruak'ku paham kojorihoh, tului Pohotala Ponyolamat'ku.

LUKAS 10:20

Oluka kolourih, ararih jorih tului roh-roh ja'at te'et umba ihkam. Labih hinut ihkam jorih tului aran'kam tonyurat ang soruga.’’

LUKAS 2:10

Tahpi molehkat rih nuhtui, ‘‘Ara mihkoh! Tului ahku lombut ngitot kabar hinut ahkan'kam – kabar ijo paham moposanang paring ulun.

YOHANES 16:22

Kodorih ka'a umba ihkam: Huntuh ihkam susah ahtoi, tahpi Ahku ahkan hosombang hino umba ihkam, mahka ahtoi'kam ahkan paham kojorihoh; tutang eam ihcobehti ka duon ngomin kojorih rih tahkan ahtoi'kam.

YOHANES 16:33

Paringoh rih Ahku nuhtui, mangat ihkam ngondahpot kosanangkomangat tului hihco umba Ahku. Ang kolunon ihkam ahkan mongarot. Tahpi tabahohrih ahtoi'kam! Ahku jadi mongalah kolunon!’’

KESAH RASUL-RASUL 14:22

Aang lowu-lowu rih iro ngoba'as ahtoi murid-murid Yesus tutang mopingat murid-murid rih porocaya ahkan Yesus, ‘‘Ihto harus aro ngarot houn, punan ihto nginyam kosanangoh Ang Kolunon Bohua Pohotala,’’ kodorih rasul-rasul rih majar murid-murid Yesus ang lowu-lowu rih.

RUMA 12:12

Konohuangoh Konduang porocaya umba Tuhan hawui kojorih, sabar ang luwang kosusah, tutang bokehtep bodo'a.

RUMA 5:11

Tutang molowi tahkanumba rih, ihto hokojorih ka'a ngosan kohinut Pohotala nguha Tuhan ihto Yesus Kristus. Tului nguha Yesus Kristus, ihto huntuh nginyam kohihco ijo morong rih honong Pohotala.

RUMA 5:2

Bain tului ihto porocaya ahkan Yesus, mahka Io nguapjalanahkan ihto mongenang asin Pohotala tutang honong kasih orihrih ihto bolum huntuh. Tului orih ihto jorih-jorih ahtoi, tului ihto anaitepun koharap, ijo ihto ahkan nginyam kosanang ijo tononga Pohotala.

RUMA 9:2

Ahku paham sedih tutang ahtoi'ku paham ngarot,

2 KORINTUS 4:17

Tutang kosusah ijo eam sopiraoh tuh, ijo ihkai nyuruoh tihkas pondehan, ahkan momua bagin ihkai ihco kosanang, ijo luar biasa tutang abadi. Kosanang orih mahcu labih hajo amat tonindung umba kosusahan rih bongoi.

2 KORINTUS 6:10

Oluka ahtoi ihkai tongoporos ahtoi, tahpi ihkai hototurus jorih ka'a. Ihkai topahjahoh porosbolum, tahpi ihkai jari nguan aro ulun monjadi tahtou. Topahjahoh ihkai eam anai ngina ino-inon tahpi kotu'ui ihkai jari ngina paring-aangoh.

GALATIA 5:22

Sobalikoh, amat ulun-ulun toniting bain Roh Pohotala, buaoh iorih: Iro saling hokasih, iro jorih, iro ngina koteneng ahtoi, iro sabar tutang hobudi, iro pios toharep ulun bohkon, iro te'et.

PILIPI 2:26

Io rindu sino umba Konduang paringoh, tutang io, gelisah, kotului ihkam jari dahpot kabar ijo io mondam.

PILIPI 3:3

Podahar ihto ulun-ulun ijo jari norima sunat ijo sojahti, bohkon iro. Ihto nyembah Pohotala hawui toniting Roh Pohotala bongoi, tutang ihto norimakasih kotului ihto bolum hihco umba Kristus Yesus. Ihto eam bokuak umba upacara ijo bosipat 'jogihtan.

PILIPI 4:4

Keleh ihkam toturus jorih, kotului ihkam jari bolum hihco umba Tuhan. Sino hino ahku nuhtui, ‘‘jorihih’’.

1 TESALONIKA 1:6

Ihkam nutut sutun ihkai tutang sutun Tuhan. Oluka ihkam paham ngarot, ihkam noharang hawui jorih borihta ijo ihkai mborihtaoh ahkan'kam. Kojorih orih tononga bain Roh Pohotala.

YAKOBUS 1:2

Konduang-konduang! Amat ihkam nyuru mahca-mahcam ujian, hondakrih ihkam komo borutung.

YAKOBUS 1:9

Ulun Kristen ijo porosbolum, kopiosoh nginyam kojorih, amat Pohotala ngahtangoh.

YAKOBUS 4:9

Hondakrih ihkam tu'u-tu'u monyasal tutang nangih hawoi nahtum; hondakoh kota'on'mu monjadi tangih, tutang kojorih'mu monjadi koporosahtoi!

1 PETRUS 3:17

Labih pios ngarot kotului nguan hinut – amat orih anairih kohondak Pohotala – tahkanumba karot kotului nguan ijo ja'at.

1 PETRUS 4:7

Kokaro aang'co jari doni koopahoh, tului rih hondakrih ihkam ngowasa arop tutang bosodia, mangat ihkam dahpot bodo'a.

1 PETRUS 5:10

Tahpi uli ihkam ngarot pondehan, Pohotala bongoi ahkan nguan ihkam nyolung soporuna. Io ahkan monombok tutang ngomba'asoh ihkam hawui podehen ihkam. Bain Io anairih Pohotala ijo paham pios ahtoi, ijo ius na'ah ihkam umba mokomo kohajoi-Oh ijo abadi nguha Kristus.