1 PETRUS 1:5 - BOWOT BOHUA

⁵ Paringoh rih anairih ahkan'mu, tului ihkam porocaya umba Pohotala. Mahka ihkam tonojaga umba kowasan Pohotala, mangat ihkam monorima kosolamatan ijo sodia tongorinah aang lain jaman noin.

1 PETRUS 1:5 ပူးပေါင်းရင်းမြစ်များ

YOHANES 12:48

Ulun ijo nulak Ahku tutang eam ngonih auh-Ku, jari anairih ijo mosaraoh. Auh ijo Ahku nyiaroh, orihrih ijo ahkan mosaraoh ang Ondou Kiamat.

YOHANES 17:15

Ahku eam nyawot, mangat Amai ngomin iro tahkan kolunon tuh, tahpi Ahku nyawot mangat Amai mohaga iro tahkan ijo Ja'at.

YOHANES 4:14

‘‘tahpi ulun ijo ngorih danum ijo ahkan Ahku nongaoh, io eam ahkan tojahbolai hino nyiring kototahiu. Tului danum ijo ahkan Ahku nongaoh rih ahkan monjadi lowong danum ang luwang aropoh ijo ngombuhak soluka tutang nongarih ahkaioh pombolum ijo sojahti tutang kototahiu.’’

YOHANES 5:24

Tu'u morong auh-auh-Ku tuh: Ulun ijo ngonih auh-auh-Ku, tutang porocaya umba Io ijo nyuhu Ahku, tepun pombolum sojahti tutang kototahiu. Io eam ahkan tonohukum; io jari morodehka tahkan popahtoi tutang dahpot pombolum.

RUMA 11:20

Orih puna morong. Tahpi iro todian tului iro eam porocaya, rahatoh Konduang tonorima tului Konduang porocaya. Jadi ara Konduang monjadi bojuhu kotuluioh, sopunaoh Konduang pahtut komo kihkoh.

RUMA 8:18

Paring kongarot ijo ihto nyuruoh huntuh numbun tiruk'ku eam dahpot, tonihpong samasino umba horomat ijo ahkan tongorinah bagin ihto.

1 KORINTUS 1:21

Kotului koloukuwoh ka kopihtaroh kolunon, io eam dahpot kosono Pohotala nguha kopihtaroh bongoi. Tahpi justru kobain Pohotala pihtar, mahka Io nohuang nyolamat ulun-ulun ijo porocaya umba Io, nguha borihta ijo ihkai nyiaroh ijo tongohu auh alik kobain kolunon.

2 KORINTUS 1:24

Ahku eam hojojuan ihkam, tohou inon ijo ihkam harus porocayaoh, tului ihkam jari paham porocaya umba Kristus. Ahku tihkas bogawi sama umba ihkam mangat ihkam mahi-mahi sanang.

GALATIA 2:20

Uhuntuh bohkon hino ahku ijo bolum, tahpi Kristus ijo bolum luwang behtik'ku. Pombolum tuh ijo ahku ngumangoh huntuh, anairih pombolum bain porocaya umba Anak Pohotala ijo ngasih ahku, tutang ijo jari nyorah arop-Oh, ahkak'ku.

EPESUS 2:8

Pohotala mongasih ihkam, orih kotuluioh Io kani nyolamat ihkam, kotului ihkam porocaya umba Yesus. Kosolamat ihkam rih, eam tahkan bua usaha'kam bongom. Orih anairih ponongan Pohotala. Jadi, eam aro ihcobehti ka ijo dahpot mopojuhu aropoh tohou hal orih.

EPESUS 3:17

Keleh kotului ihkam porocaya umba Kristus, Kristus mohcon ang luwang ahtoi'kam tutang pombolum'kam hogalang tutang konowasa kobain kasih.

PILIPI 1:6

Pohotala bongoi ijo monopara gawi ijo pios rih aang'kam. Tutang ahku yahkin Io ahkan noturus karon gawi orih rih nyiring tondo aang Ondou Kristus Yesus lombut hoduli.

PILIPI 4:7

Mahka kosanang tahkan Pohotala ijo eam haraptou dahpot tohorahti kolunon, ahkan monjaga ahtoi tutang tiruk'kam ijo jari hihco umba Kristus Yesus.

2 TIMOTEUS 3:15

Ihko harus ingat, ijo tahkan koik, ihko jari kosono Surat Borasih. Surat Borasih rih dahpot nonga ahkan'kam horahti ahkan dahpot solamat, nguha porocaya umba Kristus Yesus.

TITUS 2:13

Uhuntuh ihto rahat ngindoi Ondou, ijo ihto paham mohara-harapoh rih; ang Ondou orih rih kolunon ahkan nohto kohajon Yesus Kristus, yorih Pohotala Mahahajo tutang Lahca Ponyolamat ihto.

IBRANI 6:12

Ihkai eam kani, ihkam monjadi nohkas. Tahpi ihkai jolik, mangat ihkam bolum kolou ulun-ulun, ijo norima inon ijo nobowot Pohotala, tului porocaya umba Io, tutang tului ngindoi honong kosabar.

IBRANI 9:28

Kolourih ka'a, Kristus sinotikat nyorah arop monjadi porahpah ahkan mongapit dusan aro ulun. Io ahkan lombut hino aang koduo tikatoh, eam hino ahkan ngobuah soal dusa, tahpi ahkan nyolamat ulun-ulun ijo ngindoi polombut-Oh.

1 PETRUS 1:13

Bain rih, hondakrih ihkam siap sodia. Bojaga iou tutang boharaprih sotuwioh aang borehkat ijo ahkan tononga ahkan'mu aang ohkot Yesus Kristus lombut noin.

1 PETRUS 4:13

Malah, hondakrih ihkam nanjam sanang, kotului umba ngarot hihco umba Kristus. Mahka noin amat kohajon Kristus tongorinah, ihkam ahkan tongojorih.

1 PETRUS 5:1

Ahku nyawot monohtoani, dolang okon ukup'mu. Ahku nyurat tuh kolou jolahan okon, tutang kolou ulun ijo jari monyaksioh bongoi kongarot Kristus, tutang ijo ahkan umba ka'a konohajooh, amat noin kohajon Kristus tongorinah ahkan ulun. Ahku nyawot hawui paham,

2 PETRUS 1:3

Pohotala jari hapan kowasa ko-Pohotalai-Oh, ahkan nunga ahkan ihto karo aang'co ijo porulu ahkan pombolum bosombayang. Io nguan tuh, nguha inon ijo ihto kota'aioh tohou Yesus Kristus, ijo ius na'ah ihto ahkan nginyam kohajoi tutang kopios-Oh.

1 YOHANES 3:2

Konduang-konduang ijo tonyita! Ihto huntuh anairih anak-anak Pohotala, tahpi koada'an ihto noin, jaha korinah. Tahpi ihto ta'an ijo amat Kristus lombut, ihto ahkan nyolung kolou Io, kotului ihto ahkan nohto Io a'ang koada'an-Oh ijo komorongoh.

YUDAS 1:1

Konduang-konduang ijo jari tona'ah, tutang ijo paham tonongasih bain Pohotala, Amai, hawui tonojaga bagi Yesus Kristus. Kolou jihpon Yesus Kristus, ahku – Yudas – konduang tahkan Yakobus,

YUDAS 1:24

Pohotala ijo sanggup mojaga, mangat ihkam ara ngonyahtu, tutang ijo sanggup ngomin ihkam nokuh toharep-Oh ijo tohoromat honong kojorih tutang earo kosalai.