1 PETRUS 1:3 - BOWOT BOHUA

³ Olailah ihto norimakasih umba Pohotala, Amai, Tuhan ihto Yesus Kristus! Io paham mongasih ihto, orih kotuluioh Io nonga ahkan ihto pombolum ijo bohua, hawui mombolum hoduli Yesus Kristus tahkan popahtoi. Tuh mononga'kan ihto harapan ijo segah.

1 PETRUS 1:3 ပူးပေါင်းရင်းမြစ်များ

YOHANES 1:13

ijo tonganakoh bohkon tahkan ulun, tului bolum bohua rih tahkan Pohotala asaroh.

RUMA 12:12

Konohuangoh Konduang porocaya umba Tuhan hawui kojorih, sabar ang luwang kosusah, tutang bokehtep bodo'a.

RUMA 15:13

Pohotala anairih, unuk ihkam porocaya. Keleh Io nyuang ahtoi'kam hapa kokaron kojorih tutang kasanang, tului ihkam porocaya umba Io, mangat umba kowasa Roh Pohotala ihkam mahi-mahi porocaya ahkan Pohotala.

RUMA 4:25

Yesus rih jari tonyorahoh ahkan tomunu tului dusa-dusan ihto; turus Io tonombolum hoduli bain Pohotala mangat nonga-jalan ihto hokohinut hoduli umba Pohotala.

RUMA 5:10

Amat anai wayah ihto homusuh umba Pohotala, ihto tongobuahoh umba Io nguha popahtoi Anak-Oh; mahihino huntuh ulimba kohihcon ihto umba Pohotala pios hoduli, puna ihto ahkan tonyolamat ka'a nguha pombolum Kristus.

RUMA 8:11

Amat Roh Pohotala, ijo mombolum Kristus tahkan popahtoi, bolum ang luwang arop'kam, mahka Io ijo mombolum Kristus tahkan popahtoi rih, ahkan mombolum ka'a behtin'kam ijo dahpot mahtoi rih. Io nguan orih umba Roh-Aiou ijo bolum ang luwang'kam.

RUMA 8:24

Tului umba koporocaya mahka ihto tonyolamatoh. Tahpi amat inon ijo ihto morocaya orih rih, jari ihto nohto-Oh, mahka orih eam hino porocaya. Kotului iaikah magun morocaya aang 'co ijo jari tonohtooh?

1 KORINTUS 13:13

Jadi, ahkan wayah tuh, anai tolu hal ijo ihto harus tehtep nguai: porocaya, bokoharap, tutang saling ngasih. Ijo paling boguna tahkan kotolu-tolu ohrih, iorih, pongasih ulun-ulun bohkon.

1 KORINTUS 15:20

Tahpi korinahoh Kristus ius tonombolum hoduli tahkan popahtoi. Jituh monjamin ijo ulun-ulun ijo jari mahtoi ahkan tonombolum hoduli.

2 KORINTUS 1:3

Tara ahkan Pohotala, Amai tahkan Tuhan ihto Yesus Kristus. Io Amai ijo paham hinut ahtoioh, tutang Io Pohotala ijo nonga koba'as homboruan ahkan ulun.

GALATIA 6:16

Bagi ulun-ulun ijo bolum umba tiruk rih, tutang kodorih ka'a bagi paring ukup ain Pohotala, ahku harap Pohotala ahkan nonga kosanang tutang ponongaasi-Oh.

EPESUS 1:17

Ahku nyawot mangat Pohotala, Tuhan ihto Yesus Kristus, Amai ijo tonohoromat nonga Roh-Oh ahkan'kam. Roh orih ahkan monjadian ihkam pitar, tutang ahkan mongorinah Pohotala ahkan'kam, nyiring ihkam ngosono Io.

EPESUS 1:3

Tara ahkan Pohotala, Amai Tuhan ihto Yesus Kristus! Io mborehkat ihto umba kokaron borehkat rohani ang luwang soruga, tului ihto hihco umba Kristus.

EPESUS 1:7

Tului, bain popahtoi Kristus, ihto tomorodehka bain Pohotala, rimai Io jari ngapun ihto tahkan dusa-dusan ihto.

EPESUS 2:4

Tahpi eaminon kohajoi kolomun ahtoi Pohotala! Io kodorih ngasi ihto,

EPESUS 3:20

Umba kowasan Pohotala ijo giat bogawi ang luwang arop ihto. Pohotala dahpot nguan mahcu labih aro, tahkan inon ijo dahpot ihto nyawot ata'ai nirukoh.

KOLOSE 1:23

Tahpi kopunai ihkam harus tohtap te'et porocaya tutang tombok tehen aang koporocayan'kam. Ara nyiring ihkam molohkak koharap ijo jari tononga ahkan'kam, kotihka ihkam norima Kabar Hinut tahkan Pohotala. Kabar rih jari tomborihta ahkan nyinong ulun ang hopus kolunon. Tutang ahkan orihrih ka'a ahku Paulus jari monjadi pohalu.

KOLOSE 1:27

Ahkan ukup Aiu rih, Pohotala kani ngorinahoh eaminon kopiosoh tutang kohajooh rahasia-Oh rih bagi sohopus ukup kolunon. Rahasia orihrih, iorih: Kristus anai luwang arop'kam, ijorimai ihkam ahkan hawui nginyam kohajon Pohotala.

1 TESALONIKA 4:13

Konduang-konduang ihkai jolik mangat ihkam kota'an ijo kotu'ui tohou ulun-ulun ijo jari mahtoi; mangat ihkam eam sedih ahtoi kolou ulun-ulun bohkon ijo eam anai koharapan.

2 TESALONIKA 2:16

Keleh Tuhan ihto Yesus Kristus bongoi, tutang Pohotala, Amai ihto, nonga ampung tutang koba'as ang ahtoi'kam, mangat ihkam duon bogawi tutang mborihta inon ijo pios. Tului Pohotala ngasi ihto, tutang tului kohinut ahtoi-Oh, Io napa ihto tohtap tabah hawui bokoharap umba ijo hinut.

1 TIMOTEUS 1:14

Tutang ahku malah tonopuhak umba ponongaasi Tuhan ihto. Io nonga ahkak'ku kodahpot ahkan porocaya umba Oh tutang ngasi sosama ulun. Kodahpot orih tononga ahkan ihto paring ijo jari hihco umba Kristus Yesus.

TITUS 2:13

Uhuntuh ihto rahat ngindoi Ondou, ijo ihto paham mohara-harapoh rih; ang Ondou orih rih kolunon ahkan nohto kohajon Yesus Kristus, yorih Pohotala Mahahajo tutang Lahca Ponyolamat ihto.

IBRANI 3:6

Tahpi Kristus bokehtep kolou Anak, ijo botanggung-jawab ngosan Lohpou Pohotala. Tutang ihto tuhrih Lohpou Pohotala, amat ihto tahtap bosomangat tutang tahtap yakin ahkan ngondahpot inon ijo ihto harapoh.

YAKOBUS 1:18

Ngosan konohuang-Oh bongoi, Io ngojorian ihto anak-anak-Oh nguha auh-Oh ijo morong. Io monguanohrih, mangat ihto ngondahpot unuk ijo mbahtang ang louk paring angbolum ijo tona'oi-Oh.

1 PETRUS 1:13

Bain rih, hondakrih ihkam siap sodia. Bojaga iou tutang boharaprih sotuwioh aang borehkat ijo ahkan tononga ahkan'mu aang ohkot Yesus Kristus lombut noin.

1 PETRUS 1:21

Nguha Iorih ihkam porocaya ahkan Pohotala, ijo jari ngombolum Io hoduli tahkan popahtoi, tutang mopohajooh. Jadi, Pohotalarih ijo ihkam porocayaoh tutang ahkan Pohotalarih ka'a ihkam ngina koharapan.

1 PETRUS 1:23

Kotului nguha auh Pohotala ijo bolum tutang ijo abadi ihkam ius tonojadioh kolunon bohua, ijo eamoh konanak tahkan kolunon, molekan tahkan Amai ijo abadi.

1 PETRUS 2:2

Hondakrih ihkam monjadi kolou ngoa ijo punan konanak toturus haus ahkan susu rohani ijo hinut. Honong kolourih ihkam ahkan bolum tutang tonyolamat.

1 PETRUS 3:15

Tahpi ang luwang ahtoi'mu, hondakrih ihkam nunga ahkan Kristus kohoromatan ijo khusus, ijo tohorong umba ponuot-Oh, kolou Tuhan. Tutang hondakrih ihkam toturus bosodia, ahkan nonga auhputah ahkan nyinong ulun, ijo ngisok tohou koporocaya ijo ihkam nginaoh.

1 PETRUS 3:21

Nah, kojodian rih kolou tindung, tahkan pompondus ijo huntuh monyolamat ihkam. Pompondus tuh, eamrih ihco upacara momuhi behti tahkan paring ijo kojilo-jilok, molekan kolou bowot'mu umba Pohotala tahkan ahtoi bua ijo pios. Pompondus rih monyolamat ihkam kotului Yesus Kristus, jari bolum hoduli tahkan popahtoi,

1 PETRUS 3:5

Umba cara tuhrih ang jaman houn bawi-bawi boagama ijo porocaya umba Pohotala, mompohinoi aropoh hawui tunduk umba bosai iro.

1 YOHANES 2:29

Ihkam jari ta'an ijo Kristus bolum numbun konohuang Pohotala. Tului orih ihkam harus ta'an hino, ijo nyinong ulun ijo bolum numbun kohondak Pohotala anai rih anak Pohotala.

1 YOHANES 3:3

Paring ulun ijo anai koporocaya tuh toharep Kristus, monjaga aropoh, mangat tu'u-tu'u borasih, borasih tahkan dusa sama kolou Kristus ka'a borasih.

1 YOHANES 3:9

Ulun ijo jari monjadi Anak Pohotala, eam hototurus nguan dusa, kotului sipat Pohotala bongoi anai luwangoh. Tutang kotului Pohotala rih Amaioh, mahka io eam duon hototurus nguan dusa.

1 YOHANES 4:7

Konduang-konduang ijo tonyita! Olairih ihto hokasih ihco umba ijobohkon, bain kasih asaroh tahkan Pohotala. Ulun ijo mongasih anairih Anak Pohotala, tutang io ngosono Pohotala.

1 YOHANES 5:1

Ulun ijo porocaya ijo Yesus anairih Lahca Ponyolamat ijo tonobowot Pohotala, ulun orih anairih Anak Pohotala. Ulun ijo mongasih ihcobehti amai, mongasih anakoh ka'a.

1 YOHANES 5:18

Ihto ta'an ijo paring ulun ijo jari monjadi anak-anak Pohotala, eam hototurus mawi dusa, tului Anak Pohotala ngolindungoh, tutang si Ja'at eam dahpot mawi ino-inon tohimo io.

1 YOHANES 5:4

tului nyinong anak Pohotala sanggup pokalah kolunon ijo ja'at tuh. Tutang ihto mongalah kolunon umba koporocayan ihto.