1 PETRUS 1:25 - BOWOT BOHUA

²⁵ tahpi auh Tuhan tehen ahkan turus-jaham.’’ Auh orih Kabar Hinut ijo ius tonosiar ahkan'mu.

1 PETRUS 1:25 ပူးပေါင်းရင်းမြစ်များ

MATEUS 5:18

Ingat! Kotahin langit tutang tana magun anai, ihco hurup ata'ai tihtik ijo pongokoik ka, ang luwang turat rih, eam ahkan tongudap, amat paringoh jaha nyolung!

LUKAS 16:17

Tahpi labih jeleng langit tutang tana nihau, tahkan ihco hurup aang torat Pohotala monjadi eam nyolung.

YOHANES 1:1

Aang pahtukoh, sounumba kolunon tonapa, Auh jari anai. Auh anai hihco Pohotala tutang Auh sama umba Pohotala.

YOHANES 1:14

Auh jari monjadi ulun, Io mohcon ang louk ihto, tutang ihto jari nohto kohajoi-Oh. Kohajoi orih tonorima-Oh kolou anak tukan Amai. Nguha Io ihto nohto Pohotala tutang kasih-Oh ahkan ihto.

1 KORINTUS 2:2

Tului ahku ius nehkat, ijo kotahin ahku anai hihco ihkam. Ahku eam ahkan monyorihta ino-inon, bohkon tohou Yesus Kristus; khususoh, ijo Io jari mahtoi nyopolahki.

EPESUS 2:17

Orih kobainoh Kristus lombut ahkan mborihta Kabar Hinut tohou kobuah rih ahkan'kam; pios ahkan ihkam ulun bohkon Yahudi ijo lomoi mahcu umba Pohotala, oluka ahkan ulun Yahudi ijo doni umba Pohotala.

EPESUS 3:8

Ang louk paring ukup Pohotala, ahkurih ijo paling hina. Tahpi Pohotala nonga ahkak'ku pononga tuh, gawi ahkan mborihta ahkan ulun-ulun bohkon Yahudi, Kabar Hinut tohou kotahtou Kristus ijo eam anai koopahoh;

TITUS 1:3

Ang ohkot ijo kona, Pohotala ngorinah bowot-Oh rih a'ang pohtoh-Oh. Pohtoh orih jari tomorocaya ahkak'ku, tutang ahku mborihtaoh bain poretah Pohotala Ponyolamat ihto.

IBRANI 6:5

Iro kota'an tahkan pongalaman iro, ijo auh Pohotala rih hinut, iro jari nginyam pononga-pononga ijo tuwi kowasa tahkan jaman ijo ahkan lombut.

1 PETRUS 1:12

Ahkan nabi-nabi rih Pohotala momborihta, ijo inon ijo iro nguai eam ahkan gunan iro, molekan bagi'mu; yotuh hal-hal ijo uhuntuh, tuh ihkam ngonih honong korinah, tahkan dolang pomborihta Kabar Hinut tohou Yesus Kristus. Iro monyiar hal-hal rih bagi'mu umba kowasa Roh Pohotala ijo tongirim-Oh tahkan soruga. Mahihino molehkat-molehkat ka jolik ka'a ngota'an kabar ijo iro nyiaroh rih.

1 PETRUS 1:23

Kotului nguha auh Pohotala ijo bolum tutang ijo abadi ihkam ius tonojadioh kolunon bohua, ijo eamoh konanak tahkan kolunon, molekan tahkan Amai ijo abadi.

1 PETRUS 2:2

Hondakrih ihkam monjadi kolou ngoa ijo punan konanak toturus haus ahkan susu rohani ijo hinut. Honong kolourih ihkam ahkan bolum tutang tonyolamat.

2 PETRUS 1:19

Orih kotuluioh ihkai labih yahkin hino umba pohtoh Pohotala ijo tonujum bain nabi-nabi. Kopiosoh ihkam nohtoani pohtoh rih, kotului pohtoh rih kolou sumbu ijo nyingah ang unuk ijo pindong, nyiring kaloang ngorolondang tutang kotarang potion tahkan timur nyingah ang luwang ahtoi'mu.

1 YOHANES 1:1

Usin surat tuh tohou Auh ijo mononga pombolum, yorih Auh ijo jari anai tahkan pahtuk nopara. Ihkai jari ngonihoh, tutang ihkai jari nohtooh, umba mahtan ihkai bongon. Ihkai jari nopahjahoh, tutang jari nambitoh umba longon ihkai.

1 YOHANES 1:3

Inon ijo jari ihkai nohtooh, orih ka'a ijo ihkai monyiaroh ahkan ihkam, mangat ihkam homboh ihkai umba ngenang pombolum hihco umba Amai, tutang umba Anak-Oh Yesus Kristus.

PONGORINAH 14:6

Turus ahku nohto ihcobehti molehkat bohkon, ijo na'ang ang langit. Molehkat rih ngomin borihta, tohau Kabar Hinut ijo abadi ahkan tonosiar, ahkan kolunon ang tana, yorih ahkan paring uhtus, lihting, basa tutang nogara.