1 PETRUS 1:22 - BOWOT BOHUA

²² Tului ihkam te'et umba ajaran tahkan Pohotala, mahka ihkam moporasih arop, tutang ihkam ngasi ulun-ulun porocaya socara ihlas. Kobain rih, kopiosrih ihkam sita ihco umba ijobohkon, umba sotuwi ahtoi.

1 PETRUS 1:22 ပူးပေါင်းရင်းမြစ်များ

YOHANES 15:17

Tuhrih poretah-Ku ahkan'kam: Hokasihrih sama arop'kam.’’

YOHANES 15:3

Ihkam jari borasih tului ajaran ijo Ahku nongaoh ahkan'kam.

YOHANES 17:17

Jadiohrih iro ain 'cokobilah Amai, nguha komorong; auh Amai orih puna komorong.

YOHANES 17:19

Bagi gunan iro, Ahku nyorahoh arop kolou ain 'cokobilah Amai, mangat iro ka monjadi 'cokobilah ain Amai nguha kotu'u.

KESAH RASUL-RASUL 15:9

Pohotala eam ngobohkon ihto umba iro, Pohotala morasih ahtoi iro, tului iro porocaya.

KESAH RASUL-RASUL 6:7

Kolouorihrih Kabar Hinut tahkan Pohotala mahi-mahi tosiar nokuh tutang murid-murid Yesus ang Yerusalem ka mahi mondahang. Tutang aro hino imam-imam ijo porocaya ahkan Yesus.

RUMA 1:5

Nguha Io ka'a Pohotala nonga ahkak'ku pononga monjadi rasul, mangat ahku – ahkan mohoromat Kristus – ngogalan ulun-ulun tahkan kokaron uhtus, mangat porocaya tutang te'et.

RUMA 2:8

Tahpi ulun-ulun ijo kogunan aropoh bongoi tutang eam kani te'et umba Pohotala, molekan nitoi jalan ijo ja'at, ulun-ulun orih ahkan paham kononyingi Pohotala.

RUMA 8:13

Kotului amat ihkam bolum numbun tobiat kolunon, mahka ihkam ahkan mahtoi. Tahpi amat ihkam konowasa Roh Pohotala, ihkam toturus iou munu konuan-konuan'kam ijo bodusa, mahka ihkam ahkan bolum.

2 KORINTUS 6:6

Honong nguan kotulus, kopihtar, sabar tutang hinut ahtoi, ihkai ngorinah, ijo ihkai, anairih jihpon Pohotala. Ka'a hawui bohambin aang pondohop Roh Pohotala, tutang hawui kasih ijo ihlas,

GALATIA 3:1

Konduang-konduang ulun-ulun Galatia! Ihkam kotu'ui uong! Inonrih ihkam jari kona pongaroh iai? Pompahtoi Kristus ang sopolahki jari ahku monarangoh hawui botarang-tu'uoh ahkan'kam.

GALATIA 5:5

Tahpi bagi ihkai, ihkai bokoharap, ijo honong pondohop Roh Pohotala tutang hogalang koporocayan ihkai umba Kristus, Pohotala touduonrih ahkan ihkai hokopios umba Io.

GALATIA 5:7

Lomoi ihkam hokolahi honong pios! Huntuh ombai ihkam eam te'et hino umba konohuang Pohotala? Iai jari mbujuk ihkam?

EPESUS 4:3

Bousaha tu'u-tu'u ahkan bolum honong kobuah, mangat kohihco ijo tona'oi bain Roh Pohotala tohtap tonojaga.

PILIPI 1:9

Tuhrih do'a'ku ahkan ihkam; keleh ihkam mahi-mahi monyita Pohotala tutang hawuiarop tutang turus ndahang timbon pongotaan ijo morong tutang topahjah ijo kopihtar.

1 TESALONIKA 3:12

Keleh Tuhan nguan ihkam mahimahi mongasih ihco sama ijobohkon, tutang mahi ka'a ngasi paring ulun, nyiring kasih'kam rih botambah-tambah toturus, sama kolou kasih ihkai umba ihkam.

2 TESALONIKA 1:3

Konduang-konduang, ihkai toturus pahtut ngohawot torimakasih ahkan Pohotala kotului ihkam. Tutang puna kopahtutoh ihkai nguan kodorih, kotului ihkam mahi-mahi porocaya umba Kristus tutang ihkam mahi ngasi ihco umba ijobohkon.

2 TESALONIKA 2:13

Konduang-konduang ijo tonokasih Tuhan! Toturus ihkai harus, ngohawot torimakasih ahkan Pohotala tohou ihkam, tului tahkan pahtuk-Oh Pohotala, jari mitih ihkam ahkan tonyolamat. Hal orih rih nyolung bain inon ijo tonguan Roh Pohotala ang ihkam, ahkan ngonjorian ihkam ukup Pohotala ijo borasih, tutang bain kotului ihkam porocaya umba Kabar ijo morong tahkan Pohotala.

1 TIMOTEUS 1:3

Ahku jolik mangat ihko tahtap mahcon ang Epesus, kolou ius ahku nahtap ahkan'kam, ang ohkot ahku tulak nokuh Makedonia. Kotului, ang Epesus anai pira-pira ulun ijo monyiar ajaran ijo eam morong, tutang ihko harus nondorih iro.

1 TIMOTEUS 1:5

Titun tingak'ku tuh, anairih mangat ulun dahpot ngina ahtoi ijo hinut tutang ahtoi bua ijo tu'u borasih, hawui tu'u-tu'u porocaya umba Tuhan, tutang honong kodorih iro dahpot hosita sama aropoh.

1 TIMOTEUS 4:12

Ara mohanau ihcobehti ka ngohu ihko randah kotului ihko magun biou. Sobalikoh hondakrih ihko monjadi sutu bagi ulun-ulun porocaya a'ang pander'mu tutang hadat'mu, a'ang cara ihko mongasih sosama tutang porocaya umba Yesus Kristus, tutang umba pombolum'mu ijo borasih.

1 TIMOTEUS 5:2

tutang bawi-bawi oko kolou inai. Bawi-bawi biu hondakoh ihko kolou ari'mu, umba sihkap'mu ijo borasih.

2 TIMOTEUS 1:14

Umba pondohop tahkan Roh Pohotala ijo bolum ang luwang ihto, hondakrih ihko njaga pio-pios hal-hal borega ijo jari tomorocayarih ahkan ihkam.

IBRANI 11:8

Kotului porocaya, mahka Abraham mone'et Pohotala, kotihka Pohotala na'ah io, tutang nyuhuoh tulak nokuh tanah, ijo Pohotala mbowot ahkaioh. Turus Abraham tulak honong eam ta'an nokuh umoh ahkan ponulak.

IBRANI 13:1

Hondakrih ihkam bokehtep hosita ihco sama 'jobohkon kolou ulun-ulun Kristen ijo hokonduang.

IBRANI 5:9

Mahka uliius Io tomonjadi ponyolamat ijo soporuna, Io monjadi luwangtohasak solamat ijo kototahiu bagi paring ulun ijo te'et umba Io,

IBRANI 6:10

Pohotala eamoh Pohotala ijo eam adil. Io eam nolingou, inon ijo ihkam nguairih bagi-Oh, tutang asi ijo ihkam nunjukrih ahkai-Oh, angohkot ihkam dohop konduang-konduang samakoporocaya, ijo houn tutang uhuntuh.

IBRANI 9:14

Orih, amat daha tutang awu rih, duon ngomuhi kopalin ulun-ulun rih, mahihino dahan Kristus! Nguha Roh ijo abadi, Kristus monyorah arop-Oh bongoi ahkan Pohotala, kolou porahpah ijo soporuna. Daha-Oh muhi ahtoi-bua ihto tahkan upacara agama ijo eam boguna, mangat ihto dahpot mohalu Pohotala ijo bolum.

YAKOBUS 1:21

Tului rih, dianrih nyinong kopahtuh ijo kojilok tutang ja'at. Torimarih umba randah ahtoi auh ijo tonombolam bain Pohotala ang luwang ahtoi'mu, kotului auh rih anaingina koba'as ahkan nyolamat ihkam.

YAKOBUS 4:8

Ngondonirih Pohotala, tutang Pohotala ka'a ahkan ngondoni ihkam. Muhiohrih longon'mu, ihkam ijo bodusa! Tutang nokiningoh rih ahtoi'mu, ihkam ijo holambang ahtoi!

1 PETRUS 2:17

Moregarih paring ulun, ngasirih konduang-konduang'mu sama Kristen. Mihkohrih umba Pohotala, tutang horomatrih umba Kaisar.

1 PETRUS 3:1

Kolourih ka'a ihkam, oruh-oruh, pahtut minda auh bosai, mangat amat ang tohun ihkam anai, ijo eam porocaya ahkan borihta tahkan Pohotala, hadat dasar'mu duon nguan iro monjadi porocaya. Tutang eam porulu ihkam nuhtui ino-inon ahkan iro,

1 PETRUS 3:20

yorih roh, ulun-ulun ijo eam te'et umba Pohotala ang jaman Noah. Ang ohkot orih, Pohotala ngindoi honong sabar, kotahin Noah nguan bonamaoh. Tihkas ulun-ulun ijo ang bonama iou – paringoh jalu behti – ijo tonyolamat nguha danumsuhu hajo rih.

1 PETRUS 3:8

Kolopuhtaioh iorih; hondakrih Konduang-konduang soiyoh sotutui tutang hihco-nanyam. Hondakrih ihkam saling ngasi-sayangoh kolou ulun-ulun ijo hokonduang. Tutang hondakrih ihkam saling hobalos-ngasihan rih, tutang sikap randah ahtoi.

1 PETRUS 4:17

Jari johcok ohkotoh Pohotala mosara kolunon. Tutang ukup Pohotala bongoi, ijo ahkan tomosara labih houn. Nah, amat Pohotala ahkan nopara umba ihto, koloukuwohrih kojadioh noin, umba ulun-ulun ijo eam porocaya, umba Kabar Hinut tahkan Pohotala rih?

1 PETRUS 4:8

Labih tahkanumba kokaro-karooh, hondakrih ihkam tu'u-tu'u mongasi ihco umba ijobohkon, kotului hawui saling masi ihkam ahkan bosodia ka'a ahkan saling mongapun.

2 PETRUS 1:7

Tutang bolum numbun konohuang Pohotala harus ka'a tonyukup umba kasihsayang'kam umba konduang-konduang ihcokoporocaya. Koturus-Oh hondakrih kasihsayang ahkan konduang-konduang ihcokoporocaya, ndahang umba ngasi toharep paring ulun.

1 YOHANES 3:11

Tahkan pahtuk jari tonyiar borihta tuh ahkan'kam: Ihto harus masi ihco umba ijobohkon.

1 YOHANES 3:23

Ijo Io moretahoh ahkan ihto; iorih, ihto harus porocaya ahkan Anak-Oh, yorih Yesus Kristus, tutang ihto harus saling ngasi kolou ijo jari ponoretah Kristus ahkan ihto.

1 YOHANES 4:12

Eam anai ihcobehti ka ijo pu'u nohto Pohotala, tahpi amat ihto saling hosita, tanda Pohotala hihco umba ihto, tutang asi-Oh monjadi soporuna luwang arop ihto.

1 YOHANES 4:20

Amat ihcobehti nuhtui, ‘‘Ahku ngasih Pohotala,’’ tahpi io eam mongasih konduangoh, ulun rih bobalik. Kotului ulun ijo eam mongasih konduangoh ijo gihtaioh, eam harapan tou mongasih Pohotala ijo eam tonohto baiuoh.

1 YOHANES 4:7

Konduang-konduang ijo tonyita! Olairih ihto hokasih ihco umba ijobohkon, bain kasih asaroh tahkan Pohotala. Ulun ijo mongasih anairih Anak Pohotala, tutang io ngosono Pohotala.

PONGORINAH 2:4

Tahpi tuh kobahat-Ku toharep'kam: Ihkam eam hino mongasi Ahku kolou pahtuk.