1 PETRUS 1:17 - BOWOT BOHUA

¹⁷ Ihkam ngohawot Pohotala rih Amai, aang ohkot ihkam bodo'a nitu Io. Nah, Pohotala orihrih ijo ahkan mosara kolunon tohorong umba gawiu nyinong-behti, eam nohto kolunoi. Tului rih kotahin ihkam magun anai ang kolunon tuh, hondakrih ihkam mopohajo Pohotala a'ang pombolum'mu.

1 PETRUS 1:17 ပူးပေါင်းရင်းမြစ်များ

MATEUS 16:27

Eam tahi hino Anak Ulun ahkan homboh umba molehkat-molehkat-Oh, ahkan lombut hapan kowasan Amai-Oh. Ang ohkotrih Io ahkan malos nyino-nyinong ulun sorurui umba gawiuoh.

MATEUS 22:16

Mahka iro nyuhu murid-murid'ndo nokuh Yesus homboh pira-pira ulun barih Horodes. Ulun-ulun rih nuhtui umba Yesus, “Amai Guru, ihkai ta'an Amai morong. Amai majar ulun hapan auh torus-tarang tohou kohondak Pohotala umba ulun, eam aro poduli tiruk iai beweu. Tului Amai eam nopahjah kolouului.

MATEUS 6:9

Jadi bodo'arih koloutuh, ‘Amai ihkai ang soruga: Ihko Pohotala Ijo Tukan. Keleh Ihko tonyembah tutang tonohoromat.

RUMA 11:20

Orih puna morong. Tahpi iro todian tului iro eam porocaya, rahatoh Konduang tonorima tului Konduang porocaya. Jadi ara Konduang monjadi bojuhu kotuluioh, sopunaoh Konduang pahtut komo kihkoh.

2 KORINTUS 1:2

bokoharap keleh Pohotala, Amai ihto tutang Tuhan Yesus Kristus nonga borehkat tutang kosanang ahkan ihkam.

2 KORINTUS 5:6

Kotului orih ahtoi ihkai hototurus komo ba'as. Ihkai kota'an, ijo kotahin ihkai magun mohcon ang luwang behtin ihkai tuh, ihkai mahcu tahkan lohpou, ijo ahkan ihkai mohconoh homboh Tuhan.

2 KORINTUS 7:1

Konduang-konduang ijo tonokasih! Paring bowot rih tonitu ahkan ihto. Bain kotului orih kohondakoh ihto porasih arop tahkan kokaron ijo ngojilok homboruan behtin ihto. Kohondakoh ihto mihkoh umba Pohotala, mangat ihto tou bolum khusus ahkai-Oh hawui soporuna.

2 KORINTUS 7:11

Cuba ihkam nohtoani inon buaoh aang'kam, bain kosedihan ijo sorurui umba kohondak Pohotala! Buaoh, iorih ihkam tu'u-tu'u ngurahjalan ahkan nokining kokoruh! Ihkam monjadi bosingi toharep dusa, ihkam mihkoh, ihkam rindu, ihkam monjadi bosomangat, ihkam rela mohukum ijo bosala! A'ang paring persoalan tuh ihkam jari ngorinah, ijo ihkam eam bosala.

GALATIA 2:6

Olu kodorih, eam anai hal-hal bohua ijo tonyawot tahkan ahku bain ulun-ulun ijo tongohu bosewut – ahkak'ku earo kobohkoi amat iro bosewut ata'ai eam, kotului Pohotala eam nopahjah baui.

EPESUS 1:17

Ahku nyawot mangat Pohotala, Tuhan ihto Yesus Kristus, Amai ijo tonohoromat nonga Roh-Oh ahkan'kam. Roh orih ahkan monjadian ihkam pitar, tutang ahkan mongorinah Pohotala ahkan'kam, nyiring ihkam ngosono Io.

EPESUS 3:14

Bain kotului orihrih ahku suhkuntu'ut ang toharep Amai.

EPESUS 6:9

Konduang-konduang ijo monjadi Tepui! Hondakrih ihkam nguan kodorih ka'a toharep jihpon-jihpon'kam. A'ai hino hapa ngancam-mongancam. Ingat ijo ihkam tutang jihpon-jihpon'kam rih sama-sama anaingina ihco tuan, iorih Tuhan ijo ang soruga. Io eam nopahjah baui.

PILIPI 2:12

Tului orih, Konduang-konduang ijo tonokasih, kolouumoh ihkam toturus te'et umba ahku, aang ohkot ahku anai ang louk ihkam, mahka labi-labih huntuh ang ohkot hokomahcu, hondakrih ihkam tahtap te'et umba ahku. Ihkam ius tonyolamat bain Pohotala, jadi ngurahjalan turus mangat kosanang'kam monjadi soporuna. Nguan ang orih rih honong horomat tutang ponumbun ahkan Pohotala,

KOLOSE 3:25

Tutang iai ka ijo nguan kosalan, ahkan ngohtun kosalan-kosalanoh rih; tului Tuhan eam nopahjah baui.

IBRANI 12:28

Kotului orih, hondakoh ihto ngohawot torimakasih ahkan Pohotala, kotului ihto norima tahkan Io ihco kolahca'an ijo eam dahpot tonoruhkuh. Hondakrih ihto norimakasih tutang sombayang ahkan Pohotala hawui horomat tutang mihkoh, numbun cara ijo tongojolik baiu-Oh bongoi.

IBRANI 4:1

Nah, bowot Pohotala magun tohapan, tutang ihto ahkan tononga nondobo'o ijo tonobowot-Oh. Jadi, hondakrih ihto bojaga, mangat ara anai ihcobehti ka tahkan louk ihkam, ijo korinah eam komo nondobo'o-Oh ijo tonobowot orih.

1 PETRUS 2:11

Konduang-konduang ijo kokasih! Ihkam anai rih ulun bohkonuhtus tutang ponomuoi ang kolunon tuh. Kotului rih ahku nyawot hawui paham mangat ihkam ara numbun kojolik bolai kolunon ijo toturus hokolahi molawan homboruan.

1 PETRUS 3:15

Tahpi ang luwang ahtoi'mu, hondakrih ihkam nunga ahkan Kristus kohoromatan ijo khusus, ijo tohorong umba ponuot-Oh, kolou Tuhan. Tutang hondakrih ihkam toturus bosodia, ahkan nonga auhputah ahkan nyinong ulun, ijo ngisok tohou koporocaya ijo ihkam nginaoh.