1 PETRUS 1:10 - BOWOT BOHUA

¹⁰ Kosolamatan tuhrih ijo tonolihti tutang tonyolidik bain dolang nabi, tutang iro nujum tohou borehkat ijo tononga Pohotala ahkan'mu.

1 PETRUS 1:10 ပူးပေါင်းရင်းမြစ်များ

MATEUS 13:17

Ingatrih, aro nabi tutang ulun ijo te'et umba Pohotala, jolik nohto ijo ihkam nohto uhuntuh, tahpi iro eam nohtooh. Iro jolik ngonih ijo ihkam ngonih uhuntuh, tahpi iro eam ngonihoh.”

MATEUS 26:24

Punaoh Anak Ulun ahkan mahtoi kolou ijo tonyurat ang luwang Surat Borasih. Tahpi colahkalah ulun ijo ngarana Anak Ulun! Labih pios ahkan ulun rih, amat io eam pu'u konanak samasino!”

LUKAS 10:24

Tului ingat: Aro nabi tutang lahca jolik nohto ijo ihkam nohto hunituh tuh, tahpi iro eam nohtooh. Iro jolik ngonih, ijo ihkam ngonih hunituh tuh, tahpi iro eam duon ngonihoh.’’

LUKAS 24:44

Uliorih Io nuhtui ahkan'ndo, ‘‘Tuhrih hal-hal ijo jari Ahku manderoh ahkan'kam ohkot Ahku magun hihcoumba ihkam: ijo nyinong hal ijo tonyurat tohou Ahku aang buhku-buhku Museh, tutang nabi-nabi tutang Masmur, harus nyolung.’’

YOHANES 5:39

Ihkam bolajar Surat Borasih, tului nanyam'kam ijo umba cara orih ihkam anai ngina pombolum sojahti tutang kototahiu. Tutang Surat Borasih rih bongoi nonga kosaksian tohou Ahku.

YOHANES 7:52

‘‘Inonrih ihko ka'a tahkan Galilea?’’ hion'ndo. ‘‘Poriksarih houn Surat Borasih! Ihko ahkan nohto ijo eam anai Nabi ijo asar tahkan Galilea!’’ [

KESAH RASUL-RASUL 10:43

Paring nabi-nabi momander tohou Io. Iro nuhtui ijo paring ulun ijo porocaya umba Yesus, ahkan duonapun dusaoh honong kowasa tahkan Yesus.’’

KESAH RASUL-RASUL 17:11

Ulun-ulun Berea labih bokuap ahtoi'ndo, tahkan ulun-ulun ang Tesalonika. Honong sanang ahtoi iro ngonih borihta tohou Yesus tutang nyinong ondou iro moriksa Surat Borasih ahkan ngota'an inon ajar Paulus rih morong.

KESAH RASUL-RASUL 28:23

Mahka iro tutang Paulus monahtap ihco ondou ahkan hosombang. Aang ondou orih aro ulun lombut nokuh unuk Paulus. Tahkan ngohkos johcok sohit Paulus monyorihta tutang mborihtaoh ahkan'ndo tohou Kabar Hinut koloukuwoh Pohotala momorentah kolou Lahca. Hapan ayat-ayat tahkan Buhku Museh tutang Buhku Nabi-nabi, Paulus ngurah jalan nguan iro porocaya tohou Yesus.

KESAH RASUL-RASUL 7:52

Kuwoh anai ihcobehti nabi ijo eam konoporos bain tahtu ajuh'kam? Iro munu soruhan-soruhan tahkan Pohotala ijo jaman houn lomoi jari monyiar ijo Jihpon Pohotala ijo morong rih ahkan lombut. Tutang huntuh ihkam ngarana tutang munu Jihpon Pohotala rih.

IBRANI 11:13

Paring ulun rih tahtap porocaya nyiring mahtoi. Iro eam norima hal-hal ijo tonobowot bain Pohotala, tahpi baya nohto tutang naharangoh tahkan mahcu. Tutang honong rih iro ngorinah, ijo iro baya ulun bohkonuhtus tutang ponomuoi ang kolunon tuh.

IBRANI 11:40

kotului Pohotala anai rancana ijo labih pios ahkan ihto. Rancana-Oh, iorih ijo tihkas hihco umba ihto, iro ahkan monjadi soporuna.

1 PETRUS 1:11

Iro nyolidik koloukuwoh, tutang mira hal orih ahkan nyolung, ijo konohuangoh bain Roh Kristus ijo anai ang luwang arop iro. Ang ohkot rih, Roh-Oh monujum ahkan iro, tohou karot-karot ijo harus tonyuru bain Kristus tutang tohou kohajoi-Oh ijo ahkan nutut ulimba rih.

1 PETRUS 1:13

Bain rih, hondakrih ihkam siap sodia. Bojaga iou tutang boharaprih sotuwioh aang borehkat ijo ahkan tononga ahkan'mu aang ohkot Yesus Kristus lombut noin.