1 KORINTUS 6:9 - BOWOT BOHUA

⁹ Kota'ankah ihkam ijo ulun-ulun, ijo eam numbun konohuang Pohotala, eam ahkan monjadi anak ukup Pohotala? Ara kona alik! Ulun-ulun ijo nguan kokihal, ulun-ulun ijo nyembah songiang, ijo pohobandung, ijo nguan gawiou ijo momi'a toharep sama tapaioh,

1 KORINTUS 6:9 ပူးပေါင်းရင်းမြစ်များ

MATEUS 19:29

Tutang nyinong ulun ijo jari nohtah lohpou, ata'ai konduangoh bahkas ata'ai bawi, ata'ai inai amai, ata'ai anak-anak, ata'ai umoi tului Ahku, ulun rih ahkan norima hoduli sorahtus lihpet. Tutang io ahkan norima ka'a pombolum sojahti tutang kototahiu.

MATEUS 25:34

Pongohuli Lahca rih nuhtui umba ulun-ulun ang hila koto'ui-Oh, ‘Nokuhohtoi ihkam ijo tomorehkat bain Amai-Ku. Nyolong nokuh Kolahca'an ijo tonyodia ahkan'kam tahkan pahtuk kolunon.

LUKAS 21:8

Yesus nuhtui, ‘‘Rondo-rondongrih, ara nyiring ihkam tongobula. Aro ulun ahkan lombut tutang mahapa arak-Ku, tutang nuhtui, ‘Ahku tuh Io!’ tutang ‘Johcok ohkotoh.’ Tahpi a'ai ihkam ngohasu iro.

KESAH RASUL-RASUL 20:32

Huntuh ahku nyarah ihkam ahkan Pohotala mangat Io ijo monjaga ihkam, tutang mangat ihkam nambit aang kabar pononganasi Pohotala. Pohotala tepun kowasa ahkan ngomba'asoh ihkam, tutang nonga ahkan'mu borehkat-borehkat ijo jari tonahtap-Oh ahkan paring ukup Aiu.

KESAH RASUL-RASUL 24:25

Tahpi kotihka Paulus noturus panderoh tohou komorong, tutang tahan kojolikbolai, tutang tohou hukum ang Ondou Kiamat, mahka Pelik monjadi paham mihkoh turus nuhtui, ‘‘Ihko tou tulak huntuh. Ahku ahkan na'ah ihko hino amat anai kosapet.’’

RUMA 1:18

Tahkan soruga Pohotala ngorinah kosingi-Oh toharep paring dusa tutang koja'at ulun, tului koja'at, pojajong kalunon ahkan ngosono ajaran morong tohou Pohotala.

1 KORINTUS 15:33

Ara konaalik! Kopahkat ijo ja'at, morusak hadat ijo pios.

1 KORINTUS 15:50

Konohuang'ku, Konduang-konduang, iorih; behti ijo tonapa tahkan daha tutang usi, eam dahpot nyolong Kolunon Bohua Ain Pohotala; tutang behti ijo dahpot mahtoi, eam dahpot monjadi abadi.

1 KORINTUS 3:16

Kota'ankah Konduang, ijo ihkam anai Lohpou Pohotala? Tutang ijo Roh Pohotala mohcon ang luwang ihkam?

1 KORINTUS 5:1

Ahku kotu'ui jari norima borihta, ijo ang louk ihkam, anai karon-gawin kokihal ijo dalo-dalou. Anai tahkan louk Konduang ijo hobandung umba inai tirioh. Ulun-ulun ijo eam kosono Tuhan ka, eam nguan ang kolourih.

1 KORINTUS 5:10

Ijo ahku hondakoh eam ulun-ulun pongihal, ata'ai bokuhu, ata'ai pobalik, ata'ai nyembah dewa, ijo samasino eam kosono Pohotala. Eam! Ahku eam nohuangoh iro; kobain amat ihkam harus ngomahcuoh iro, mahka kopunaioh ihkam porulu soluka samasino tahkan kolunon tuh.

1 KORINTUS 5:11

Konohuang'ku iorih, ijo ihkam ara pahkat umba ulun ijo ngahku aropoh ulun Kristen, tahpi ulun rih nguan kokihal, ata'ai bokuhu, ata'ai ponyembah dewa, ata'ai jorik ngonja'at-ja'at ulun bohkon, ata'ai pobusou, ata'aika ponahkou. Tuot kuman umba ulun rih ka a'ai!

1 KORINTUS 6:10

ijo nahkou, ijo bokuhu, ijo pobusou, ijo jolik ngonjaat-jaat ulun bohkon, tutang mohamis ulun bohkon – paring ulun kolourih eam ahkan monjadi anak ukup Pohotala.

1 KORINTUS 6:18

Ngojajong karon-gawi ijo kihal. Kotului paring dusa bohkon, ijo konuan ulun, uras nyolung ang luar behtin ulun rih. Tahpi ulun ijo nguan ijo kihal, rimai nguan dusa toharep behtiu bongoi.

1 KORINTUS 6:19

Ihkam harus ngota'an ijo behtin'mu anai unuk mohcon Roh Pohotala. Roh rih mohcon ang luwang ihkam. Tutang Pohotala bongoi ijo nonga Roh rih ahkan'kam. Behtin Konduang rih eam ain emu. Orih ain Pohotala.

1 KORINTUS 9:24

Konduang puna ta'an, ijo ang a'ang hosolanja, koparing ulun umba nokoru, tahpi baya ihcobehti ulun norima hadiah. Bain tului orih, nokoru kodorih kolouoh, nyiring Konduang norima hodiahoh.

2 KORINTUS 12:21

Ahku mihkoh amat-amat aang ohkot ahku lombut noin Pohotala ahkan porandah ahku ang toharep'kam, tutang ahku ahkan nangih tului aro, ang louk ihkam ijo bodusa lomoi, eam hubah tutang eam tondo nguan gawin-gawin iro ijo kihal, kojilok tutang eam pantas.

GALATIA 6:7

A'ai konobalik. Pohotala eam duon tongonjea! Inon ijo tongombulan orih ka ijo ahkan tongohtom.

KOLOSE 3:5

Kotului rih munuoh rih kojolik-kojolik kolunon ijo monderoh arop'kam, kolou kokihal, hal-hal ijo eam sanonoh, kojolikbolai, konohuang ijo ja'at, tutang kokuhu (tului kokuhu anairih kolou umba nyembah dewa).

IBRANI 12:14

Bousaharih, ahkan bolum ruhkun umba paring ulun. Bousaharih ka'a bolum borasih, khusus ahkan Tuhan. Tului eam ihcobehti ka dahpot nohto Tuhan, amat io eam bolum kolourih.

IBRANI 12:16

Jagarih, mangat ara anai ijo bolum kihal ata'ai eam morega hal-hal rohani, kolou ijo konuan bain Esau. Io morahkang hakoh kolou anak ijo oko, tihkas bagi ihco pikan ukun.

IBRANI 13:4

Paring ulun harus nunjuk sikap horomat, toharep pongawin, orih kotuluioh hondakrih bosai-oruh, te'et ihco sama'jobohkon. Ulun ijo kihal tutang ulun ijo hobandung, ahkan tomosara bain Pohotala.

YAKOBUS 1:16

Ara ihkam totihpu, Konduang-konduang'ku ijo tongasih.

1 YOHANES 3:7

Anak-anak'ku, ara mohonau iai ka ka'a monyosatoh ihkam. Ulun ijo nguan kohondak Pohotala anairih Anak Pohotala, kolouumoh Kristus anairih Anak Pohotala.

PONGORINAH 21:8

Tahpi ulun ijo pomihkoh, pondoruhaka, ulun bejad, pomunu, ulun ponyundal, ulun ijo hapa ilmu-ilmu gaib, ponyembah songiangdewa, tutang paring pabula, ahkan tonondian nokuh luwang tasik baho tutang sondawa ijo honyelak-honjelou, yorih popahtoi ijo ambal duo.’’

PONGORINAH 22:15

Tahpi ulun-ulun ijo jari nguan hal-hal ijo kojilok, ijo hapa ilmu-ilmu gaib, ulun-ulun rih ijo nguan gawiu-gawiu ijo nyundal, ijo munu, ijo nyembah songiangdewa, tutang ulun-ulun ijo ngobalik, pios umba auh-auh, oluka umba gawiu-gawiu, paring ulun rih unukoh ang luar lowu rih.