1 KORINTUS 6:3 - BOWOT BOHUA

³ Inon ihkam eam kota'an, ijo ihto ahkan mosara karon-molehkat? Mahi-mahi hino karon-porokara pambolum nyinong ondou!

1 KORINTUS 6:3 ပူးပေါင်းရင်းမြစ်များ

MATEUS 25:41

Turus Lahca rih ahkan nuhtui umba ulun-ulun ang hila komuloi-Oh, ‘Hahtun tahkan ohtoi, jahanam! Nyolong nokuh luwang baho ijo eam tou bolop, ijo jari nyodia ahkan sehtan tutang molehkat-molehkatoh!

LUKAS 21:34

‘‘Jagarih arop'kam ara nyiring ihkam dalou kaurderoh umba pesta-pesta tutang minum-ngorih mombusou, ata'ai toturus niruk soal soal pombolum'mu, nyiring ihkam eam botahtap kotihka Ondou orih lombut hawui nyolonga.

LUKAS 8:14

Bonyi ijo nuhkan ang tohun ruwut duhi nindung ulun ijo ngonih Kabar Hinut rih, tahpi mihkoh tohou pombolum'ndo, hawui jolik bolum molowi tutang sanang ang luwang kolunon tuh. Paringoh mohahpit ahtoi'ndo nyiring eam aro momua bua ihco jadi.

RUMA 6:16

Kota'ankah ihkam ijo amat ihkam monyorah arop ahkan ihcobehti ulun, mangat nguanoh konohuangoh, mahka ihkam anairih jihpon ulun, ijo ihkam heretoh rih – inonrih jihpon dusa ijo ngomin ihkam ahkan popahtoi ata'ai jihpon ijo heret umba Pohotala. Tutang honong kodorih, hokopios huli umba Pohotala.

1 KORINTUS 6:15

Konduang-konduang kota'an ijo behtin'kam anai ramun behtin Kristus. Jadi, inon tou ahku ngomin ihco ramun behtin Kristus, turus monjadioh ramun behtin 'cobehti sundal? Samasino eam!

1 KORINTUS 6:16

Ata'aioh, mihkoh ihkam jaha ngota'an, ijo ulun ijo hihco umba 'cobehti sundal, monjadi ihco umba sundal rih! Tului a'ang Surat Borasih tonyurat, ‘‘Duo behti orih rih monjadi ihco.’’

1 KORINTUS 6:19

Ihkam harus ngota'an ijo behtin'mu anai unuk mohcon Roh Pohotala. Roh rih mohcon ang luwang ihkam. Tutang Pohotala bongoi ijo nonga Roh rih ahkan'kam. Behtin Konduang rih eam ain emu. Orih ain Pohotala.

1 KORINTUS 6:4

Mahka amat lombut karon-porokara kolou orih, inon ihkam ngaduoh ahkan ulun-ulun ijo eam anai ponuotoh samasino ang ukup?

2 TIMOTEUS 2:4

Ihcobehti sorodadu ijo rahat botugas eam ahkan nderohoh aropoh, umba urusan-urusanoh bongoi, kotului io jolik ngojorih ahtoi pokolimaoh.

2 TIMOTEUS 4:10

Tului Demas jari nohtah ahku, kotului nyayang kolunon tuh. Io ius tulak nokuh Tesalonika. Kreskes jari tulak nokuh Galatia, tutang Titus nokuh Dalmatia.

2 PETRUS 2:4

Molehkat-molehkat ijo bodusa ka'a eam Pohotala mohanau liwus tahkan hukum, molekan tongondian ahkan luwang norahka. Iro ponosolong ahkan luwang guha ijo pindong, ahkan tonahan ang anan nyiring Ondou Ponosara.

YUDAS 1:6

Ingatrih, ka'a, dolang molehkat ijo nokalou holat-holat kowasan iro, nyiring tulak nohtahoh unuk mohcon iro. Pohotala masung molehkat-molehkat rih, umba rantai abadi, ang luwang unuk ijo pindong ang pinda tana. Ang anan iro tonahan turus johcok hukuman ijo tongonyahtu nokuh ngosan iro ang Ondou ijo hebat rih noin.