1 KORINTUS 5:7 - BOWOT BOHUA

⁷ Dian houn ragi ijo usang rih, iorih ragi dusa, mangat ihkam monjadi kolou golahpung ijo bohua, borasih tahkan ragi dusa ijo usang, tutang ahku kota'an ijo ihkam puna kodorih. Kobain, pesta Paska ihto jari sodia, tului Kristus ijo monjadi kolou tobiri Paska ihto, jari tomorahpah.

1 KORINTUS 5:7 ပူးပေါင်းရင်းမြစ်များ

MATEUS 13:33

Anai ihco porobasa bohkon ijo ngesah Yesus ahkan ulun aro. “Amatmira Pohotala moretah, koada'aioh kolou ragi ijo omin bain ihcobehti ulunbawi, turus pohicooh umba ohpat pulu tahkar golahpung gandum nyiring kamir paringoh!”

MARKUS 14:12

Aang ondou 'jopahtok a'ang Pesta Luhte Eam Boragi – aang ohkot ulun nyombolih tobiri Paska – murid-murid Yesus ngisok umba Io, ‘‘Ang amohrih Amai jolik ihkai nahtap ukun Paska ahkan Amai?’’

YOHANES 1:29

Anghawun ondouoh Yohanes nohto Yesus lombut ahkaioh. Turus Yohanes nuhtui, ‘‘Nohto, orihrih Anak Tobirin Pohotala ijo ngapit dusan kolunon.

YOHANES 1:36

Kotihka io nohto Yesus nguha, io nuhtui, ‘‘Topahjah! Orihrih Anak Tobirin Pohotala.’’

YOHANES 19:14

Ohkot orih doni jam duo balas tohunondou, ondou sounumba Ondou Pesta Paska, Pilatus nuhtui umba ulun-ulun rih, ‘‘Tuh lahcan'kam!’’

RUMA 3:25

Pohotala noparahpah Yesus Kristus, mangat honong popahtoi-Oh rih ulun tongorimahoh ius boliwus tahkan kosalaioh, amat iro porocaya umba Io. Pohotala nguan angkodorih ahkan ngorinah koadilan-Oh. Tului ang wayah ijo houn Pohotala ius nyolenankosabar ngindoi, toharep dusa-dusan ulun. Nyiring Io eam mohukum iro.

1 KORINTUS 10:17

Bain kotuluioh tihkas anai ihco ruhte, tutang ihto paringoh kuman, tahkan ruhte ijo ihco rih ka'a, mahka ihto ijo aro tuh, monjadi ihco kobereng.

EPESUS 4:22

Kotului orih molokakohrih ko-ulun hounumba pola pombolum lomoi, ijo rahat tonorusak bain kojolik-kojolikoh ijo monyosat.

PONGORINAH 5:12

Tutang iro monyanyi umba auh ijo muhing, ‘‘Anak Tobiri ijo jari tonyombolih rih, pahtut ahkan norima kowasa, ponahtou, kopihtaran tutang koba'as; Io pahtut tonohoromat iou, tonohajo, tutang tonara-nara!’’